Sumqayıt Şəhər Məhkəməsi Qərar — İş №3(060)-2316/2022

Azərbaycan Respublikası adından QƏRAR Sumqayıt şəhəri İş № 3(060)-2316/2022 27.09.2022 SUMQAYIT ŞƏHƏR MƏHKƏMƏSİ Hakim Xəlilov Rövşən Elbrus oğlunun sədrliyi, İslamova Süsənbər Fariz qızının katibliyi, İnzibati xəta haqqında protokolu tərtib etmiş Azərbaycan Respublikasının Qida Təhlükəsizliyi Agentliyinin Sumqayıt regional bölməsinin nümayəndəsi X1 iştirakı ilə, Şəxs barəsində Azərbaycan Respublikası İnzibati Xətalar Məcəlləsinin 544.1-ci maddəsi üzrə tərtib olunmuş xx.xx.2022-ci il tarixli, MN seriyalı, ******* nömrəli inzibati xəta haqqında protokola iş materialları ilə birlikdə açıq məhkəmə iclasında baxaraq, MÜƏYYƏN ETDİ: Azərbaycan Respublikasının Qida Təhlükəsizliyi Agentliyinin Sumqayıt regional bölməsindən daxil olmuş xx.xx.2022-ci il tarixli, MN seriyalı, ******* nömrəli inzibati xəta haqqında protokola və ona əlavə edilmiş sənədlərə əsasən Şəxs yoxlamanın keçirilməsinə maneçilik törətmiş və ya həmin məqsədlə səlahiyyətli şəxslərin yoxlama yerinə buraxılmamasına, yaxud həmin şəxslərin qanuni tələblərinin yerinə yetirilməməsinə yol vermişdir. Nəticədə Şəxs tərəfindən Azərbaycan Respublikası İXMnin 544.1-ci maddəsi ilə nəzərdə tutulmuş inzibati xəta törədilmişdir. Məhkəmə iclasında inzibati xəta haqqında protokolu tərtib etmiş Azərbaycan Respublikasının Qida Təhlükəsizliyi Agentliyinin Sumqayıt regional bölməsinin nümayəndəsi X2 izahat verərək göstərmişdir ki, Azərbaycan Respublikasının Qida Təhlükəsizliyi Agentliyinin Sumqayıt regional bölməsinə isteklakçı tərəfindən şikaytət daxil olaraq Sumqayıt şəhəri, 20 yanvar küçəsi, ev 16, “Grand Park” yaşayış kompleksində fəaliyyət göstərən “Army” marketdə şirniyyat aldığını və onun üzərində birneçə etiket – stiker olduğu bildirmişdir. Qanunvericiliyin tələbinə əsasən isə bir malın üstündə yalnız bir etiket olması müəyyən edilmişdir. Həmin şikayətlə əlaqədar tərəflərindən “Army” marketdə araşdırma aparılmış və müəyyən malların üzərində bir neçə etiketlərin olması müəyyən edilmişdir. Marketin əməkdaşlarından bu barədə soruşulduqda onlar bunun qiymət dəyişikliyi ilə əlaqədar olduğunu bidirmişlər. Marketin müdiri fiziki şəxs Şəxs marketdə olmadığından araşdırma aparmaq mümkün olmamışdır. Ona görə də, Azərbaycan Respublikası Ədliyyə Nazirliyinə məlumat verilərək marketin müdiri fiziki şəxs Şəxs marketdə olmadına görə plandankənar yoxlama aparılmışdır. 6-8 sentyabr 2022-ci tarixlərində plandankənar yoxlamanın aparılması məqsədilə “Army” marketə getmişlər, lakin yoxlama yerində olmamış, yoxlamanın aparılmasına şərait yaratmamış və hər dəfə bu barədə akt tərtib olunmuşdur. Mağaza müdirinin müavini yoxlama ilə əlaqədar müdiriyyətə məlumat verdiyini bildirmiş, lakin o yenə də gəlməmişdir. Yoxlama prosesi yaxa kamerası vasitəsilə aparılmış və yuxarıda qeyd edilənlər videogörüntü olaraq qeydə alınmışdır. Bundan sonar fiziki şəxs Şəxs barəsində Azərbaycan Respublikası İXM-nin 544.1-ci maddəsi ilə protocol tərtib olunaraq Sumqayıt ŞəhərMəhkəməsinə göndərilmişdir. Protokolu müdafiə etdiyini və Şəxs barəsində qanuna müvafiq inzibati tənbeh tətbiq olunmasını məhkəmədən xahiş edir. Məhkəmə iclasının vaxtı və yeri barədə xəbərdar edilmiş barəsində inzibati xəta haqqında iş üzrə icraat aparılan şəxs Şəxs məhkəmə iclasında iştirakı təmin edilmədiyindən, məhkəmə işə onun iştirakı olmadan baxılmasını mümkün hesab etmişdir. İş materiallarında olan Azərbaycan Respublikasının Qida Təhlükəsizliyi Agentliyinin Sumqayıt regional bölməsinin YQ-00229 nömrəli, xx.xx.2022-ci il tarixli yoxlamanın aparılması haqqında qərardan görünür ki, Sumqayıt şəhəri, 20 yanvar küçəsi, ev 16, “Grand Park” yaşayış kompleksində fəaliyyət göstərən “Army” marketdə 06-xx.xx.2022-ci il tarxlərdə plandankənar yoxlama aparılacaqdır. İş materiallarında olan 06-xx.xx.2022-ci il tarixli Aktlardan görünür ki, Şəxs məxsus “Army” marketdə 06-08 sentyabr tarixlərində nəzərdə tutulmuş plandankənar yoxlamanın aparılması məqsədilə yoxlamanın aparılacağı ünvana gəlmişlər. Şəxs yoxlama yerində olmamış və yoxlamanın aparılmasına şərait yaratmamışdır. Mağaza müdirinin müavini olaraq özünü təqdim edən şəxs X4 yoxlama ilə əlaqədar müdiriyyətin məlumat vermiş, lakin yenə də müdiriyyət yoxlama yerində iştirak etməmişdir. Yoxlama prosesi yaxa kamerası vasitəsilə aparılmış və yuxarıda qeyd edilənlər videogörüntü olaraq qeydə alınmışdır. Məhkəmə inzibati xəta haqqında protokolu tərtib etmiş orqanın nümayəndəsinin izahatını dinləyib, inzibati xəta haqqında işin materiallarını tədqiq edərək, o nəticəyə gəlir ki, Şəxs Azərbaycan Respublikası İXM-nin 544.1-ci maddəsi ilənəzərdə tutulmuş inzibati xətanı törətmişdir, iş üzrə toplanmış mötəbər sübutlarla onun həmin maddə ilə inzibati xəta törətməkdə təqsiri tam sübuta yetir və törətdiyi əməl düzgün olaraq Azərbaycan Respublikası İXM-nin 544.1-ci maddəsi ilə tövsif olunmuşdur. Odur ki, Şəxs həmin maddə ilə təqsirli bilinərək inzibati qaydada tənbeh edilməlidir. Azərbaycan Respublikası İXM-nin 544.1-ci maddəsinə əsasən istehlakçıların hüquqlarının müdafiəsini həyata keçirən müvafiq icra hakimiyyəti orqanının vəzifəli şəxsləri tərəfindən qanuna uyğun yoxlamaların və digər nəzarət tədbirlərinin keçirilməsinə maneçilik törədilməsinə və ya həmin məqsədlə səlahiyyətli şəxslərin yoxlama yerinə buraxılmamasına, yaxud həmin şəxslərin qanuni tələblərinin yerinə yetirilməməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olunmaqla) görə-fiziki şəxslər üç yüz əlli manatdan beş yüz manatadək məbləğdə, vəzifəli şəxslər üç min manatdan dörd min manatadək məbləğdə cərimə edilir. Məhkəmə barəsində inzibati xəta haqqında iş üzrə icraat aparılan şəxsə inzibati tənbeh tətbiq etmək məsələsini həll edərkən inzibati xətalar qanunvericiliyinin aşağıdakı prinsip və müddəalarını rəhbər tutur. Azərbaycan Respublikası İXM-nin 3-cü maddəsinə əsasən yalnız bu Məcəllə ilənəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati tənbeh tətbiq edərkən məhkəmə İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakterini, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məhkəmə iclasında barəsində inzibati xəta haqqında iş üzrə icraat aparılan Şəxs əməlində Azərbaycan Respublikası İXM-nin 32.1-ci maddəsində nəzərdə tutulan məsuliyyəti yüngülləşdirən, Azərbaycan Respublikası İXMnin 33.1-ci maddəsində nəzərdə tutulan məsuliyyəti ağırlaşdıran hallar müəyyən olunmamışdır. Məhkəmə inzibati tənbeh tətbiq edərkən inzibati xətanın xarakterini, işin faktiki hallarını nəzərə alaraq, hesab edir ki, onun barəsində təqsirli bilindiyi maddənin sanksiyasında nəzərdə tutulan inzibati cərimə növündə inzibati tənbeh tətbiq edilməsi məqsədəmüvafiqdir. Azərbaycan Respublikası İXM-nin 55.2 və 77.3-cü maddələrində nəzərdə tutulan məsələləri müzakirə edərək məhkəmə qeyd edir ki, iş üzrə maddi sübut və məhkəmə məsrəfi yoxdur. Şərh olunanlara əsaslanaraq və Azərbaycan Respublikası İXM-nin 115, 128-130cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 544.1-ci maddəsində nəzərdə tutulmuş inzibati xətanı törətməkdə təqsirli bilinib 3000 (üç min) manat məbləğində cərimə edilsin. Qərardan onun surəti rəsmi qaydada verildiyi vaxtdan 10 (on) gün müddətində Sumqayıt şəhər Məhkəməsi vasitəsilə və ya birbaşa Sumqayıt Apelyasiya Məhkəməsinə şikayət verilə bilər. HAKİM RÖVŞƏN XƏLİLOV