Sumqayıt Şəhər Məhkəməsi Qərar — İş №3(060)-2469/2022

Azərbaycan Respublikası adından QƏRAR Sumqayıt şəhəri İş № 3(060)-2469/2022 22.09.2022 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Rəhimov Səbuhi Fərəc oğlunun katibliyi, Protokolu tərtib etmiş şəxs-Sumqayıt Şəhər Polis İdarəsi 1-ci PB-nin sahə rəisi, polis kapitanı Fərid Ağayevin, Barəsində inzibati xəta haqqında icraat aparılan şəxs Şəxs iştirakları ilə, xx.xx.1983-cü ildə Sumqayıt şəhərində anadan olmuş, Azərbaycan Respublikasının vətəndaşı, evli, orta təhsilli, fərdi işlə məşğul olan, ünvan 1 ünvanında yaşayan Şəxs barəsində Sumqayıt Şəhər Polis İdarəsinin 1-ci Polis Bölməsindən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyən etdi: Sumqayıt Şəhər Polis İdarəsinin 1-ci Polis Bölməsindən daxil olmuş inzibati xəta haqqında xx.xx.2022-ci il tarixli, MN seriyalı ******* nömrəli protokola əsasən Şəxs xx.xx.2022-ci il tarixdə, saat 04:30 radələrində Sumqayıt şəhərində Koroğlu və Üzeyir Hacıbəyov küçələrinin kəsişməsində sənədlərini polis əməkdaşlarına təqdim etməyərək tabesizlik etmişdir. Nəticədə Şəxs tərəfindən Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətaya yol verilmişdir. Protokolu tərtib etmiş şəxs- Sumqayıt Şəhər Polis İdarəsi 1-ci PB-nin sahə rəisi, polis kapitanı Fərid Ağayev tərtib etdiyi protokola uyğun izahat verərək bildirdi ki, Şəxs xx.xx.2022-ci il tarixdə, saat 04:30 radələrində Sumqayıt şəhərində Koroğlu və Üzeyir Hacıbəyov küçələrinin kəsişməsində sənədlərini polis əməkdaşlarına təqdim etməyərək tabesizlik etmişdir. Buna görə də, Şəxs Sumqayıt Şəhər Polis İdarəsinin 1-ci Polis Bölməsinə raport əsasında təhvil verilmiş və onun əməlində Azərbaycan Respublikası İXM-nin 535.1-ci maddəsində nəzərdə tutulan inzibati xəta tərkibi olduğundan barəsində inzibati xəta haqqında protokol tərtib edilmişdir. Məhkəmədə barəsində inzibati xəta haqqında iş üzrə icraat aparılan şəxs Şəxs özünü təqsiri bilərək bildirdi ki, xx.xx.2022-ci il tarixdə, saat 00:40 radələrindən sonra təxminən 10-dan çox köşkdən pivə içdikdən sonra Sumqayıt şəhər 10-cu mkr ərazisində idarə etdiyi Mersedes Bens markalı, ** TY *** markalı avtomaşının qabaq təkəri yolun kənarındakı daşa dəyərək partlamışdır. O, təkəri doldurmaq üçün yolun əks istiqamətindən yolun əks istiqamətində hərəkət etməyə başlamış, bu zaman polis əməkdaşları ona yaxınlaşmış və onu müayinəyə dəvət edərək avtomaşınını duracağa aparmaq istəmişlər. O, polis əməkdaşlarının avtomaşını duracağa aparmasına mane olmuş və avtomaşını duracağa aparmalarına imkan verməmişdir. Bu zaman aralarında mübahisə baş vermiş, sonra PPXT-nin əməkdaşları onu avtopatrula əyləşdirmiş və PB-nə aparmışlar. Hazırda əməlindən peşmandır, ona görə də barəsində yüngül inzibati tənbeh tətbiq edilməsini xahiş edir. Məhkəmədə şahid qismində dindirilmiş Sumqayıt Şəhər Polis İdarəsinin PPXT-nin 2-ci bölüyünün polis serjantı Habil Vəliyev izahatında göstərdi ki, xx.xx.2022-ci il tarixdə, saat 04:30 radələrində Sumqayıt şəhərində Koroğlu və Üzeyir Hacıbəyov küçələrinin kəsişməsində Mersedes markalı, **-FY-*** dövlət qeydiyyat nişanlı avtomobolin yolun əks istiqaməti ilə hərəkət etdiyini görüb, avtomobili saxlamış, sənədlərini təqdim etməsini tələb etmiş və həmən şəxsin üzərindən spirtli içki iyi gəldiyini hiss etmişlər. Onu müayinəyə dəvət edərək avtomaşınını duracağa aparmaq istəmişlər. Lakin o, polis əməkdaşlarının avtomaşını duracağa aparmasına mane olmuş və avtomaşını duracağa aparmalarına imkan verməmişdir. Bu zaman aralarında mübahisə baş vermiş, sonra PPXT-nin əməkdaşları onu avtopatrula əyləşdirmiş və PB-nə aparmışlar. Məhkəmədə şahid qismində dindirilmiş Sumqayıt Şəhər Polis İdarəsinin PPXT-nin digər əməkdaşı Pərviz Həsənov da şahid Habil Vəliyev ilə eyni məzmunlu izahat verərək, dediklərini təsdiq etmişdir. Məhkəmə protokolu tərtib etmiş şəxsi, inzibati xəta törədən şəxs Şəxs və şahidləri dinləyib, işdə olan materialları tədqiq edərək hesab edir ki, Şəxs Azərbaycan Respublikası İXM-nin 535.1-ci maddəsində nəzərdə tutulmuş inzibati xətanı törətməsi tam təsdiq edilir. Ona görə də, Şəxs Azərbaycan Respublikası İXM-nin 535.1-ci maddəsi ilə təqsirli bilinib barəsində inzibati tənbeh tətbiq edilməlidir. İş materiallarında olan sərxoşluq hallarının bütün növlərinin təyini məqsədi ilə aparılan tibbi müayinə rəyindən görünür ki, Şəxs xx.xx.2022-ci il, saat 06:10 tarixdə orta sərxoşluq vəziyyəti müəyyən edilir. Məhkəmə inzibati xətaya görə tənbeh tətbiq edərkən xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. İşdə Şəxs məsuliyyətini ağırlaşdıran hal xətanı sərxoş vəziyyətdə törətməsi, yüngülləşdirici hal isə əməlindən peşman olmasıdır. Məhkəmə Şəxs törətdiyi inzibati xətanın xarakterini, məsuliyyətini yüngülləşdirən halı, inzibati xəta törədən şəxsin şəxsiyyətini, təqsirinin dərəcəsini nəzərə alır və hesab edir ki, Şəxs Azərbaycan Respublikasının İnzibati Xətalar Məcəlləsinin 535.1-ci maddəsinin sanksiyası həddində cərimə növündə inzibati tənbeh tətbiq edilməlidir. Azərbaycan Respublikası İXM-nin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə-fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıqdan törədilən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114-115, 117, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinsin və 200 (iki yüz) manat məbləğində cərimə olunsun. Qərarın surəti təqdim edildiyi və ya alındığı gündən 10 (on) gün müddətində Sumqayıt Şəhər Məhkəməsi vasitəsi ilə və ya birbaşa Sumqayıt Apellyasiya Məhkəməsinə şikayət verilə bilər. HAKİM AZƏR İSMAYİLOV