Sumqayıt Şəhər Məhkəməsi Qərardad — İş №3(060)-2524/2025

Azərbaycan Respublikası adından QƏRARDAD Sumqayıt şəhəri İş № 3(060)-2524/2025 13.10.2025 SUMQAYIT ŞƏHƏR MƏHKƏMƏSİ X11 Yadigar qızının sədrliyi, X3 məhkəmə iclas katibliyi ilə, xx.xx.1994-cü ildə Bakı şəhərində anadan olmuş, Azərbaycan Respublikasının vətəndaşı, ünvan 1i ünvanında qeydiyyatda olan Şəxs Azərbaycan Respublikasının İnzibati Xətalar Məcəlləsinin 262.3-cü maddəsində nəzərdə tutulmuş inzibati xətanı törətməsinə dair inzibati xəta haqqında işə açıq məhkəmə iclasında baxaraq, Məhkəmə müəyyən etdi: Şəxs barəsində Azərbaycan Dövlət Su Ehtiyatları Agentliyi yanında Suların İstifadəsinə və X5 Xidməti 2 saylı X4 tərəfindən 02 oktyabr 2025-ci il tarixdə Azərbaycan Respublikası İnzibati Xətalar Məcəlləsinin 262.3-cü maddəsi ilə inzibati xəta haqqında MN ******* saylı protokol tərtib olunmuşdur, ona görə ki, xx.xx.2025-ci il tarixində Sumqayıt şəhəri, Bulvar ərazisi vəzifəli şəxs Şəxs icarəçi olduğu “Afford Pizza” restoranında sayğacdan kənar xətt çəkməklə suyun talanması faktı aşkar edilmişdir. Azərbaycan Dövlət Su Ehtiyatları Agentliyi yanında Suların İstifadəsinə və X5 Xidməti 2 saylı X4 tərəfindən Şəxs barəsində Azərbaycan Respublikasının İnzibati Xətalar Məcəlləsinin 262.3-cü maddəsi ilə tərtib olunmuş inzibati xəta haqqında protokol və həmin protokolla bağlı inzibati materiallar xx.xx.2025-ci ildə məhkəməyə daxil olmuşdur. Məhkəmə iş materiallarını araşdırıb müəyyən etdi ki, protokol və ona əlavə olunmuş sənədlər Azərbaycan Dövlət Su Ehtiyatları Agentliyi yanında Suların İstifadəsinə və X5 Xidməti 2 saylı X2 geri qaytarılmalıdır. Belə ki, Azərbaycan Dövlət Su Ehtiyatları Agentliyi yanında Suların İstifadəsinə və X5 Xidməti 2 saylı X1 daxil olmuş 02 oktyabr 2025-ci il tarixli, MN ******* saylı inzibati xəta haqqında protokoldan görünür ki, inzibati xəta haqqında protokolda şəxsin izahatı tam göstərilməmiş, həmin qrafa inzibati xəta haqqında protokolu tərtib etmiş şəxsin sözləri ilə bir kəlimə olaraq “faktı təsdiq etdi və qanunsuz qoşulma 7 gün ərzində qoşulduğunu bildirdi” yazılmaqla doldurulmuşdur. Halbuki, AR İXM-nin 100.5.7-ci maddəsinə əsasən inzibati xəta haqqında protokolda barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları göstərilir. Məhkəmə qeyd edir ki, inzibati xəta haqqında protokolu tərtib etmiş şəxsin özü tərəfindən şəxsin izahatı kimi sadəcə bir cümlənin göstərilməsi barəsində inzibati qaydada icraat aparılan şəxs tərəfindən verilmiş izahat kimi qiymətləndirilə bilməz. Həmin Məcəllənin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Eyni zamanda iş materiallarına əlavə olunmuş Sumqayıt şəhər su Kanal İdarəsi tərəfindən dəymiş ziyanın məbləğinə dair arayışdan görünür ki, hesablamalar Şəxs ilə X6 arasında icarə müqaviləsi bağlanmamışdan əvvəlki dövrü əhatə edən zaman olan müddət ilə hesablanmışdır ki, bu da barəsində protokol tərtib olunmuş şəxsin hüquqlarını pozmaqla qanunsuz qoşulma faktı ilə məsuliyyətə cəlb olunacağı təqdirdə, əsassız olaraq ondan dəymiş maddi ziyan borcunun ödənlməsinə gətirib çıxar. Məhkəmə araşdırması zamanı bu qeyir-müəyyənliyin aradan qaldırılması mümkün olmadığından hazırki halda qeyd olunan protokola baxılması mümkün deyildir. Azərbaycan Respublikası İnzibati Xətalar Məcəlləsinin: - 262.3-cü maddəsinə əsasən su təchizatı şəbəkəsinə qanunsuz qoşulmaqla suyun talanması nəticəsində az miqdarda ziyan vurulmasına görə -fiziki şəxslər iki yüz manatdan dörd yüz manatadək məbləğdə, vəzifəli şəxslər min manatdan min beş yüz manatadək məbləğdə, hüquqi şəxslər iki min beş yüz manatdan üç min beş yüz manatadək məbləğdə cərimə edilir. Odur ki, məhkəmə qərardadında qeyd olunan nöqsanlar aradan qaldırılması inzibati protokolu tərtib etmək səlahiyyətində olan orqan üçün məcburidir və yalnız bu çatışmazlıqlar aradan qaldırıldıqdan sonra təkrarən material məhkəməyə göndərilə bilər. Azərbaycan Respublikası İnzibati Xətalar Məcəlləsinin 109.1.6-cı mddəsinə əsasən, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokol və ya digər sənədləri onu tərtib etmiş orqana, vəzifəli şəxsə geri qaytarılması barədə qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109, 118-ci maddələrini rəhbər tutaraq, qərara aldı: Şəxs tərəfindən Azərbaycan Respublikası İnzibati Xətalar Məcəlləsinin 262.3-cü maddəsində nəzərdə tutulmuş inzibati xətanın törədilməsinə dair materiallar Azərbaycan Dövlət Su Ehtiyatları Agentliyi yanında Suların İstifadəsinə və X5 Xidməti 2 saylı X2 geri qaytarılsın. Qərardaddan şikayət verilə bilməz. HAKİM: Vüsalə Qasımova