Sumqayıt Şəhər Məhkəməsi Qərardad — İş №3(060)-2839/2022

Azərbaycan Respublikası adından QƏRARDAD Sumqayıt şəhəri İş № 3(060)-2839/2022 17.11.2022 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Xəlilov Rövşən Elbrus oğlunun, Cəfərova Süsənbər Fariz qızının katibliyi ilə Bakı Nəqliyyat Agentliyi tərəfindən qəbul edilmiş xx.xx.2022-ci il tarixli, BNA ******* nömrəli inzibati tənbeh vermə haqqında qərardan X2 tərəfindən verilmiş şikayət ərizəsinə baxaraq, müəyyən etdi: Bakı Nəqliyyat Agentliyi tərəfindən barəsində Azərbaycan Respublikası İXM-nin 346.1-ci maddəsi ilə "İnzibati tənbeh vermə haqqında" xx.xx.2022-ci il tarixli, BNA ******* nömrəli qərar çıxarılmış və 20 (iyirmi) manat məbləğində cərimə edilmişdir. X2 həmin qərardan Sumqayıt Şəhər Məhkəməsinə şikayət vermişdir. Azərbaycan Respublikası İXM-nin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Həmin Məcəllənin 112.4-cü maddəsinə əsasən bu Məcəllənin 110-cu maddəsinə müvafiq olaraq işin aidiyyəti üzrə göndərilməsi barədə qərardad çıxarılır. Həmin Məcəllənin 129.1.3-cü maddəsinə əsasən inzibati xəta haqqında iş üzrə qərardan şikayət və ya protest səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Həmin Məcəllənin 132.2-ci maddəsinə əsasən şikayətə və ya protestə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, şikayət və ya protest bütün materiallarla birlikdə aidiyyəti üzrə göndərilir. İş materiallarında olan X1 şikayət vermə müddətinin bərpa olunması haqqında vəsatətindən görünür ki, X2 faktiki olaraq Sumqayıt şəhəri ərazisində yaşadığını və Bakı Nəqliyyat Agentliyi tərəfindən qəbul edilmiş xx.xx.2022-ci il tarixli, BNA ******* nömrəli inzibati tənbeh vermə haqqında qərardan şikayət vermə müddətinin bərpa olunmasını xahiş etmişdir. İş materiallarında olan Sumqayıt Şəhər Məhkəməsinin 3(060)-2839/2022 saylı, xx.xx.2022-ci il tarixli qərarından görünür ki, X1 Bakı Nəqliyyat Agentliyi tərəfindən qəbul edilmiş xx.xx.2022-ci il tarixli, BNA ******* nömrəli inzibati tənbeh vermə haqqında qərardan şikayət vermə müddətinin bərpa olunmasına dair vəsatəti təmin edilmişdir. Azərbaycan Respublikası Konstitusiya Məhkəməsi Plenumunun Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair xx.xx.2020-ci il tarixli Qərarına əsasən, Qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Bakı Nəqliyyat Agentliyi tərəfindən qəbul edilmiş xx.xx.2022-ci il tarixli, BNA ******* nömrəli inzibati tənbeh vermə haqqında qərarından X2 tərəfindən inzibati xətanın Bakı şəhəri Xətai rayonu ərzisində törədildiyi müəyyən edildiyindən və X2 tərəfindən faktiki olaraq Sumqayıt şəhəri ərazisində yaşamasını ərizəsində göstərsə də, bu barədə sübut təqdim etmədiyindən onun inzibati xəta haqqında şikayət ərizəsi ona əlavə olunmuş sənədlərlə birlikdə aidiyyatı üzrə baxılması üçün İXM-nin 132.2-ci maddəsinə əsasən Bakı şəhəri Xətai Rayon Məhkəməsinə göndərilməlidir. Yuxarıda göstərilənlərə əsasən və Azərbaycan Respublikası İXM-nin 110.1-ci maddəsinin tələblərini rəhbər tutaraq, məhkəmə qərara aldı: Bakı Nəqliyyat Agentliyi tərəfindən qəbul edilmiş xx.xx.2022-ci il tarixli, BNA ******* nömrəli inzibati tənbeh vermə haqqında qərarından X2 tərəfindən verilmiş şikayət ərizəsi ona əlavə olunmuş sənədlərlə birlikdə aidiyyatı üzrə baxılması üçün Bakı şəhəri Xətai Rayon Məhkəməsinə göndərilsin. HAKİM RÖVŞƏN XƏLİLOV