Sumqayıt Şəhər Məhkəməsi Qərardad — İş №3(060)-305/2022

Azərbaycan Respublikası adından QƏRARDAD Sumqayıt şəhəri İş № 3(060)-305/2022 27.01.2022 SUMQAYIT ŞƏHƏR MƏHKƏMƏSİ Hakim Hacıyev Zaur Arif oğlunun sədrliyi, Məhkəmə iclas katibi Oruczadə Urfan Eynur oğlunun katibliyi ilə, 29.04.1988-ci il təvəllüdlü, ünvan 1 ünvanında qeydiyyatda olan X7 oğlu barəsində Azərbaycan Respublikasının İnzibati Xətalar Məcəlləsinin 327.2-ci maddəsinə əsasən qəbul edilmiş 23.09.2021-ci il tarixli, TP ******* saylı inzibati tənbeh vermə haqqında qərarın ləğv edilməsinə dair şikayət ərizəsinə baxaraq, müəyyən etdi: X1 tərəfindən məhkəməyə ərizə daxil olmuş, o, Azərbaycan Respublikasının İXM-nin 327.2-ci maddəsinə əsasən Bakı şəhər DYPİ Yol Patrul Xidməti inspektoru polis kiçik serjantı X3 tərəfindən tərtib edilmiş İnzibati xəta haqqında protokolun ləğv edilməsini məhkəmədən xahiş etmişdir. İnzibati xəta haqqında protokol və ona əlavə edilmiş sənədlər Sumqayıt şəhər Məhkəməsinə 26.01.2021-ci il tarixdə daxil olmuşdur. Şikayət ərizəsi Sumqayıt şəhər Məhkəməsinə 26.01.2022-ci il tarixdə daxil olmuşdur. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokol və ya digər sənədləri onu tərtib etmiş orqana, vəzifəli şəxsə geri qaytarılır. Azərbaycan Respublikası İnzibati Xətalar Məcəlləsinin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Həmin Məcəllənin 134.1-ci maddəsinə əsasən Məhkəmə inzibati xəta haqqında iş üzrə qərardan verilən şikayətə və ya protestə baxaraq qərar qəbul edir. Həmin Məcəllənin 132.2-ci maddəsinə əsasən şikayətə və ya protestə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, şikayət və ya protest bütün materiallarla birlikdə aidiyyəti üzrə göndərilir. Beləliklə, məhkəmə hesab edir ki, barəsində inzibati xəta haqqında protokol tərtib edilmiş şəxs X4 tərəfindən şikayət qanunvericiliyin tələbinə uyğun şəkildə verilmədiyi üçün geri qaytarılmalıdır. Belə ki, X4 barəsində tərtib edilmiş protokoldan deyil, protokol əsasında qəbul edilmiş qərardan şikayət verməlidir. Odur ki, X2 şikayət ərizəsi baxılmadan geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109, 118-ci maddələrini rəhbər tutaraq, məhkəmə Qərara aldı: X4 barəsində tərtib edilmiş inzibati xəta haqqında protokolun ləğv edilməsinə dair şikayəti baxılmadan geri qaytarılsın. HAKİM: ZAUR HACİYEV