Sumqayıt Şəhər Məhkəməsi Qərar — İş №3(060)-3074/2021

Azərbaycan Respublikası adından QƏRAR Sumqayıt şəhəri İş № 3(060)-3074/2021 14.09.2021 SUMQAYIT ŞƏHƏR MƏHKƏMƏSİ Hakim Əliyev Fikrət Hüseyn oğlunun sədrliyi, Aslanova İradə Allahverdi qızının katibliyi, İnzibati xəta haqqında protokol tərtib etmiş şəxs – Sumqayıt Şəhər Polis İdarəsinin 1-ci Polis Bölməsinin polis sahə rəisi, polis leytenantı X1, Zərərçəkmiş şəxs- X2, Barəsində inzibati xəta haqqında iş üzrə icraat aparılan şəxs - Şəxs iştirakları ilə, xx.xx.1994-cü ildə Sumqayıt şəhərində doğulmuş, Azərbaycan Respublikasının vətəndaşı, işsiz, orta təhsilli, subay, Sumqayıt şəhəri, 76cı məhəllə, yaatqxana 6A ünvanında qeydiyatda olan və Sumqayıt şəhəri, Yaşıl dərə qəsəbəsi ünvanında yaşayan Şəxs Azərbaycan Respublikası İnzibati Xətalar Məcəlləsinin 227-ci maddəsi ilə təqsirləndirilməsinə dair Sumqayıt şəhər Polis İdarəsinin 1-ci Polis Bölməsindən daxil olmuş inzibati xəta haqqında materiala açıq məhkəmə iclasında baxaraq, müəyyən etdi: Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə 14.09.2021-ci il tarixli, MN seriyalı, ******* №li inzibati xəta haqqında protokol tərtib olunmuşdur, ona görə ki, Şəxs 20.08.2021-ci il tarixdən 21.08.2021-ci il tarixə keçən gecə Sumqayıt şəhəri, 42-ci məhəllə, ev 6, mənzil 26-nın pəncərəsini açaraq pəncərənin önündən 10 manat dəyərində portmanatı içərisində 60 manat nağd pul ilə birlikdə oğurlamışdır. Nəticədə Şəxs tərəfindən Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xəta törədilmişdir. Azərbaycan Respublikası Daxili İşlər Nazirliyi Sumqayıt Şəhər Polis İdarəsinin 1-ci Polis Bölməsi tərəfindən Şəxs barəsində toplanmış materiallar baxılmaq üçün Sumqayıt Şəhər Məhkəməsinə göndərilmişdir. Protokolu tərtib etmiş şəxs – Sumqayıt Şəhər Polis İdarəsinin 1-ci Polis Bölməsinin polis sahə rəisi, polis leytenantı X3 tərtib etdiyi protokola uyğun izahat verərək bildirdi ki, Şəxs 20.08.2021-ci il tarixdən 21.08.2021-ci il tarixə keçən gecə Sumqayıt şəhəri, 42-ci məhəllə, ev 6, mənzil 26-nın pəncərəsini açaraq pəncərənin önündən 10 manat dəyərində portmanatı içərisində 60 manat nağd pul ilə birlikdə oğurlamışdır. Sumqayıt ŞPİ-nin 1-ci PB-nin təhqiqatçısı, polis kapitanı Orxan Bağırlı tərəfindən 14 sentyabr 2021-ci il tarixli “Cinayət işinin başlanmasının rədd edilməsi barədə” qərar qəbul edilmişdir və qəbul edilmiş qərarın surəti X2 mənzilindən 10 manat dəyərində portmanatı içərisində 60 manat nağd pul ilə birlikdə oğurlayan naməlum şəxsin və ya şəxslərin kimliyinin müəyyən edilərək barəsində Azərbaycan Respublikası İXM-nin 227-ci maddəsi ilə tədbir görülməsi üçün Sumqayıt ŞPİ-nin 1-ci PB-nə göndərilmişdir. Oğurluğun Şəxs tərəfindən törədildiyi məlum olduğundan onun barəsində Azərbaycan Respublikası İnzibati Xətalar Məcəlləsinin 227-ci maddəsi ilə 14.09.2021-ci il tarixli, MN seriyalı, ******* №li inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında protokol tərtib edilmiş şəxs Şəxs bildirdi ki, 21 avqust 2021-ci il tarixdə gecə saatlarında Sumqayıt şəhəri, 42-ci məhəllədə binanın qarşısı ilə gedərkən yarı açılı pəncərə görüb həmin pəncərədən evə boylanmış və pəncərənin önündə portmanat görüb həmin portmanatı oğurlamışdır. Portmanatı açarkən içərisində 60 manat pul olduğunu görüb pulu götürmüş, portmanatı isə xatırlamadığı ünvana atmışdır. Oğurluq nəticəsində əldə etdiyi pulu da şəxsi ehtiyacları üçün xərcləmişdir. 14 sentyabr 2021-ci il tarixdə Sumqayıt ŞPİ-nin 1-ci PB-nin əməkdaşları ona yaxınlaşıb oğurluqda şübhəli olduğu üçün onu polis bölməsinə dəvət etmişlər. Bir daha belə əməli törətməyəcəyinə söz verir. Zərərçəkmiş şəxsə dəymiş ziyanı ödəmişdir. İş üzrə icraata xitam verilməsini xahiş edir. Şəxs ərizə ilə məhkəməyə müraciət edərək göstərmişdir ki, zərərçəkmiş şəxsə dəymiş ziyanı ödəmişdir. Zərərçəkmiş şəxsin ona qarşı heç bir şikayəti və tələbi yoxdur. İş üzrə icraata xitam verilməsini xahiş edir. Məhkəmə iclasında zərərçəkmiş şəxs X4 bildirdi ki, Sumqayıt şəhəri, 42-ci mikrorayon, ev 6, mənzil 26-da ailə üzvləri ilə birlikdə yaşayır, yaşadığı mənzil binanın 1-ci mərtəbəsində yerləşir. 20 avqust 2021-ci il tarixdə portmanatını içərisində 60 manat məbləğində nağd pul ilə birlikdə evin binanın qarşısına açılan pəncərəsinin önünə qoymuşdur, ertəsi gün, yəni 21 avqust 2021-ci il tarixdə yuxudan duran zaman evin pəncərəsinin açıldığını, pəncərənin önünə qoyduğu portmanatın oğurlandığını aşkar etmişdir. Həmin portmanatda elə də çox pul olmadığından polisə məlumat verməmiş, oğurluq edən şəxsi özünün tapacağını fikirləşmişdir, həmin şəxsi tapa bilmədiyi üçün 13 sentyabr 2021-ci il tarixdə Sumqayıt ŞPİ-nin 1-ci PB-nə gəlib ərizə ilə müraciət etmişdir. Hadisə nəticəsində ona 70 manat maddi ziyan dəymişdir. Ona dəymiş ziyan hazırda ödənilmişdir. Şəxs qarşı heç bir şikayəti və tələbi yoxdur. İş üzrə icraata xitam verilməsini məhkəmədən xahiş edir. X4 ərizə ilə məhkəməyə müraciət edərək bildirmişdir ki, ona dəyən ziyan Şəxs tərəfindən ödənilmişdir. Şəxs qarşı heç bir şikayəti və tələbi yoxdur. İş üzrə icraata xitam verilməsini məhkəmədən xahiş edir. İş materiallarında olan “Cinayət işinin başlanmasının rədd edilməsi barədə” 14 sentyabr 2021-ci il tarixli qərardan görünür ki, qəbul edilmiş qərarın surəti X2 mənzilindən 10 manat dəyərində portmanatı içərisində 60 manat nağd pul ilə birlikdə oğurlayan naməlum şəxsin və ya şəxslərin kimliyinin müəyyən edilərək barəsində Azərbaycan Respublikası İXM-nin 227-ci maddəsi ilə tədbir görülməsi üçün Sumqayıt ŞPİ-nin 1-ci PBnə göndərilmişdir. Məhkəmə inzibati xətaya dair materialları araşdıraraq hesab edir ki, Şəxs tərəfindən Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulan inzibati xəta törədilmişdir. Bu, iş materialları ilə tam təsdiq edilir. Azərbaycan Respublikasının İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs nəzərdə tutulur. Həmin maddənin Qeydinə əsasən, bu Məcəllənin 227-ci maddəsi həmin maddədə göstərilən əməllər Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olmadıqda tətbiq edilir. Həmin Məcəllənin 39.2-ci maddəsinə əsasən bu Məcəllənin 227-ci maddəsində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərər çəkmiş şəxslə barışdıqda inzibati iş üzrə icraata xitam verilir. Məhkəməyə daxil olmuş zərərçəkmiş şəxsin ərizəsindən görünür ki, zərər ödənildiyi üçün o, Şəxs bağışlayır, ona qarşı heç bir şikayəti və tələbi yoxdur. İş üzrə icraata xitam verilməsini xahiş edir. Yuxarıda şərh olunanlara əsasən, məhkəmə hesab edir ki, zərərçəkmiş şəxsə vurulmuş zərər ödənilmişdir, zərərçəkmiş şəxs iş üzrə icraata xitam verilməsini xahiş edir. Ona görə də, Şəxs barəsində olan inzibati xəta haqqında iş üzrə icraata xitam verilməlidir. Yuxarıdakılara əsasən və Azərbaycan Respublikası İnzibati Xətalar Məcəlləsinin 39, 114, 115, 129-130-cu maddələrini rəhbər tutaraq məhkəmə, qərara aldı: Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə başlanmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi gündən 10 gün müddətində qərardan Sumqayıt Şəhər Məhkəməsi vasitəsi ilə və ya birbaşa Sumqayıt Apellyasiya Məhkəməsinə apellyasiya şikayəti verilə bilər. HAKİM FİKRƏT ƏLİYEV