Sumqayıt Şəhər Məhkəməsi Qərardad — İş №3(060)-3247/2020

Azərbaycan Respublikası adından QƏRARDAD Sumqayıt şəhəri İş № 3(060)-3247/2020 17.12.2020 SUMQAYIT ŞƏHƏR MƏHKƏMƏSİ Hakim Əliyev Fikrət Hüseyn oğlunun sədrliyi, Aslanova İradə Allahverdi qızının katibliyi ilə, Şəxs Azərbaycan Respublikasının İnzibati Xətalar Məcəlləsinin 517-2.6-cı maddəsində nəzərdə tutulmuş inzibati xətanı törətməsinə dair Cəbrayıl Rayon Polis Şöbəsindən daxil olmuş inzibati xəta haqqında materiala baxaraq müəyyən etdi: Sumqayıt Şəhər Məhkəməsinə Şəxs Azərbaycan Respublikasının İnzibati Xətalar Məcəlləsinin 517-2.6-cı maddəsində nəzərdə tutulmuş inzibati xətanı törətməsinə dair inzibati xəta haqqında protokolla bağlı materiallar daxil olmuşdur. Məhkəmə iş materiallarını araşdırıb müəyyən etdi ki, inzibati xəta haqqında material aidiyyatı üzrə düz göndərilməmişdir, ona görə də material aidiyyatı üzrə baxılması üçün Qubadlı Rayon Məhkəməsinə göndərilməlidir. Azərbaycan Respublikası İnzibati Xətalar Məcəlləsinin 109.1.7-ci maddəsinə əsasən, inzibati xəta haqqında işin baxılmağa hazırlanması zamanı əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edilir. Həmin Məcəllənin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Beləliklə, materialın öyrənilməsi zamanı müəyyən edildi ki, barəsində inzibati xəta haqqında protokol tərtib edilmiş şəxsin qeydiyyat ünvanı Qubadlı rayonudur. İnzibati xəta Cəbrayıl rayonunun ərazisində törədilmişdir. İnzibati xətanı törətmiş şəxs Şəxs ərizə verərək barəsində tərtib olunmuş protokolun aidiyyatı üzrə baxılması üçün qeydiyyatda olduğu Qubadlı Rayon Məhkəməsinə göndərilməsini xahiş etmişdir. Ona görə də, məhkəmə hesab edir ki, Qanunun tələbinə əməl edilərək material baxılması üçün Qubadlı Rayon Məhkəməsinə göndərilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109, 110, 118-ci maddələrini rəhbər tutaraq, məhkəmə qərara aldı: Şəxs tərəfindən Azərbaycan Respublikası İnzibati Xətalar Məcəlləsinin 517-2.6-cı maddəsində nəzərdə tutulmuş inzibati xətanı törətməsinə dair materiallar baxılması üçün Qubadlı Rayon Məhkəməsinə göndərilsin. HAKİM FİKRƏT ƏLİYEV