Sumqayıt Şəhər Məhkəməsi Qərardad — İş №3(060)-3520/2025

Azərbaycan Respublikası adından QƏRARDAD Sumqayıt şəhəri İş № 3(060)-3520/2025 26.12.2025 SUMQAYIT ŞƏHƏR MƏHKƏMƏSİ Hakim İsmayılov Samir Bəyistan oğlu, Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə Sumqayıt şəhəri üzrə İcra İdarəsindən daxil olmuş inzibati xəta haqqında materiala baxaraq, MÜƏYYƏN ETDİ: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə tərtib edilmiş inzibati xəta haqqında material baxılması üçün məhkəməyə göndərilmişdir. İnzibati xəta haqqında materialın Azərbaycan Respublikası İXM-in 106-cı maddəsinə müvafiq olaraq baxılması üçün hazırlanması zamanı müəyyən edilmişdir ki, inzibati xəta haqqında iş üzrə materiallar natamamdır və işə baxılarkən onu tamamlamaq mümkün deyil. Belə ki, tələbin könüllü icrası barədə bildiriş iş materiallarına əlavə edilməmiş, eyni zamanda icra sənədi üzrə icraata başlama başlama haqqında qərarın və tələbin könüllü icrası barədə bildirişin borcluya təqdim edilməsi barədə iş materiallarında hər hansı sənəd mövcud deyil. Görünüdüyü kimi iş materiallarına əsasən borclu Şəxs icra sənədindən nə vaxt məlumatlı olması, ona tələbin könüllü icrası barədə bildirişin verilib-verilməməsi, verildiyi halda könüllü icra müddətinin gözlənilib-gözlənilməməsi müəyyən edilmir. Qeyd edilən məsələlər barədə iş materiallarında hər hansı sənəd olmadan borclu barəsində inzibati xəta haqqında protokol tərtib edilmişdir. Məhkəmə qeyd edir ki, indiki halda tələbin könüllü icrası üçün müəyyən edilmiş müddət gözlənilmədən borclunun icra sənədini icra etməməsinin səbəbinin üzrlü və ya üzrsüz səbəbdən olmasını müəyyən etmək mümkün deyil. Ona görə də yuxarıda göstərilən hallar məhkəməyə təqdim edilmiş materialların natamamlığı kimi qiymətləndirilməldir. Azərbaycan Respublikası İXM-in 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması haqqında qərardad qəbul edilir. Göstərilənlərə əsasən məhkəmə hesab edir ki, Şəxs barəsində Azərbaycan Respublikası İXM-in 528.1-ci maddəsi ilə Sumqayıt şəhəri üzrə İcra İdarəsindən daxil olmuş inzibati xəta haqqında material natamam olduğundan geri qaytarılmalıdır. Qeyd olunanlara əsasən və Azərbaycan Respublikası İXM-in 106 və 109-cu maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə Sumqayıt şəhəri üzrə İcra İdarəsindən daxil olmuş inzibati xəta haqqında material geri qaytarılsın. Qərardaddan şikayət verilə bilməz. Hakim: Samir İsmayılov