Sumqayıt Şəhər Məhkəməsi Qərardad — İş №3(060)-3943/2021

Azərbaycan Respublikası adından QƏRARDAD Sumqayıt şəhəri İş № 3(060)-3943/2021 22.12.2021 SUMQAYIT ŞƏHƏR MƏHKƏMƏSİ Hakim Xəlilov Rövşən Elbrus oğlunun sədrliyi, Məhkəmə iclas katibi Kərimov Fuad Tofiq oğlunun katibliyi ilə, Sumqayıt Şəhər DYPŞ Yol Patrul Xidməti Baş İnspektoru Polis X1 tərəfindən tərtib olunmuş 01.11.2021-ci il tarixli İXP ******* saylı inzibati tənbeh vermə haqqında protokolun ləğv edilməsinə dair Məmmədrzayev Qərib Fərman oğlu tərəfindən verilmiş şikayət ərizəsinə baxaraq müəyyən etdi: Məmmədrzayev Qərib Fərman oğlu Sumqayıt Şəhər DYPŞ Yol Patrul Xidməti Baş İnspektoru Polis X1 tərəfindən tərtib olunmuş 01.11.2021-ci il tarixli İXP ******* saylı inzibati tənbeh vermə haqqında protokolun ləğv edilməsi barədə Sumqayıt Şəhər Məhkəməsinə şikayət ərizəsi ilə müraciət etmişdir. Məhkəmə şikayəti və ona əlavə edilmiş sənədləri nəzərdən keçirərək hesab edir ki, Sumqayıt Şəhər DYPŞ Yol Patrul Xidməti Baş İnspektoru Polis X1 tərəfindən tərtib olunmuş 01.11.2021-ci il tarixli İXP ******* saylı inzibati tənbeh vermə haqqında protokoldan Məmmədrzayev Qərib Fərman oğlu tərəfindən verilmiş şikayət ərizəsi baxılmadan geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində X4 iş üzrə qərardan şikayət və ya protest verilə bilər. Azərbaycan Respublikasının Qanunvericiliyində X4 protokola xitam verilməsi nəzərdə tutulmamışdır. Eyni zamanda, materialdan görünür ki, mübahisələndirilən protokol 01.11.2021-ci il tarixlidir, şikayət isə 10 gündən artıq müddət keçdikdən sonra verilmiş və şikayət ərizəsi Məmmədrzayev Qərib Fərman oğlu tərəfindən imzalanmamışdır. İnzibati Xətalar Məcəlləsinin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Şikayət verən şəxs tərəfindən belə bir vəsatət verilməmişdir. İnzibati Xətalar Məcəlləsinin 132, 132.1.2-ci maddələrinin tələbinə əsasən X4 iş üzrə qərardan verilən şikayətə və ya protestə baxmağa hazırlıq zamanı hakim X4 iş üzrə icraatı rədd edən halların mövcud olub olmamasının məsələlərini həll edir. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokol və ya digər sənədləri onu tərtib etmiş orqana, vəzifəli şəxsə geri qaytarılır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 109, 118, və 132-ci maddələrinə əsasən, məhkəmə qərara aldı: Sumqayıt Şəhər DYPŞ Yol Patrul Xidməti Baş İnspektoru Polis X1 tərəfindən tərtib olunmuş 19. 01.11.2021-ci il tarixli İXP ******* saylı inzibati tənbeh vermə haqqında protokolun ləğv edilməsinə dair Məmmədrzayev Qərib Fərman oğlu tərəfindən verilmiş şikayət ərizəsi ona əlavə olunmuş sənədlərlə birlikdə geri qaytarılsın. Bu Qərardaddan şikayət verilməsi Azərbaycan Respublikası İnzibati Xətalar Məcəlləsində nəzərdə tutulmamışdır. HAKİM RÖVŞƏN XƏLİLOV