Sumqayıt Şəhər Məhkəməsi Qərardad — İş №3(060)-3948/2021

Azərbaycan Respublikası adından QƏRARDAD Sumqayıt şəhəri İş № 3(060)-3948/2021 22.12.2021 SUMQAYIT ŞƏHƏR MƏHKƏMƏSİ Hakim Xəlilov Rövşən Elbrus oğlunun sədrliyi, Məhkəmə iclas katibi Kərimov Fuad Tofiq oğlunun katibliyi ilə, Sumqayıt şəhər ŞPİ 1-ci PB-nin rəisi polis polkovnik leytenantı Sadiq Heydərov tərəfindən tərtib olunmuş MN ******* saylı 23.09.2021-ci il tarixli qərarın ləğv edilməsinə dair "xxxx" MMC tərəfindən verilmiş şikayət ərizəsinə baxaraq müəyyən etdi: "xxxx" MMC Sumqayıt ŞPİ 1-ci PB-nin rəisi polis polkovnik leytenantı Sadiq Heydərov tərəfindən tərtib olunmuş MN ******* saylı 23.09.2021-ci il tarixli qərarın ləğv edilməsi barədə Sumqayıt Şəhər Məhkəməsinə şikayət ərizəsi ilə müraciət etmişdir. Məhkəmə şikayəti və ona əlavə edilmiş sənədləri nəzərdən keçirərək hesab edir ki, ŞPİ 1-ci PB-nin rəisi polis polkovnik leytenantı Sadiq Heydərov tərəfindən tərtib olunmuş MN ******* saylı 23.09.2021-ci il tarixli qərardan X1 tərəfindən verilmiş şikayət ərizəsi geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Eyni zamanda, materialdan görünür ki, mübahisələndirilən qərar 23.09.2021-ci il tarixlidir, şikayət isə 10 gündən artıq müddət keçdikdən sonra verilmişdir. İnzibati Xətalar Məcəlləsinin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Şikayət verən şəxs tərəfindən belə bir vəsatət verilməmişdir. İnzibati Xətalar Məcəlləsinin 132, 132.1.2-ci maddələrinin tələbinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub olmamasının məsələlərini həll edir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 109, 118, və 132-ci maddələrinə əsasən, məhkəmə qərara aldı: ŞPİ 1-ci PB-nin rəisi polis polkovnik leytenantı Sadiq Heydərov tərəfindən tərtib olunmuş MN ******* saylı 23.09.2021-ci il tarixli qərarın ləğv edilməsinə dair "xxxx" MMC tərəfindən verilmiş şikayət ərizəsi ona əlavə olunmuş sənədlərlə birlikdə geri qaytarılsın. Bu Qərardaddan şikayət verilməsi Azərbaycan Respublikası İnzibati Xətalar Məcəlləsində nəzərdə tutulmamışdır. HAKİM RÖVŞƏN XƏLİLOV