Sumqayıt Şəhər Məhkəməsi Qərar — İş №3(060)-666/2025

Azərbaycan Respublikası adından QƏRAR Sumqayıt şəhəri İş № 3(060)-666/2025 07.04.2025 SUMQAYIT ŞƏHƏR MƏHKƏMƏSİ Hakim İsmayılova Günel Rza qızının sədrliyi, Əhmədli Amid Yusif oğlunun katibliyi, X1 iştirakı ilə, Azərbaycan Respublikası DİN Baş Dövlət Yol Polisi İdarəsinin EQ 21788971 nömrəli protokol əsasında qəbul edilmiş xx.xx.2024-cü il tarixli inzibati tənbeh vermə haqqında qərarından X6 tərəfindən verilmiş şikayətə açıq məhkəmə iclasında baxaraq, məhkəmə MÜƏYYƏN ETDİ: X6 şikayətlə məhkəməyə müraciət edərək EQ 21788971 nömrəli protokol əsasında qəbul edilmiş xx.xx.2024-cü il tarixli qərara görə yazılmış 2 cərimə balının ləğv edilərək silinməsini xahiş etmişdir. Şikayət onunla əsaslandırılmışdır ki, X6 2022-ci və 2023-cü illərdə "xxxx" MMC-də (VÖEN: **********, ünvan: Abşeron rayonu, Mehdiabad qəsəbəsi) əmək müqaviləsi əsasında işləmişdir. İşlədiyi dövrdə Cəmiyyətin rəhbərliyinə (sədrin qaynı İman Eyvazov adlı şəxsə, Tel: (055) 226-20-77) məxsus **-BA-*** dövlət qeydiyyat nişanlı “X8 Yük” markalı avtomaşını etibarnamə ilə idarə etmişdir. 2023-cü ildə o həmin Cəmiyyətdən işdən azad edilmiş və idarə etdiyi həmin avtomaşını təhvil vermişdir. İşdən çıxandan sonra o həmin avtomaşını idarə etməmişdir. Avtomaşın mülkiyyət hüququ ilə hal-hazırda X3 məxsusdur (ünvan: ünvan 20) 377-82-38). Avtomaşını idarə etmədiyi dövrdə yəni, xx.xx.2024-cü ildə barəsində “İnzibati tənbeh vermə haqqında” qərar qəbul edilmişdir. xx.xx.2024-cü ildə tərtib edilmiş “İnzibati tənbeh vermə haqqında” qərara görə o, AR İXMnin 328.2-ci maddəsində nəzərdə tutulmuş inzibati xətanı törətməklə təqsirli bilinərək 50 (əlli) manat məbləğində cərimə edilmiş və 2 cərimə balı ilə qiymətləndirilmişdir. Beləliklə avtomaşını idarə etmədiyi dövrdə o, 50 manat məbləğində cərimə olunmağı barədə qərar qəbul edilmiş, 2 cərimə balı ilə qiymətləndirilmişdir. İnzibati xətaya görə təyin olunmuş pul cəriməsi "xxxx" MMC tərəfindən ödənilsə də, lakin 2 cərimə balı üzərindən götürülməmişdir. Məhkəmə iclasında iştirak edən X2 ərizəsinin mahiyyətinə uyğun çıxış etmiş, əlavə olaraq bildirmişdir ki, o, işlədiyi dövrdə "xxxx" MMC-nin adı “X10” MMC olmuş, daha sonra MMC-nin adı dəyişdirilmişdir. X2 şikayətinin təmin edilməsini, onun barəsində qəbul edilmiş qərarın ləğv edilərək, 2 cərimə balının silinməsini xahiş etmişdir. Məhkəmə iclaslarının vaxtı və yeri barədə lazımi qaydada məlumat verilməsinə baxmayaraq qərar qəbul etmiş Azərbaycan Respublikası DİN Baş Dövlət Yol Polisi İdarəsinin nümayəndəsi məhkəmə iclaslarında iştirak etməmiş və iştirak etməməsinin səbəbləri barədə məlumat verməmişdir. Məhkəmə Azərbaycan Respublikasının İnzibati Xətalar Məcəlləsinin 133.2.4-cü maddəsinə əsasən hesab edir ki, hazırki şikayətə Azərbaycan Respublikası DİN Baş Dövlət Yol Polisi İdarəsinin nümayəndəsi nümayəndəsinin iştirakı olmadan baxılması mümkün hesab edilməlidir. Məhkəmə iş materiallarını araşdıraraq hesab edir ki, şikayət qismən təmin edilməli, Azərbaycan Respublikası DİN Baş Dövlət Yol Polisi İdarəsinin EQ 21788971 nömrəli protokol əsasında qəbul edilmiş xx.xx.2024-cü il tarixli inzibati tənbeh vermə haqqında qərarı ləğv edilərək inzibati xəta haqqında iş yenidən baxılmaq üçün Azərbaycan Respublikası DİN Baş Dövlət Yol Polisi İdarəsinə göndərilməlidir. Belə ki, iş materiallarında olan və məhkəmə iclası zamanı tədqiq edilmiş: Azərbaycan Respublikası DİN Baş Dövlət Yol Polisi İdarəsinin EQ 21788971 nömrəli protokol əsasında qəbul edilmiş xx.xx.2024-cü il tarixli inzibati tənbeh vermə haqqında qərarından görünür ki, X6 həmin tarixdə X8 YÜK markalı, **-BA-*** dövlət nömrə nişanlı avtomobili idarə edərkən Azərbaycan Respublikasının İXM-nin 328.2-ci maddəsində nəzərdə tutulmuş inzibati xətanı törətmiş, bu səbəbdən də həmin maddə ilə təqsirli bilinərək 50 manat məbləğində inzibati cərimə edilmişdir. Məhkəmə iclasında X6 tərəfindən təqdim edilmiş əmək kitabçasının surətindən görünür ki, X6 xx.xx.2023-cü il tarixdə “X11” MMC-dən 123 nömrəli Əmr ilə tutduğu vəzifədən azad edilmişdir. Dövlət Vergi Xidmətinin rəsmi saytından kommersiya hüquqi şəxslərin reyestr məlumatlarında qeydə alınmış dəyişikliklərin çıxarışına əsasən müəyyən edilmişdir ki, "xxxx" MMC əvvəllər “X11” MMC adı altında fəaliyyət göstərmiş və sonradan kommersiya qurumu adını dəyişmişdir. Beləliklə, məhkəmə iclasında müəyyən edilmişdir ki, **-BA-*** dövlət qeydiyyat nişanlı “X8 Yük” markalı avtomaşının idarə edilməsi zamanı qeydə alınmış inzibati xətaya görə X2 təqsirli bilinərək inzibati qaydada cərimə edilsə də, inzibati xəta qeydə alınarkən həmin nəqliyyat vasitəsi onun tərəfindən idarə edilməmişdir. Göstərilənlərə əsasən məhkəmə hesab edir ki, X4 barəsində qəbul edilmiş Azərbaycan Respublikası DİN Baş Dövlət Yol Polisi İdarəsinin EQ 21788971 nömrəli protokol əsasında qəbul edilmiş xx.xx.2024-cü il tarixli inzibati tənbeh vermə haqqında qərarı ləğv edilməli və inzibati xəta törətmiş şəxsin (şəxslərin) müəyyən edilərək məsuliyyətə cəlb edilməsi üçün iş yenidən baxılmaq üçün Azərbaycan Respublikası DİN Baş Dövlət Yol Polisi İdarəsinə göndərilməlidir. Azərbaycan Respublikasının İnzibati Xətalar Məcəlləsinin 122.7-ci maddəsinə əsasən barəsində bu Məcəllənin 122.1-ci, 124.5-ci və ya 124.6-cı maddələrində nəzərdə tutulmuş qaydada inzibati tənbeh vermə haqqında qərar çıxarılmış şəxs inzibati xətanın törədilməsi zamanı nəqliyyat vasitəsinin digər şəxsin sahibliyində və ya istifadəsində olması, yaxud digər şəxslərin qanunsuz əməlləri nəticəsində onun sahibliyindən çıxması ilə bağlı və ya digər səbəbdən qərarla razılaşmadığı hallarda həmin qərardan bu Məcəllənin 126.1-ci maddəsində nəzərdə tutulmuş qaydada yuxarı səlahiyyətli orqana (vəzifəli şəxsə) və ya məhkəməyə şikayət verə bilər. Şikayət verən şəxs inzibati xətanın törədilməsi zamanı nəqliyyat vasitəsini kimin idarə etdiyinə dair ehtimalını şikayətdə göstərə bilər. Şikayətdə göstərilən məlumatlar təsdiq olunarsa, inzibati tənbeh vermə haqqında qərar ləğv edilir və inzibati xətanı törətmiş şəxsin inzibati məsuliyyətə cəlb edilməsi üçün müvafiq tədbirlər görülür. Həmin Məcəllənin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Azərbaycan Respublikasının İnzibati Xətalar Məcəlləsinin 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Həmin Məcəllənin 135.1.1-ci maddəsinə əsasən hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması, 135.1.6-cı maddəsinə əsasən isə bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Həmin Məcəllənin 134.1.4-cü maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qəbul edilir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 133-137-ci maddələrini rəhbər tutaraq, məhkəmə QƏRARAALDİ: X4 şikayəti qismən təmin olunsun. Azərbaycan Respublikası DİN Baş Dövlət Yol Polisi İdarəsinin EQ 21788971 nömrəli protokol əsasında qəbul edilmiş xx.xx.2024-cü il tarixli inzibati tənbeh vermə haqqında qərarı ləğv edilsin və qeyd olunan inzibati xəta haqqında iş yenidən baxılması üçün Azərbaycan Respublikası DİN Baş Dövlət Yol Polisi İdarəsinə göndərilsin. Qərarın surəti rəsmi qaydada təqdim edildiyi və ya alındığı gündən 20 gün müddətində Sumqayıt Şəhər Məhkəməsi vasitəsi ilə və ya bilavasitə Sumqayıt Apellyasiya Məhkəməsinə apellyasiya şikayəti verilə bilər. Hakim: Günel İsmayılova