Sumqayıt Şəhər Məhkəməsi Qərar — İş №3(060)-667/2022

Azərbaycan Respublikası adından QƏRAR Sumqayıt şəhəri İş № 3(060)-667/2022 04.03.2022 SUMQAYIT ŞƏHƏR MƏHKƏMƏSİ Hakim Əliyev Fikrət Hüseyn oğlunun sədrliyi, Aslanova İradə Allahverdi qızının katibliyi, Barəsində inzibati xəta haqqında iş üzrə icraat aparılan şəxs Şəxs və müdafiəçisi Vəkil, Sumqayıt şəhəri üzrə İcra idarəsinin icra məmuru X1 İcra sənədi üzrə tələbkar Zərərçəkmiş şəxs iştirakları ilə, xx.xx.1972-ci ildə Bakı şəhərində anadan olmuş, Azərbaycan Respublikasının vətəndaşı, orta-ixtisas təhsilli, evli, işləməyən, Sumqayıt şəhəri, 12-ci mikrorayon, yataqxana 33-də qeydiyyatda olmaqla Corat qəsəbəsi, S.Əliyev küçəsi, ev 460 –da yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq müəyyən etdi: Sumqayıt şəhəri üzrə İcra idarəsinin icra məmuru X2 tərəfindən 04.03.2022-ci il tarixdə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta haqqında protokol tərtib olunmuşdur. Protokoldan görünür ki, Sumqayıt Şəhər Məhkəməsinin 2(060)-8239 saylı, 04.12.2019-cu il tarixli icra sənədi üzrsüz səbəbdən icra edilmir. Nəticədə Şəxs tərəfindən Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törədilmişdir. Sumqayıt şəhəri üzrə İcra idarəsinin icra məmuru X2 məhkəməyə bildirdi ki, Sumqayıt Şəhər Məhkəməsinin 2(060)-8239/2019 saylı, 04.12.2019-cu il tarixli icra vərəqəsinə əsasən Şəxs 13224 (on üç min iki yüz iyirmi dörd) manat məbləğində pul və 30 (otuz) manat ödənilmiş dövlət rüsumunun iddiaçı Zərərçəkmiş şəxs xeyrinə tutulması qət edilmişdir. Lakin Şəxs müəyyən ödənişlər etsə də borcu tam ödəməmişdir. Protokol tərtib olunan günə olan ödənilməmiş borcu 12768 (on iki min yeddi yüz altmış səkkiz) manat təşkil edir. Buna görə də, Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətdiyindən barəsində protokol tərtib edilmişdir. Qeyd olunanlara əsasən qanunauyğun qərar qəbul edilməsini xahiş edir. İcra sənədi üzrə tələbkar Zərərçəkmiş şəxs məhkəmə iclasında bildirdi ki, Sumqayıt Şəhər Məhkəməsinin 2(060)-8239/2019 saylı, 04.12.2019-cu il tarixli icra vərəqəsinə əsasən Şəxs 13224 (on üç min iki yüz iyirmi dörd) manat məbləğində pul və 30 (otuz) manat ödənilmiş dövlət rüsumunun iddiaçı Zərərçəkmiş şəxs xeyrinə tutulması qət edilmişdir. Borclu Şəxs qohumudur. Lakin ona olan borcunu ödəmir, borcun tam ödənilməsini tətləb edir. Şəxs barəsində qanunauyğun qərar verilməsini xahiş edir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında bildirdi ki, Sumqayıt Şəhər Məhkəməsinin 2(060)-8239/2019 saylı, 04.12.2019cu il tarixli icra vərəqəsinə əsasən Şəxs 13224 (on üç min iki yüz iyirmi dörd) manat məbləğində pul və 30 (otuz) manat ödənilmiş dövlət rüsumunun iddiaçı Zərərçəkmiş şəxs xeyrinə tutulması qət edilmişdir. İşlədiyi müddətdə müəyyən ödənişlər etmiş, lakin əmək müqaviləsinə xitam verildikdən sonra imkanı olmadığı üçün borcu ödəyə bilməmişdir. Tələbkar onun qohumudur və ona olan borcunu ödəmək istəyir. Mülkiyyətində ünvan 1 ünvanında yerləşən əmlakı vardır və bu əmlak onun yeganə yaşayış yeri deyildir. Həmin əmlakın satılmasına və borcun ödənilməsinə, ya da borcla əvəz edilməsinə heç bir etirazı yoxdur. Buna görə də, barəsində olan inzibati xəta haqqında iş üzrə icraata xitam verilməsini xahiş edir. Barəsində inzibati xəta haqqında iş üzrə icraat aparılan şəxs Şəxs müdafiəçisi Vəkil bildirdi ki, Şəxs işlədiyi müddətdə müəyyən ödənişlər etmiş, lakin əmək müqaviləsinə xitam verildikdən sonra imkanı olmadığı üçün borcu ödəyə bilməmişdir. Şəxs mülkiyyətində ünvan 1 ünvanında yerləşən əmlakı vardır və bu əmlak onun yeganə yaşayış yeri deyildir. Həmin əmlakın satılmasına və borcun ödənilməsinə, ya da əvəz edilməsinə borclunun heç bir etirazı yoxdur.Ona görə də, iş üzrə icraata xitam verilməsini xahiş etdi. İş materiallarında olan Sumqayıt Şəhər Məhkəməsinin 2(060)-8239/2019 saylı, 04.12.2019-cu il tarixli icra vərəqəsinə əsasən Şəxs 13224 (on üç min iki yüz iyirmi dörd) manat məbləğində pul və 30 (otuz) manat ödənilmiş dövlət rüsumunun iddiaçı Zərərçəkmiş şəxs xeyrinə tutulması qət edilmişdir. İş materiallarında Sumqayıt Şəhər Məhkəməsinin 2(060)-8239/2019 saylı, 04.12.2019-cu il tarixli icra vərəqəsindən görünür ki qətnamə qanuni qüvvəsini Sumqayıt Apellyasiya Məhkəməsinin qətnaməsi ilə 10 iyun 2020-ci ildə almışdır İş materiallarında olan qəbzlərdən və ödəniş tapşırıqlarından görünür ki, Şəxs tərəfindən Sumqayıt şəhəri üzrə İcra idarəsinin depozit hesabına ödənilmiş pullar hesabına tələbkar Sultanov Fuad Çapar oğluna müxtəlif vaxtlarda ödənişlər edimişdir. İş materiallarında olan barəsində inzibati xəta haqqında iş üzrə icraat aparılan şəxs Şəxs elektron çıxarılmış şəxsi kartoçkasından görünür ki, məlumatların son sorğulanma tarixi olan 04.03.2022-ci il tarixi üçün ünvan 1 ünvanında Şəxs adına daşınmaz əmlak olmuşdur. İş materiallarında olan Sumqayıt şəhəri üzrə İcra İdarəsinin “Sumqayıt Nəqliyyat-1”” MMC-yə ünvanlanmış məktubuna “Sumqayıt Nəqliyyat-1”” MMC tərəfindən verilmiş cavabdan görünür ki, inzibati xəta haqqında iş üzrə icraat aparılan şəxs Şəxs ilə bağlanmış əmək müqaviləsinə 07.12.2021-ci ildə xitam verilmişdir. İş materiallarında olan Sumqayıt şəhər Məhkəməsinin 8(060)-90/2021-ci saylı 01.03.2021-ci il tarixli qərardadından görünür ki, əmlak üzərinə həbs qoyulması ilə bağlı Sumqayıt şəhəri üzrə İcra idarəsinin icra məmuru Ramil Babayevin təqdimatı təmin edilməmişdir. Məhkəmə inzibati xəta haqqında protokolu tərtib etmiş icra məmurunun, tələbkarın, barəsində inzibati xəta haqqında iş üzrə icraat aparılan şəxsin və müdafiəçisinin izahatlarını dinləyib, inzibati xəta haqqında protokolu, iş materiallarına əlavə edilmiş sənədləri, icra işindəki məlumatları tədqiq edərək hesab edir ki, Şəxs tərəfindən borcun ödənilməməsi üzrsüz səbəbdən olmamışdır. Şəxs hərəkətlərində inzibati xəta tərkibi yoxdur və onun barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilməlidir. Belə ki, Sumqayıt Şəhər Məhkəməsinin 2(060)-8239/2019 saylı, 04.12.2019-cu il tarixli icra vərəqəsinə əsasən ondan 13224 (on üç min iki yüz iyirmi dörd) manat məbləğində pul və 30 (otuz) manat ödənilmiş dövlət rüsumunun iddiaçı Zərərçəkmiş şəxs xeyrinə tutulması qət edilmişdir. Borc tam ödənilməmişdir. Buna görə də, icra məmuru tərəfindən həmin borcun qərəzli olaraq ödənilməməsi, icra sənədinin üzrsüz səbəbdən icra edilməməsi qənaətinə gəlinmiş və Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanın törədilməsi ilə bağlı protokol tərtib edilərək baxılması üçün məhkəməyə göndərilmişdir. Məhkəmə qeyd edir ki, şəxsin inzibati məsuliyyətə cəlb edilməsi üçün qətnamənin üzrsüz səbəbdən icra edilməməsi faktının müəyyən olunması zəruridir. Lakin tərtib olunmuş inzibati xəta haqqında protokolda icra sənədinin hansı üzrsüz səbəbdən yerinə yetirilməməsi öz əksini tapmamışdır. Qeyd olunanlardan göründüyü kimi, hazırda Şəxs hərəkətlərində İnzibati Xətalar Məcəlləsinin 528.1-ci maddəsində nəzərdə tutulan inzibati xətanın tərkibi yoxdur. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. “İcra haqqında” Azərbaycan Respublikası Qanununun 3-cü maddəsinə əsasən məhkəmə və digər orqanların qərarlarının icrası ilə əlaqədar böyük icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə-fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıqdan törədilən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Müəyyən edilmişdir ki, Şəxs Sumqayıt Şəhər Məhkəməsinin 2(060)-8239/2019 saylı, 04.12.2019-cu il tarixli icra vərəqəsi ilə təyin edilmiş borcu ödəməmişdir. Protokolda göstərildiyi kimi, onun üzrsüz səbəbdən icra sənədi üzrə borcunu ödəməməsi barədə məhkəməyə heç bir sübut təqdim edilməmişdir, icra işində də belə sübut yoxdur. İş materiallarında olan sənədlərdən görünür ki, Şəxs işlədiyi müddətdə ödənişlər etmiş, halhazırda işləmir və mülkiyyətində olan ünvan 1 ünvanında yerləşən daşınmaz əmlakın satılaraq borcun ödənilməsinə və ya borcla əvəzləşdirilməsinə heç bir etirazı yoxdur. Borcun onun həmin əmlakına yönəldilməməsi Şəxs təqsiri deyildir. Ona görə də, Şəxs tərəfindən icra sənədinin üzrsüz səbəbdən icra edilməməsi təsdiq edilmir və onun hərəkətlərində Azərbaycan Respublikası İXM-nin 528.1-ci maddəsində nəzərdə tutulan inzibati xəta tərkibi yoxdur. Azərbaycan Respublikası İnzibati Xətalar Məcəlləsinin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin Məcəllənin 53.0.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Yuxarıda şərh olunanlara əsasən, məhkəmə hesab edir ki, Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibi müəyyən edilmədiyinə görə inzibati xəta haqqında iş üzrə icraata xitam verilməlidir. Yuxarıdakılara əsasən və Azərbaycan Respublikası İnzibati Xətalar Məcəlləsinin 53.0.2, 114.1.4, 115, 129-130-cu maddələrini rəhbər tutaraq məhkəmə, qərara aldı: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata onun hərəkətlərində inzibati xəta tərkibi olmadığına görə xitam verilsin. Qərarın surəti təqdim olunduğu və ya alındığı gündən 10 gün müddətində şikayət verilə bilər. HAKİM FİKRƏT ƏLİYEV