Sumqayıt Şəhər Məhkəməsi Qərar — İş №3(060)-764/2021

Azərbaycan Respublikası adından QƏRAR Sumqayıt şəhəri İş № 3(060)-764/2021 03.03.2021 SUMQAYIT ŞƏHƏR MƏHKƏMƏSİ Hakim Əliyev Fikrət Hüseyn oğlunun sədrliyi, Aslanova İradə Allahverdi qızının katibliyi, İnzibati xəta haqqında protokol tərtib etmiş şəxs – Sumqayıt Şəhər Polis İdarəsinin 3-cü Polis Bölməsinin nümayəndəsi polis sahə rəisi, polis leytenantı X2, Zərərçəkmiş şəxslər – X1 və X4, Barəsində inzibati xəta haqqında iş üzrə icraat aparılan şəxs - Şəxs iştirakları ilə, xx.xx.1970-ci ildə Sumqayıt şəhərində doğulmuş, Azərbaycan Respublikasının vətəndaşı, işləməyən, orta təhsilli, subay, Sumqayıt şəhəri, Nizami küçəsi 19C, məhəllə 6-da qeydiyatda olan və yaşayan Şəxs Azərbaycan Respublikası İnzibati Xətalar Məcəlləsinin 227-ci maddəsi ilə təqsirləndirilməsinə dair Sumqayıt şəhər Polis İdarəsinin 3-cü Polis Bölməsindən daxil olmuş inzibati xəta haqqında materiallara açıq məhkəmə iclasında baxaraq, müəyyən etdi: Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə xx.xx.2021-ci il tarixli, MN seriyalı, ******* №-li və xx.xx.2021-ci il tarixli, MN seriyalı, ******* №-li inzibati xəta haqqında protokollar tərtib olunmuşdur ona görə ki, Şəxs xx.xx.2021-ci il tarixə keçən gecə Sumqayıt şəhəri, 9-cu mikrorayon, ev 57-yə məxsus bağ sahəsindən dəmir skamya və dəmir nərdivan oğurlamışdır. Bundan başqa o, xx.xx.2021-ci il tarixdən xx.xx.2021-ci il tarixədək Sumqayıt şəhəri, 9-cu mikrorayon, 11A/12 saylı binanın blokundan kondisionerin mis borusunu oğurlamışdır. Azərbaycan Respublikası Daxili İşlər Nazirliyi Sumqayıt Şəhər Polis İdarəsinin 3-cü Polis Bölməsi tərəfindən Şəxs barəsində toplanmış materiallar baxılmaq üçün Sumqayıt Şəhər Məhkəməsinə göndərilmişdir. Məhkəmə iclasında Sumqayıt Şəhər Polis İdarəsinin 3-cü Polis Bölməsinin nümayəndəsi, sahə rəisi, polis leytenantı X5 tərtib edilən protokollara uyğun izahat verərək bildirdi ki, xx.xx.2021-ci il tarixdə gecə evə qayıdarkən 9-cu mikrorayon ərazisindən keçən zaman əvvəllər tanımadığı binanın həyətinin bağ evinə dəmir hasardan daxil olaraq dəmir skamya və nərdivan oğurlamışdır. xx.xx.2021-ci il tarixdə gecə saatlarında 9-cu mikrorayon ərazisindən keçən zaman əvvəllər tanımadığı binanın blokuna daxil olaraq kondisionerin mis borusu gözünə sataşmış və və əli ilə həmin mis borunu qıraraq oğurlamışdır. Kondisionerin borusu təxminən 5-6 metr olmuşdur. Sumqayıt Şəhər Pİ-nin 3cü PB-nin təhqiqatçıları - Əsqər Kazımov və Rəşad Behbudov tərəfindən cinayət işinin başlanmasının rədd edilməsi barədə xx.xx.2021 və xx.xx.2021-ci il tarixli qərarlar qəbul edilmiş və faktda xırda oğurluğun, yəni Azərbaycan Respublikası İXM-nin 227-ci maddəsində nəzərdə tutulan inzibati xəta əməlinin tərkibi olduğundan hadisəni törətmiş şəxsin müəyyən olunaraq barəsində inzibati tənbeh tədbirlərinin görülməsi üçün qəbul olunmuş qərar aidiyyəti üzrə verilmişdir. Oğurluq hadisəsinin Şəxs tərəfindən törədildiyi məlum olduğundan onun barəsində Azərbaycan Respublikası İnzibati Xətalar Məcəlləsinin 227-ci maddəsi ilə xx.xx.2021-ci il tarixli, MN seriyalı, ******* №-li və xx.xx.2021-ci il tarixli, MN seriyalı, ******* №-li inzibati xəta haqqında protokollar tərtib olunmuşdur. Məhkəmə iclasında barəsində inzibati xəta haqqında protokol tərtib edilmiş şəxs Şəxs bildirdi ki, xx.xx.2021-ci il tarixdə gecə evə qayıdarkən 9-cu mikrorayon ərazisindən keçən zaman əvvəllər tanımadığı binanın həyətinin bağ evinə dəmir hasardan daxil olaraq dəmir skamya və nərdivan oğurlamışdır. xx.xx.2021-ci il tarixdə gecə saatlarında 9-cu mikrorayon ərazisindən keçən zaman əvvəllər tanımadığı binanın blokuna daxil olaraq kondisionerin mis borusu gözünə sataşmış və və əli ilə həmin mis borunu qıraraq oğurlamışdır. Kondisionerin borusu təxminən 5-6 metr olmuşdur. Etdiyi əmələ görə peşmandır, zərərçəkmiş şəxslərə dəyən ziyanı ödədiyi və zərərçəkmiş şəxslərin ona qarşı heç bir şikayət və tələbinin olmadığı üçün iş üzrə icraata xitam verilməsini xahiş edir. Şəxs ərizə ilə məhkəməyə müraciət edərək zərərçəkmiş şəxslərə dəyən ziyanı ödədiyi və zərərçəkmiş şəxslərin ona qarşı heç bir şikayət və tələbinin olmadığı üçün iş üzrə icraata xitam verilməsini xahiş etmişdir. Məhkəmə iclasında zərərçəkmiş şəxs X3 bildirdi ki, Sumqayıt şəhəri, 9-cu mikrorayon, ev 57, mənzil 65-də yaşayır. xx.xx.2021-ci il tarixə keçən gecə Şəxs ona məxsus olan həmin evin bağ sahəsinə dəmir tor hasardan daxil olaraq oradan 50 manat dəyərində dəmir skamya və 20 manat dəyərində dəmir nərdivanı oğurlayaraq ona 70 manat məbləğində maddi ziyan vurmuşdur. Ona dəyən zərər ödənildiyi üçün Şəxs bağışlayır. Ona qarşı heç bir şikayəti və tələbi yoxdur. İnzibati xəta haqqında iş üzrə icraata xitam verilməsini məhkəmədən xahiş edir. Zərərçəkmiş şəxs X3 ərizə ilə məhkəməyə müraciət edərək Şəxs ona dəymiş zərərin əvəzini ödədiyi üçün ona qarşı heç bir şikayət və tələbinin olmadığını bildirmiş və iş üzrə icraata xitam verilməsini xahiş etmişdir. Məhkəmə iclasında zərərçəkmiş şəxs X6 bildirdi ki, ünvan 1 ünvanında yaşayır. xx.xx.2021-ci il tarixdən xx.xx.2021-ci il tarixədək olan müddət ərzində Şəxs onun yaşadığı binanın blokundan ümumi dəyəri 217 manat olan 6 metrlik kondisioner borusunu oğurlamışdır. Ona dəyən zərər ödənildiyi üçün Şəxs bağışlayır. Ona qarşı heç bir şikayəti və tələbi yoxdur. İnzibati xəta haqqında iş üzrə icraata xitam verilməsini məhkəmədən xahiş edir. Zərərçəkmiş şəxs X6 ərizə ilə məhkəməyə müraciət edərək Şəxs ona dəymiş zərərin əvəzini ödədiyi üçün ona qarşı heç bir şikayət və tələbinin olmadığını bildirmiş və iş üzrə icraata xitam verilməsini xahiş etmişdir. İş materiallarında olan cinayət işinin başlanılmasının rədd edilməsi barədə xx.xx.2021 və xx.xx.2021-ci il tarixli qərarlardan görünür ki, həmin faktlar üzrə Azərbaycan Respublikası İXM-nin 227-ci maddəsinin (xırda talama) tərkibi olduğundan inzibati xəta törətmiş şəxsin (şəxslərin) müəyyən edilib inzibati tənbeh tətbiq edilməsindən ötrü Sumqayıt Şəhər Pİ-nin 3-cü PB-nə göndərilmişdir. Məhkəmə inzibati xətaya dair materialları araşdıraraq hesab edir ki, Şəxs tərəfindən Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulan inzibati xəta törədilmişdir. Bu iş materialları ilə tam təsdiq edilir. Azərbaycan Respublikasının İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs nəzərdə tutulur. Həmin maddənin Qeydinə əsasən, bu Məcəllənin 227-ci maddəsi həmin maddədə göstərilən əməllər Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olmadıqda tətbiq edilir. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıqdan törədilən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Həmin Məcəllənin 39.2-ci maddəsinə əsasən bu Məcəllənin 227-ci maddəsində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərər çəkmiş şəxslə barışdıqda inzibati iş üzrə icraata xitam verilir. Azərbaycan Respublikası İnzibati Xətalar Məcəlləsinin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin Məcəllənin 53.0.2-ci maddəsinə əsasən, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Yuxarıda şərh olunanlara əsasən, məhkəmə hesab edir ki, zərərçəkmiş şəxslərə vurulmuş zərər ödənilmişdir, zərərçəkmiş şəxslər iş üzrə icraata xitam verilməsini xahiş edir. Ona görə də, Şəxs barəsində olan inzibati xəta haqqında iş üzrə icraata xitam verilməlidir. Yuxarıdakılara əsasən və Azərbaycan Respublikası İnzibati Xətalar Məcəlləsinin 39, 114, 115, 129-130-cu maddələrini rəhbər tutaraq məhkəmə, qərara aldı: Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə başlanmış inzibati xəta haqqında işlər üzrə icraata xitam verilsin. Qərarın surəti rəsmi qaydada verildiyi gündən 10 gün müddətində qərardan Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. HAKİM FİKRƏT ƏLİYEV