Tərtər Rayon Məhkəməsi Qərar — İş №3(061)-1399/2024

Azərbaycan Respublikası adından QƏRAR Tərtər rayonu İş № 3(061)-1399/2024 23.12.2024 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, Tərtər Rayon İcra və Probasiya Şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1985-ci ildə Tərtər rayonu Yuxarı Qapanlı kəndində anadan olmuş, Azərbaycan Respublikası vətəndaşı, işləməyən, orta təhsilli, subay, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, Tərtər rayonu Yuxarı Qapanlı kəndində yaşayan Şəxs barəsində Tərtər Rayon İcra və Probasiya Şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş inbzibati xəta haqqında protokola açıq məhkəmə iclasında baxaraq, MÜƏYYƏNETDİ: Tərtər rayon İcra və Probasiya Şöbəsinin icra məmuru X4 tərəfindən Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati xəta haqqında protokol tərtib edilmiş və həmin protokol və ona əlavə edilmiş sənədlər aidiyyəti üzrə baxılması üçün Tərtər Rayon Məhkəməsinə göndərilmişdir. İnzibati xəta haqqında protokol onunla əsaslandırılmışdır ki, Gəncə Apellyasiya Məhkəməsinin xx.xx.2021-ci il tarixli və həmin məhkəmənin xx.xx.2021-ci il tarixli icra sənədinə əsasən borclu Şəxs 3560 manat pul alınaraq tələbkar X2 xeyrinə ödəməlidir. Məhkəmə iclası zamanı barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, Gəncə Apellyasiya Məhkəməsinin xx.xx.2021-ci il tarixli və həmin məhkəmənin xx.xx.2021-ci il tarixli icra sənədinə əsasən borclu kimi ondan 3560 manat pul alınaraq tələbkar X2 xeyrinə ödəməlidir. O məhkəmə iclası zamanı ərizə təqdim edərək bildirmişdir ki, inzibati protokol üzrə tələbkar X3 1300 manat ödəniş etmiş, hazırda 1850 manat ödəniş etməsi barədə qəbzi məhkəməyə təqdim edərək, tələbkara olan cəmi borcdan qalan 410 manat dəyərində kravatı qalmışdır. Onu da tələbkar istədiyi vaxt gəlib apara bilər. Hal-hazırda tələbkarın ondan heç bir şikayəti yoxdur. Ona görə də barəsində olan inzibati materiala xitam verilməsini və məsuliyyətdən azad edilməsini məhkəmədən xahiş etmişdir. Tərtər rayon İcra və Probasiya Şöbəsinin icra məmuru X4 məhkəmə iclası zamanı inzibati xəta haqqında protokolun dəlillərini müdafiə edərək izahatında göstərdi ki, Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati xəta haqqında protokol tərtib edilmiş və həmin protokol və ona əlavə edilmiş sənədlər aidiyyəti üzrə baxılması üçün Tərtər Rayon Məhkəməsinə göndərilmişdir. İnzibati xəta haqqında protokol onunla əsaslandırmışdır ki, Gəncə Apellyasiya Məhkəməsinin xx.xx.2021-ci il tarixli və həmin məhkəmənin xx.xx.2021-ci il tarixli icra sənədinə əsasən borclu Şəxs 3560 manat pul alınaraq tələbkar X2 xeyrinə ödəməlidir. Borclu Şəxs hər iki icra sənədi üzrə həm cehiz əşyaları ilə həm də aliment borcu ilə bağlı borcunu demək olar ki, tam şəkildə ödəniş etmişdir. Tələbkarın borcluda yalnız bir kravatı qalmış, onu da gəlib aparacaqdır. Tələbkarın borclu Şəxs şikayəti və tələbi olmadığından borclu Şəxs barəsində müvafiq qərar qəbul edilməsini məhkəmənin mülahizəsinə buraxır. İş materiallarında olan Gəncə Apellyasiya Məhkəməsinin xx.xx.2021-ci il tarixli və həmin məhkəmənin xx.xx.2021-ci il tarixli icra sənədinə əsasən borclu Şəxs 3560 manat pul alınaraq tələbkar X2 xeyrinə ödəməlidir. İş materiallarına əlavə olunmuş “Mpay” ödəniş qəbzindən görünür ki, borclu 11 dekabr 2024-cü il tarixdə 1300 manat ödəniş etmişdir. İş materiallarına əlavə olunmuş “Mpay” ödəniş qəbzindən görünür ki, borclu 22 dekabr 2024-cü il tarixdə 1850 manat ödəniş etmişdir. Beləliklə, işdə iştirak edən şəxslərin izahatları, işdə olan sənədlər və digər iş materialları ilə borclu Şəxs icra sənədini qəsdən və qərəzli olaraq icra etməməsi, qəsdən yayınması və xüsusən icra məmurunun qanuni tələbinə qəsdən tabe olmaması, icra məmurunun qanuni tələblərini yerinə yetirməkdən qəsdən yayınması halları müəyyən olunmamışdır. Halbuki, Azərbaycan Respublikası İnzibati Xətalar Məcəlləsinin 528.1-ci maddəsi borclunun məsuliyyətini icra məmurunun tələbinə qəsdən tabe olmaması və onun qanuni tələblərini yerinə yetirməkdən qəsdən yayınması ilə şərtləndirmişdir. Hazırki vəziyyətdə isə borclu Şəxs əməlində həmin inzibati xətanın tərkibinin olması iş materialları ilə təkzib olunur. Ona görə də məhkəmə hesab edir ki, Azərbaycan Respublikası İnzibati Xətalar Məcəlləsinin 528.1-ci maddəsində borclunun icra məmurunun qanuni tələblərini qəsdən yerinə yetirməməsi müəyyən edilmir. Borclu Şəxs əməlində ona istinad olunan inzibati xətanın tərkibi yoxdur. Belə ki, Azərbaycan Respublikası İXM-in 53.1.2-ci maddəsində göstərilmişdir ki, inzibati xəta tərkibi olmadıqda inzibati xəta haqqında iş üzrə icraata xitam verilir. Bu səbəbdən məhkəmə hesab edir ki, Azərbaycan Respublikası İXM-in 53.1.2-ci maddəsinə əsasən borclu Şəxs barəsində olan inzibati xəta haqqında işə, əməlində inzibati xəta tərkibi olmaması əsası ilə xitam verilməlidir. Ona görə də məhkəmə hazırki inzibati xəta haqqında işin icraatına xitam verilməsini qanuni və əsaslı hesab edir. Qeyd olunanlara əsasən və Azərbaycan Respublikası İnzibati Xətalar Məcəlləsinin 48-50, 53, 106, 112, 114, 117 və 128-130-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işin icraatına inzibati xəta tərkibi olmadığından xitam verilsin. Qərardan alındığı və ya təqdim olunduğu gündən 10 (on) gün müddətində Tərtər Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti və ya protesti verilə bilər. Sədirlik edən: Kamil Rzayev