Tərtər Rayon Məhkəməsi Qərar — İş №3(061)-1408/2024

Azərbaycan Respublikası adından QƏRAR Tərtər rayonu İş № 3(061)-1408/2024 17.12.2024 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1987-ci ildə Tərtər rayonu Qapanlı kəndində anadan olmuş, Azərbaycan Respublikası vətəndaşı, orta təhsilli, işləməyən, subay, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, Tərtər rayonu Yuxarı Qapanlı kəndində yaşayan Şəxs barəsində Tərtər Rayon Polis Şöbəsindən daxil olmuş Azərbaycan Respublikasının İnzibati Xətalar Məcəlləsinin 510-cu maddəsi ilə tərtib edilmiş inzibati xəta haqqında protokola açıq məhkəmə iclasında baxaraq, MÜƏYYƏNETDİ: Şəxs xx.xx.2024-cü il tarixdə saat 12:30 radələrində Tərtər RPŞ-in inzibati binasında uca səslə nalayiq ifadələr işlədərək ictimai qaydanı pozmaqla xırda xuliqanlıq etmişdir. Bu hərəkətləri ilə Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün izahatı, şahid ifadəsi və işdə olan sənədlərlə təsdiq olunmuşdur. Barəsində inzibati xəta haqqında icraat aparılan şəxs Şəxs məhkəmə iclası zamanı izahatında göstərmişdir ki, barəsində olan şikayətlə bağlı polis əməkdaşları onu Rayon Polis Şöbəsinə dəvət etmişdir. Rayon Polis Şöbəsində o barəsində edilmiş haqsız müraciətdən əsəbləşərək Rayon Polis Şöbəsinin inzibati binasında uca səslə ünvansız nalayiq ifadələr işlətmişdir. Bu vaxt polis əməkdaşları onu nizam-intizama dəvət etmişlər və qanunsuz əməllərinə son qoymağını ondan tələb etmişlər. Lakin o polis əməkdaşlarının sözlərinə məhəl qoymayaraq öz hərəkətlərini davam etdirmişdir. Onun barəsində inzibati protokol tərtib olunmuşdur. Əməlindən peşman olmasını bildirmiş, barəsində yüngül inzibati tənbeh verilməsini xahiş etmişdir. Məhkəmə iclasında inzibati material üzrə şahid qismindən dindirilən X1 izahatında göstərmişdir ki, xx.xx.2024-cü il tarixdə Tərtər rayonu Yuxarı Qapanlı kənd ərazisində baş vermiş oğurluq hadisəsi ilə bağlı xx.xx.2024-cü il tarixdə saat 12:30 radələrində Tərtər rayon Yuxarı Qapanlı kənd sakini Şəxs oğurluqda şübhəli olduğu üçün Tərtər Rayon Polis Şöbəsinə dəvət etmişlər. Şəxs Tərtər Rayon Polis Şöbəsinin inzibati binasında uca səslə ünvansız nalayiq ifadələr işlətmişdir. O həmin Şəxs özünü təqdim edib Ceyhunu nizam-intizama dəvət etsə də, öz qanunsuz hərəkətlərini davam etdirmişdir. Şəxs barəsində inzibati protokol tərtib olunmuşdur. Məhkəmədən Şəxs barəsində qanuna müvafiq qaydada qərar qəbul edilməsini xahiş etmişdir. Beləliklə, məhkəmə iclası zamanı təsdiq olundu ki, Şəxs xx.xx.2024-cü il tarixdə saat 12:30 radələrində Tərtər RPŞ-in inzibati binasında uca səslə nalayiq ifadələr işlədərək ictimai qaydanı pozmaqla xırda xuliqanlıq etmişdir. Məhkəmə, xətanın xarakterini, inzibati xəta törətmiş şəxsin şəxsiyyətini, nəzərə alaraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 510-cu maddəsinin sanksiyasında nəzərdə tutulmuş «həbs» inzibati tənbehinin təyin edilməsi törədilmiş inzibati xətanın xarakterinə və dərəcəsinə uyğundur. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48- 51, 114, 128-130-cu maddələrini rəhbər tutaraq, QƏRARAALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş inzibati xətanı törətməkdə təqsirli bilinərək, barəsində 05 (beş) günmüddətinə “həbs” inzibati tənbehi tətbiq edilsin. Həbsin əvvəli 17 dekabr 2024-cü il tarixdən saat 19:39-dan hesablansın. Qərar dərhal icra edilsin. Qərarın icrası Tərtər rayon Polis Şöbəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Sədirlik edən: Kamil Rzayev