Tərtər Rayon Məhkəməsi Qərar — İş №3(061)-242/2025

Azərbaycan Respublikası adından QƏRAR Tərtər rayonu İş № 3(061)-242/2025 11.03.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, İnzibati protokolu tərtib etmiş şəxs X2, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.2001-ci ildə Tərtər rayonu Həsənqaya kəndində anadan olmuş, Azərbaycan Respublikası vətəndaşı, orta təhsilli, işləməyən, subay, deməsinə görə əvvəllər məhkum olunmamış, inzibati qaydada həbs olunmuş, əlilliyi olmayan, Tərtər rayonu Həsənqaya kəndində yaşayan Şəxs barəsində Tərtər Rayon Polis Şöbəsindən daxil olmuş Azərbaycan Respublikasının İnzibati Xətalar Məcəlləsinin 535.1-ci maddəsi ilə tərtib edilmiş inzibati xəta haqqında protokola açıq məhkəmə iclasında baxaraq, MÜƏYYƏNETDİ: Şəxs xx.xx.2025-ci il tarixdə saat təxminən 18 radələrində işğaldan azad olunmuş Ağdərə rayonu ərazisində onu intizama dəvət edən polis əməkdaşının qanuni tələbinə qəsdən tabe olmamışdır. Bu hərəkətləri ilə Şəxs Azərbaycan Respublikası İXM–in 535.1–ci maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün etirafı, şahid ifadəsi və işdə olan sənədlərlə tam təsdiq olunmuşdur. Barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, xx.xx.2025-ci il tarixdə saat 18 radələrində tanışı Azad Həsənovun idarə etdiyi VAZ 2101 markalı, **-BE-*** dövlət qeydiyyat nişanlı avtomaşınla işğaldan azad olunmuş Ağdərə rayonunda olan zaman polis tərəfindən saxlanılaraq özlərini təqdim edərək, nə səbəbdən burada olduğunu soruşmuşlar. Polis əməkdaşları ona minalanmış ərazilərə qanunsuz daxil olduğundan ona hüquqlarını izah etmiş və izahatının alınması üçün Tərtər RPŞ-nə dəvət etmişlər. Lakin o ilkin olaraq polis əməkdaşlarının qanuni tələbinə tabe olmayaraq Rayon Polis Şöbəsinə getməkdən imtina etmişdir. Onun barəsində inzibati protokol tərtib olunmuşdur. Əməlindən peşman olduğunu, məhkəmədən barəsində yüngül inzibati tənbeh növü təyin edilməsini xahiş etmişdir. Məhkəmə iclasında şahid qismində dindirilən Tərtər RPŞ-in PPXB-nin komandiri müavini polis baş leytenantı Xasay Məmmədov izahatında göstərmişdir ki, xx.xx.2025-ci il tarixdə saat 18 radələrində Goyarx komendant postunun yaxınlığnda AR DİN BİTİ-nin əraziyə ezam olunmuş əməkdaşı ilə birlikdə xidmətdə olan zaman işğaldan azad olunmuş Ağdərə rayon ərazisində gəlməkdə şübhəli bilinən VAZ 2101 markalı **-BE-*** dövlət qeydiyyat nömrə nişanlı avtomobil tərəflərindən saxlanılıb yoxlanılarkən avtomobilin üzərində olan yük yerində dəmir parçaları aşkar olunmuş və məlum olmuşdur ki, qeyd olunan avtomobilin sürücüsü Tərtər rayon Həsənqaya kənd sakini xx.xx.1996-cı il təvəllüdlü X3, sərnişinlər isə həmin kənd sakinləri xx.xx.2001-ci il təvəllüdlü Şəxs və xx.xx.1962-ci il təvəllüdlü X1r. Həmin şəxslərin izahatlarının alınması üçün RPŞ-nə dəvət edən zaman onlar RPŞ-nə getmək istəmədiklərini bildirmişlər. Dəfələrlə onları nizam intizama dəvət etsələr də onlar polisin qanuni tələbinə qəsdən tabe olmamışlar. Buna baxmayaraq həmin şəxsləri Tərtər RPŞ-nə gətirilmişlər. Barələrində RPŞ-də inzibati qaydada protokol tərtib olunmuşdur. Məhkəmə iclasında inzibati protokolu tərtib etmiş şəxs X4 izahatında göstərmişdir ki, Şəxs əvvəllər tanımamışdır barəsində protokol tərtib etdiyi andan tanıyır, onunla qohumluğu, ədavəti, qərəzi və düşmənçiliyi yoxdur. Şəxs barəsində protokol tərtib edən zaman və izahatı alınan zaman etiraf etmişdir ki, xx.xx.2025-ci il tarixdə saat 18 radələrində tanışı Azad Həsənovun idarə etdiyi VAZ 2101 markalı, **-BE-*** dövlət qeydiyyat nişanlı avtomaşınla işğaldan azad olunmuş Ağdərə rayonunda olan zaman polis tərəfindən saxlanılaraq özlərini təqdim edərək, nə səbəbdən burada olduğunu soruşmuşlar. Polis əməkdaşları ona minalanmış ərazilərə qanunsuz daxil olduğundan ona hüquqlarını izah etmiş və izahatının alınması üçün Tərtər RPŞ-nə dəvət etmişlər. Lakin o ilkin olaraq polis əməkdaşlarının qanuni tələbinə tabe olmayaraq Rayon Polis Şöbəsinə getməkdən imtina etmişdir. Əməlindən peşman olduğunu bildirmişdir. Beləliklə, məhkəmə iclası zamanı təsdiq olundu ki, Şəxs xx.xx.2025-ci il tarixdə saat təxminən 18 radələrində işqaldan azad olunmuş Ağdərə rayonu ərazisində onu intizama dəvət edən polis əməkdaşının qanuni tələbinə qəsdən tabe olmamışdır. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsi dinləyərək, məhkəmə hesab edir ki, toplanmış sübutlarla Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş əməlin, yəni polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmaması əməlinin törədilməsində təqsiri tam sübuta yetirilir. Onun barəsində İnzibati Xətalar Məcəlləsinin 535.1-ci maddəsinin tərkib əlaməti olduğundan barəsində toplanılmış materiallar Tərtər Rayon Məhkəməsinə göndərilmişdir. İş materialına əlavə olunmuş inzibati qaydada tutma haqqında protokoldan aydın olur ki, Şəxs 10 mart 2025-ci il tarixdən saat 22:10-dan inzibati qaydasında saxlanılmışdir. İş materialına əlavə olunmuşTərtər Rayon Məhkəməsinin xx.xx.2024-cü il tarixli qərarının surətindən görünür ki, Şəxs Azərbaycan Respublikası İXM-in 535.1-ci maddəsi ilə təqsirli bilinib 08(səkkiz) gün müddətinə inzibati qaydada həbs olunmuşdur. Azərbaycan Respublikası İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə görə isə, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə görə Azərbaycan Respublikası İnzibati Xətalar Məcəlləsinin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Həmin Məcəllənin 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə Şəxs şəxsiyyətini, törədilmiş inzibati xətanın xarakterini nəzərə alaraq hesab edir ki, onun barəsində Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasında nəzərdə tutulmuş «həbs» inzibati tənbehinin təyin edilməsi törədilmiş inzibati xətanın xarakterinə və dərəcəsinə uyğundur. Məhkəmə yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 106, 111-115, 117-118-ci maddələrini rəhbər tutaraq, QƏRARAALDİ: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməkdə təqsirli bilinərək, barəsində 09 (doqquz) gün müddətinə “həbs” inzibati tənbehi tətbiq edilsin. Həbsin əvvəli 10 mart 2025-cü il tarixdən saat 22:10-dan hesablansın. Qərar dərhal icra edilsin. Qərarın icrası Tərtər Rayon Polis Şöbəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Sədirlik edən: Kamil Rzayev