Tərtər Rayon Məhkəməsi Qərar — İş №3(061)-348/2025

Azərbaycan Respublikası adından QƏRAR Tərtər rayonu İş № 3(061)-348/2025 13.06.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, İcra sənədi üzrə tələbkar X4, Tərtər Rayon İcra və Probasiya Şöbəsinin icra məmuru X1, Barəsində inzibati xəta haqqında icraat aparılan şəxs Şəxs iştirakları ilə, xx.xx.1986-cı ildə Tərtər şəhərində anadan olmuş, Azərbaycan Respublikası vətəndaşı, orta təhsilli, işləməyən, subay, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, Tərtər rayonu Səhləbad kəndində yaşayan Şəxs barəsində Tərtər rayon İcra və Probasiya Şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş inzibati xəta haqqında protokola açıq məhkəmə iclasında baxaraq, MÜƏYYƏNETDİ: Tərtər Rayon Məhkəməsinin 26 noyabr 2021-ci il tarixli 2(061)-1695/2021 saylı icra sənədinə əsasən borclu Şəxs 7280 manat pul borcunun icrasından qəsdən boyun qaçırmış, bu zaman icra sənədində göstərilən tələbin yerinə yetirilməsini tələb edən Tərtər rayon İcra və Probasiya Şöbəsinin icra məmurunun qanuni tələbinə qəsdən tabe olmamışdır. Bu hərəkətləri ilə Şəxs məhkəmənin qanuni qüvvəyə minmiş icra sənədinin icrası ilə əlaqədar icra məmurunun qanuni tələblərini yerinə yetirməyərək və icra sənədini üzrsüz səbəbdən icra etməyərək Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün izahatı və işdə olan sənədlərlə təsdiq olunmuşdur. Tərtər rayon İcra və Probasiya Şöbəsinin icra məmuru X3 məhkəmə iclası zamanı inzibati xəta haqqında protokolun dəlillərini müdafiə edərək izahatında göstərdi ki, Tərtər Rayon Məhkəməsinin 26 noyabr 2021-cü il tarixli 2(061)-1695/2021 saylı icra sənədinə əsasən borclu Şəxs 10000(on min) manat pul alınıb iddiaçı ƏX5 verməlidir. Borclu icra sənədinin icrası ilə əlaqədar Tərtər rayon İcra və Probasiya Şöbəsinin icra məmurunun qanuni tələblərinə qəsdən tabe olmamış, icra sənədinin tələblərinə məhəl qoymaraq borcunu ödəməkdən boyun qaçırmış, bununla da borcunu ödəməkdən yayınmışdır. Borclu Şəxs Mahir oğluna dəfələrlə bildiriş və xəbərdarlıqlar göndərilməsinə baxmayaraq, o üzərinə düşən öhdəliyi ödəməkdən yayınmışdır. Borclu bir neçə dəfə icra şöbəsinə dəvət edilərək borcunu ödəməsi tələb olunmuş, lakin hazırki vaxtadək borcunu ödəməmişdir. Hazırda borclu Şəxs tələbkar X5 7280 manat borcu vardır. Şəxs davranışı o nəticəyə gəlməyə əsas verir ki, o borcunu qəsdən ödəmir, bundan yayınır və icra məmurunun tələblərinə qəsdən tabe olmur. Ona görə də hazırki protokolla məhkəməyə müraciət etmək məcburiyyətində qalmışdır. Protokolun dəlillərini müdafiə edir və borclu haqqında qanuni tədbir görülməsini məhkəmədən xahiş etmişdir. İcra sənədi üzrə tələbkar X6 məhkəmə iclası zamanı izahatında göstərmişdir ki, Tərtər Rayon Məhkəməsinin 26 noyabr 2021-ci il tarixli 2(061)-1695/2021 saylı icra sənədinə əsasən borclu Şəxs 10000(on min) manat alınıb ona verilməlidir. Borclu Şəxs hazırki vaxta qədər cəmi 2220 manat ödəniş etmiş, borclu qaldığı 7280 manat borc məbləğini ödəməkdən qərəzli boyun qaçırır, icra məmuru onun barəsində axtarış vermiş, məhkəmə tərəfindən də ona borcunu ödəmək üçün möhlət verilsədə yenə də borcunu ödəməkdən yayınmışdır. Buna baxmayaraq borclu həmişəki kimi onu aldadaraq heç bir ödəniş etməmişdir, dediyinə görə işə dəzəlib borcunu hissəhissə ödəniş etmək istəyir, bununla qətiyən razı deyil, borclu təkrarən onu aldatmaq istəyir. Ona görə Şəxs borcunun tam şəkildə ödənilməsini tələb etmiş əks halda borclu Şəxs inzibati qaydada həbs qərarı qəbul edilməsini məhəmədən xahiş etmişdir. Barəsində inzibati xəta haqqında icraat aparılan şəxs Şəxs məhkəmə iclası zamanı izahatında göstərmişdir ki, Tərtər Rayon Məhkəməsinin 26 noyabr 2021-ci il tarixli 2(061)- 1695/2021 saylı icra sənədi üzrə borclu Şəxs 10000(on min) manat məbləğində pul alınaraq tələbkar X5 verməlidir.Həmin borcun müəyyən hissəsi ödənildiyindən hazırda tələbkara 7280 manat borclu qalmışdır. Əvvəlki məhkəmə iclasında borclu olduğu məbləği ödəmək üçün məhkəmədən möhlət istəmiş, tələbkar da buna etiraz etməmiş, buna baxmayaraq maddi durumu ilə bağlı ödəniş edə bilməmişdir, işə düzəlib, həmin borcun onun əmək haqqına yönəldib, gələcəkdə hissə-hissə ödəniş edəcəyini bildirmiş, tələbkar da qətiyən razı deyildir. Hazırda borcunu tam ödəməyə imkanı yoxdur. Məhkəmə tərəfindən borcunun ödənilməsi barədə ona təkrarən şərait yaradılsa, məhkəmə iclası təxirə salınsa belə borclarını tam şəkildə ödəyə bilməyəcəkdir. Məhkəmədən onun barəsində yüngül inzibati tənbeh təyin edilməsini xahiş etmişdir. İş materiallarında olan Tərtər Rayon Məhkəməsinin 26 noyabr 2021-ci il tarixli 2(061)- 1695/2021 saylı icra sənədi üzrə borclu Şəxs 10000(on min) manat məbləğində pul alınaraq tələbkar X5 verməlidir. İş materiallarında olan bildiriş və xəbərdarlıqın təsdiq olunmuş surətlərindən görünür ki, icra orqanı borcludan icra sənədində göstərilən tələbi icra etməyi tələb etmiş, əks halda məsuliyyət daşıyacağı barədə ona xəbərdarlıq edilmişdir. Beləliklə, icra orqanının nümayəndəsinin, borclunun, tələbkarın izahatları, eləcə də icra materialları ilə müəyyən edilir ki, Şəxs Tərtər Rayon Məhkəməsinin 26 noyabr 2021-ci il tarixli 2(061)-1695/2021 saylı icra sənədi üzrə 7280 manat pul borcunun icrasından qəsdən boyun qaçırmış, bu zaman icra sənədində göstərilən tələbin yerinə yetirilməsini tələb edən Tərtər rayon İcra və Probasiya Şöbəsinin icra məmurunun qanuni tələbinə qəsdən tabe olmamışdır. Ona görə də məhkəmə hesab edir ki, Şəxs hərəkətlərində Azərbaycan Respublikası İXMin 528.1-ci maddəsinin tərkibi vardır və o, həmin maddə üzrə inzibati xəta törətməkdə təqsirli bilinməli və ona həmin maddənin sanksiyasında nəzərdə tutulmuş inzibati tənbeh verilməlidir. Məhkəmə, xətanın xarakterini, inzibati xəta törətmiş şəxsin şəxsiyyətini, nəzərə alaraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsinin sanksiyasında nəzərdə tutulmuş «həbs» inzibati tənbehinin təyin edilməsi törədilmiş inzibati xətanın xarakterinə və dərəcəsinə uyğundur. Göstərilənlərə əsasən və Azərbaycan Respublikası İnzibati Xətalar Məcəlləsinin 528, 114, 128-130-cu maddələrini rəhbər tutaraq, QƏRARAALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, barəsində 08 (səkkiz) gün müddətinə «həbs» inzibati tənbehi tətbiq edilsin. Həbsin əvvəli 13 iyun 2025-cü il tarixdən saat 16:17-dən hesablansın. Qərar dərhal icra edilsin. Qərarın icrası Tərtər Rayon Polis Şöbəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Sədirlik edən: Kamil Rzayev