Tərtər Rayon Məhkəməsi Qərar — İş №3(061)-385/2025

Azərbaycan Respublikası adından QƏRAR Tərtər rayonu İş № 3(061)-385/2025 03.06.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, İnzibati protokolu tərtib etmiş şəxs X1, Barəsində inzibati xəta haqqında icraat aparılan şəxs Şəxs iştirakları ilə, xx.xx.2006-cı ildə Naxçıvan Muxtar Respublikası Şərur rayonu Oğlanqala kəndində anadan olmuş, Azərbaycan Respublikası vətəndaşı, natamam orta təhsilli, işləməyən, subay, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, Naxçıvan Muxtar Respublikası Şərur rayonu Oğlanqala kəndində yaşayan Şəxs barəsində Tərtər Rayon Polis Şöbəsindən daxil olmuş Azərbaycan Respublikasının İnzibati Xətalar Məcəlləsinin 510-cu maddəsi ilə tərtib edilmiş inzibati xəta haqqında protokola açıq məhkəmə iclasında baxaraq, MÜƏYYƏNETDİ: Şəxs 02 iyun 2025-ci il tarixdə saat 03:00 radələrində Tərtər RPŞ-in inzibati binasında uca səslə danışaraq, nalayiq ifadələr işlədərək, RPŞ-in iş ahəngini pozmaqla xırda xuliqanlıq hərəkətləri etmişdir. Bu hərəkətləri ilə Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün izahatı və işdə olan sənədlərlə təsdiq olunmuşdur. Barəsində inzibati xəta haqqında icraat aparılan şəxs Şəxs məhkəmə iclası zamanı izahatında göstərmişdir ki, 02 iyun 2025-ci il tarixdə saat 03:00 radələrində Tərtər RPŞ-in inzibati binasında onu polis şöbəsinə dəvət etdiklərindən əsəbləşərək, RPŞ-in inzibati binasında uca səslə etirazını bildirərək, ictimai qaydanı pozmuşdur. Onun barəsində inzibati protokol tərtib olunmuşdur. Əməlindən peşman olmasını bildirmiş, barəsində yüngül inzibati tənbeh verilməsini xahiş etmişdir. Məhkəmə iclasında inzibati material üzrə protokolu tərtib etmiş şəxs X2 izahatında göstərmişdir ki, Şəxs barəsində protokol tərtib etdiyi vaxtdan tanıyır. Onunla qohumluğu, ədavəti qərəzi və düşmənçiliyi yoxdur. Onun barəsində protokol tərtib edilən vaxtı və izahatı alınan zaman Şəxs özü səmimi etiraf etmişdir ki, barəsində edilmiş şikayətlə bağlı Tərtər RPŞ-nə gətirilmiş, həmin vaxt əsəbləşərək, RPŞ-in inzibati binasında uca səslə etirazını bildirərək, ictimai qaydanı pozmuşdur. Onun barəsində inzibati protokol tərtib olunmuşdur. Əməlindən peşman olmasını bildirmişdir. Məhkəmə iclasında şahid qismində dindirilən Tərtər RPŞ-in KMQ-nun baş əməliyyat müvəkkili polis baş leytenantı X3 izahatında göstərmişdir ki, Şəxs ilə ədavəti və düşmənçiliyi olmamışdır. Tərtər RPŞ-in İstintaq Qrupunda olan cinayət işinin araşdırılması ilə bağlı Şəxs RPŞnə gətirilmiş, həmin vaxt o uca səslə nalayiq ifadələr işlədərək polis şöbəsinin iş ahəngini pozmuş, nizam intizama dəvət olunsa da hərəkətlərini davam etdirmişdir. Beləliklə, məhkəmə iclası zamanı təsdiq olundu ki, Şəxs 02 iyun 2025-ci il tarixdə saat 03:00 radələrində Tərtər RPŞ-in inzibati binasında uca səslə danışaraq, nalayiq ifadələr işlədərək, RPŞ-in iş ahəngini pozmaqla xırda xuliqanlıq hərəkətləri etmişdir. İş materiallarında olan 02 iyun 2025-cü il tarixli inzibati qaydada tutma haqqında protokoldan görünür ki, Şəxs 02 iyun 2025-cü il tarixdə saat 03:10 radələrində inzibati qaydada tutulmuşdur. Məhkəmə, xətanın xarakterini, inzibati xəta törətmiş şəxsin şəxsiyyətini, nəzərə alaraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 510-cu maddəsinin sanksiyasında nəzərdə tutulmuş «həbs» inzibati tənbehinin təyin edilməsi törədilmiş inzibati xətanın xarakterinə və dərəcəsinə uyğundur. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, QƏRARAALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş inzibati xətanı törətməkdə təqsirli bilinərək, barəsində 05 (beş) gün müddətinə “həbs” inzibati tənbehi tətbiq edilsin. Həbsin əvvəli 02 iyun 2025-ci il tarixdən saat 03:10-dan hesablansın. Qərar dərhal icra edilsin. Qərarın icrası Tərtər Rayon Polis Şöbəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Sədirlik edən: Kamil Rzayev