Tərtər Rayon Məhkəməsi Qərar — İş №3(061)-409/2025

Azərbaycan Respublikası adından QƏRAR Tərtər rayonu İş № 3(061)-409/2025 06.06.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, İnzibati protokolu tərtib etmiş şəxs X2, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1987-ci ildə Tərtər rayonu Xoruzlu kəndində anadan olmuş, Azərbaycan Respublikası vətəndaşı, orta təhsilli, işləməyən, ailəli, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, Tərtər rayonu Xoruzlu kəndində yaşayan Şəxs barəsində Tərtər Rayon Polis Şöbəsindən daxil olmuş Azərbaycan Respublikasının İnzibati Xətalar Məcəlləsinin 535.1-ci maddəsi ilə tərtib edilmiş inzibati xəta haqqında protokola açıq məhkəmə iclasında baxaraq, MÜƏYYƏNETDİ: Şəxs 05 iyun 2025-ci il tarixdə saat təxminən 12 radələrində Tərtər rayonun Xoruzlu kəndində onu intizama dəvət edən polis əməkdaşının qanuni tələbinə qəsdən tabe olmamışdır. Bu hərəkətləri ilə Şəxs Azərbaycan Respublikası İXM-in 535.1-ci maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün etirafı, şahid ifadəsi və işdə olan sənədlərlə tam təsdiq olunmuşdur. Barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, 05 iyun 2025-ci il tarixdə saat təxminən 12 radələrində yaşadığı Tərtər rayonun Xoruzlu kəndində özünə məxsus “QAZ 310290” markalı avtomaşın ilə hərəkətdə olan zaman YPX-in əməkdaşları ona yaxınlaşıb, saxla əmri vermişlər, o da avtomaşını saxlamışdır. Polis əməkdaşları ona yaxınlaşıb, özlərini təqdim edərək törətmiş olduğu inzibati xətanı ona izah etmişlər. Daha sonra isə onun spirtli içkinin təsirində olmağı ilə bağlı yoxlanışdan keçməyini bildirmişlər. Lakin həmin vaxt o spirtli içkinin təsiri altında olduğundan və ailəsi avtomaşında olduğu üçün YPX-in əməkdaşları ilə aralarında sözlə mübahisə yaranmışdır. Polis əməkdaşları ona məxsus avtomaşını Tərtər RPŞ-in YPXB-in dayanacaqında saxlamışlar. Lakin o ilkin olaraq əsəbi olduğundan polis əməkdaşlarının qanuni tələbinə tabe olmamışdır. Daha sonra o polis əməkdaşları ilə birlikdə rayon polis şöbəsinə getmişdir. Onun barəsində inzibati protokol tərtib olunmuşdur. Əməlindən peşman olduğunu, bir daha bu cür hallara yol verməyəcəyini bildirərək barəsində yüngül inzibati tənbeh növü təyin edilməsini xahiş etmişdir. Məhkəmə iclasında şahid qismində dindirilən Tərtər RPŞ-in DYPB-nin YPX-in inspektoru polis serjantı X1 izahatında göstərmişdir ki, 05 iyun 2025-ci il tarixdə saat 12 radələrində Tərtər rayonu Xoruzlu kənd ərazisində Tərtər rayon Xoruzlu kəndində yaşayan Şəxs idarə etdiyi “QAZ-310290” markalı ** BB *** dövlət qeydiyyat nişanlı avtomobili yolun əks istiqamətli hərəkət zolağına çıxdığı üçün tərəfindən saxlanıldı, sürücüyə törətdiyi xətanı izah edən zaman özünü şübhəli apardığı üçün sərxoşluq müayinəsindən keçməsi üçün DYPB-nə dəvət olunmuş, sürücü polisin qanuni tələbinə tabe olmayaraq DYPB-nə gəlməkdən imtina etmişdir. Lakin sonradan səhvini başa düşüb polisdən üzr istədiyindən, himayəsində azyaşlı uşaqları olduğundan ondan şikayətçi deyil, yüngül cəza verilməsini xahiş etmişdir. Məhkəmə iclasında inzibati protokolu tərtib etmiş şəxs Tərtər RPŞ-in İTB-in sahə rəisi X4 izahatında göstərmişdir ki, barəsində inzibati xəta haqqında protokol tərtib edilmiş şəxsi, əvvəllər tanımamış, onunla qohumluğu, ədavəti və düşmənçiliyi olmamışdır. Belə ki, Şəxs barəsində onun tərəfindən protokol tərtib edilmiş və izahatı alınmışdır. Şəxs izahatı alınan zaman özü səmimi etiraf etmişdir ki, xx.xx.2025-ci il tarixdə saat təxminən 12 radələrində Tərtər rayonu Xoruzlu kəndində onu intizama dəvət edən polis əməkdaşının qanuni tələbinə qəsdən tabe olmamışdır. Lakin polis əməkdaşları ona məxsus avtomaşını Tərtər RPŞ-in YPXB-in dayanacaqında saxlamışlar. Polis əməkdaşları ona zəng edib onu polis şöbəsinə dəvət etmişlər. Polis əməkdaşları onu nizam intizama dəvət etmişlər. Lakin o ilkin olaraq əsəbi olduğundan polis əməkdaşlarının qanuni tələbinə tabe olmamışdır. Şəxs barəsində inzibati protokol tərtib olunmuşdur. Beləliklə, məhkəmə iclası zamanı təsdiq olundu ki, Şəxs xx.xx.2025-ci il tarixdə saat təxminən 12 radələrində Tərtər rayonun Xoruzlu kəndində onu intizama dəvət edən polis əməkdaşının qanuni tələbinə qəsdən tabe olmamışdır. İş materiallarında olan xx.xx.2025-ci il tarixli inzibati qaydada tutma haqqında protokoldan görünür ki, Şəxs xx.xx.2025-ci il tarixdə saat 12:25-də inzibati qaydada tutulmuşdur. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsi dinləyərək, məhkəmə hesab edir ki, toplanmış sübutlarla Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş əməlin, yəni polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmaması əməlinin törədilməsində təqsiri tam sübuta yetirilir. Onun barəsində İnzibati Xətalar Məcəlləsinin 535.1-ci maddəsinin tərkib əlaməti olduğundan barəsində toplanılmış materiallar Tərtər Rayon Məhkəməsinə göndərilmişdir. Azərbaycan Respublikası İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə görə isə, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə görə Azərbaycan Respublikası İnzibati Xətalar Məcəlləsinin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Həmin Məcəllənin 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə Şəxs şəxsiyyətini, törədilmiş inzibati xətanın xarakterini nəzərə alaraq hesab edir ki, onun barəsində Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasında nəzərdə tutulmuş «cərimə» inzibati tənbehinin təyin edilməsi törədilmiş inzibati xətanın xarakterinə və dərəcəsinə uyğundur. Məhkəmə yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 106, 111-115, 117-118-ci maddələrini rəhbər tutaraq, QƏRARAALDİ: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinsin və barəsində 200 (iki yüz) manat məbləğində cərimə inzibati tənbehi tətbiq edilsin. Şəxs xx.xx.2025-ci il saat 12:25-dən inzibati qaydada tutulduğu müddət nəzərə alınaraq barəsində Azərbaycan Respublikası İnzibati Xətalar Məcəlləsinin 31.4-1-ci maddəsi tətbiq edilməklə ona təyin edilmiş 200 manat cərimə inzibati tənbehi azaldılaraq cərimənin məbləği 150 (yüz əlli) manat müəyyən edilsin. Şəxs məhkəmə iclas zalından dərhal azad edilsin. Qərarın icrası Tərtər rayon İcra və Probasiya Şöbəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Sədirlik edən: Kamil Rzayev