Tərtər Rayon Məhkəməsi Qərar — İş №3(061)-414/2025

Azərbaycan Respublikası adından QƏRAR Tərtər rayonu İş № 3(061)-414/2025 14.06.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, İnzibati protokolu tərtib etmiş şəxs X1, Barəsində inzibati xəta haqqında icraat aparılan şəxs Şəxs oğunun iştirakları ilə, xx.xx.1990-cı ildə Tərtər şəhərində anadan olmuş, Azərbaycan Respublikası vətəndaşı, orta təhsilli, işləməyən, evli, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, ünvan 1 ünvanında yaşayan Şəxs barəsində Tərtər Rayon Polis Şöbəsindən daxil olmuş Azərbaycan Respublikasının İnzibati Xətalar Məcəlləsinin 510-cu maddəsi ilə tərtib edilmiş inzibati xəta haqqında protokola açıq məhkəmə iclasında baxaraq, MÜƏYYƏNETDİ: Şəxs xx.xx.2025-ci il tarixdə saat 12:00 radələrində Tərtər RPŞ-in inzibati binasında uca səslə nalayiq ifadələr işlədərək ictimai qaydanı kobud şəkildə pozmuşdur. Bu hərəkətləri ilə Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün izahatı və işdə olan sənədlərlə təsdiq olunmuşdur. Barəsində inzibati xəta haqqında icraat aparılan şəxs Şəxs məhkəmə iclası zamanı izahatında göstərmişdir ki, 13 iyun 2025-ci il tarixdə Tərtər RPŞ-nə dəvət edilmişdir və xx.xx.2025ci il tarixdə sərxoş halda yaşadığı küçədə ictimai yerdə nalayiq ifadələr işlədərək qonşularının əsaslı narazılığına səbəb olduğu üçün barəsində RPŞ-nə müraciət edilməsi və inzibati qayda pozuntusu törətməyi ona izah edilmişdir. Həmin vaxt barəsində şikayət edildiyindən əsəbləşərək özünü saxlaya bilməyib, təkrar olaraq polis əməkdaşı təhqiqatçı Nurlan Abdullazadənin iş otağında nalayiq ifadələr işlətmişdir. Bundan sonra etmiş olduğu qayda pozuntusu barədə təkrar ona izah edilərək barəsində protokol tərtib edilmişdir. Əməlindən peşman olmasını bildirmiş, barəsində yüngül inzibati tənbeh verilməsini xahiş etmişdir. Məhkəmə iclasında inzibati protokolu tərtib etmiş şəxs X2 izahatında göstərmişdir ki, Şəxs barəsində protokol tərtib etdiyi vaxtdan tanıyır. Onunla qohumluğu, ədavəti qərəzi və düşmənçiliyi yoxdur. Onun barəsində protokol tərtib edilən vaxtı və izahatı alınan zaman Şəxs özü səmimi etiraf etmişdir ki, xx.xx.2025-ci il tarixdə saat 12:00 radələrində Tərtər RPŞ-in inzibati binasında uca səslə nalayiq ifadələr işlədərək ictimai qaydanı kobud şəkildə pozmuşdur. Tərtər Rayon Polis Şöbəsinin təhqiqatçısı Nurlan Abdullazadənin xidməti iş otağına gələn zaman o spirtli içkinin təsiri altında olmuşdur. O həmin vaxt spirtli içkinin təsiri altında olduğu üçün ucadan nalayiq ifadələr işlədərək ictimai qaydanı kobud surətdə pozmuşdur. Polis əməkdaşları onu sakitləşdirib nizamintizama dəvət etmişlər. Onun barəsində inzibati protokol tərtib olunmuşdur. Əməlindən peşman olmasını bildirmişdir. Beləliklə, məhkəmə iclası zamanı təsdiq olundu ki, Şəxs xx.xx.2025-ci il tarixdə saat 12:00 radələrində Tərtər RPŞ-in inzibati binasında uca səslə nalayiq ifadələr işlədərək ictimai qaydanı kobud şəkildə pozmuşdur. İş materiallarında olan 13 iyun 2025-cü il tarixli inzibati qaydada tutma haqqında protokoldan görünür ki, Şəxs 13 iyun 2025-cü il tarixdə saat 12:41 radələrində inzibati qaydada tutulmuşdur. Məhkəmə, xətanın xarakterini, inzibati xəta törətmiş şəxsin şəxsiyyətini, nəzərə alaraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 510-cu maddəsinin sanksiyasında nəzərdə tutulmuş «həbs» inzibati tənbehinin təyin edilməsi törədilmiş inzibati xətanın xarakterinə və dərəcəsinə uyğundur. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, QƏRARAALDİ: Şəxs Azərbaycan Respublikası İnzibati Xətalar Məcəlləsinin 510- cu maddəsi ilə nəzərdə tutulmuş inzibati xətanı törətməkdə təqsirli bilinərək, barəsində 05 (beş) gün müddətinə “həbs” inzibati tənbehi tətbiq edilsin. Həbsin əvvəli 13 iyun 2025-ci il tarixdən saat 12:41-dən hesablansın. Qərar dərhal icra edilsin. Qərarın icrası Tərtər Rayon Polis Şöbəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Sədirlik edən: Kamil Rzayev