Tərtər Rayon Məhkəməsi Qərar — İş №3(061)-562/2025

Azərbaycan Respublikası adından QƏRAR Tərtər rayonu İş № 3(061)-562/2025 18.09.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, Barəsində inzibati xəta haqqında icraat aparılan şəxs Şəxs, Tərtər rayon İcra və Probasiya Şöbəsinin icra məmuru X1 iştirakları ilə, xx.xx.1987-ci ildə Tərtər rayonu Qapanlı kəndində anadan olmuş, Azərbaycan Respublikası vətəndaşı, işləməyən, orta təhsilli, subay, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, Tərtər rayonu Qapanlı kəndində qeydiyyatda olmaqla yaşayan Şəxs barəsində Tərtər Rayon İcra və Probasiya Şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş inbzibati xəta haqqında protokola açıq məhkəmə iclasında baxaraq, MÜƏYYƏNETDİ: Tərtər rayon İcra və Probasiya Şöbəsinin icra məmuru X3 tərəfindən Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati xəta haqqında protokol tərtib edilmiş və həmin protokol və ona əlavə edilmiş sənədlər aidiyyəti üzrə baxılması üçün Tərtər Rayon Məhkəməsinə göndərilmişdir. İnzibati xəta haqqında protokol onunla əsaslandırılmışdır ki, Bakı şəhəri Binəqədi Rayon Məhkəməsinin xx.xx.2021-ci il tarixli 2(001)-1407/2021 saylı icra sənədinə əsasən borclu Şəxs bir uşağın saxlanılması üçün hər ay 175 (bir yüz yetmiş beş) manat sabit pul məbbləğində aliment alınaraq tələbkar X2 ödənilməlidir. Borclu icra sənədinin icrası ilə əlaqədar Tərtər rayon İcra və Probasiya Şöbəsinin icra məmurunun qanuni tələblərinə qəsdən tabe olmamış, icra sənədinin tələblərinə məhəl qoymayaraq borcunu ödəməkdən boyun qaçırmışdır. Bu hərəkətləri ilə Şəxs məhkəmənin qanuni qüvvəyə minmiş icra sənədinin icrası ilə əlaqədar icra məmurunun qanuni tələblərini yerinə yetirməyərək icra sənədini üzrsüz səbəbdən icra etməyərək Azərbaycan Respublikası İXM-in 535.1-ci maddəsində nəzərdə tutulan inzibati xətanı törətmişdir. Məhkəmə iclası zamanı barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, Bakı şəhəri Binəqədi Rayon Məhkəməsinin xx.xx.2021-ci il tarixli 2(001)-1407/2021 saylı icra sənədinə əsasən borclu kimi ondan bir uşağın saxlanılması üçün hər ay 175 (bir yüz yetmiş beş) manat sabit pul məbləğində aliment alınaraq tələbkar X2 ödənilməlidir. O məhkəmə iclası zamanı ərizə təqdim edərək bildirmişdir ki, hazırda məhkəmə iclası zamanı borclu olduğu 7400 manat borc məbləğindən 1800 (bir min səkkiz yüz) manat ödəniş etmişdir. Aliment borcunun vaxtında ödəyə bilməməsinin səbəbi heç bir yerdə işləmədiyi, xəstəliyi və maddi imkanının olmaması olmuşdur. Övladını çox istəyir, övladına aliment ödəmək bir valideyn kimi onun borcu və vəzifəsidir. Onun heç vaxt alimenti ödəməkdən yayınmaq fikri olmamışdır. Hazırda bu qədər aliment borcuna görə vicdan əzabı çəkir. Ümumi borcundan 1800 (bir min səkkiz yüz ) manat ödəniş etmişdir. Qalan borc məbləğini hər ay aliment borcunu ödəyəndə ümumilikdə 300 manat olmaqla işləyib ödəməyinə söz verir. Odur ki, barəsində olan inzibati materiala xitam verilməsini və məsuliyyətdən azad edilməsini məhkəmədən xahiş etmişdir. Məhkəmə iclasında icra sənədi üzrə tələbkar X4 məhkəmə iclas katibi Hacıyev Ramin Firudin oğlunun mobil telefonuna zəng edərək bildirmişdir ki, borclu Şəxs aliment borcundan ümumilikdə 1800 manat ödəniş etmişdir. Qalan aliment borcunu hər ay ödəməli olan aliment borcuna əlavə olunmaqla ödəyəcəyinə söz verdiyindən, onun barəsində olan inzibati material üzrə şikayətçi deyil, məsuliyyətdən azad olunmasını, işin icraatına xiyam verilməsini xahiş etmişdir. Məhkəmə iclasında Tərtər rayon İcra və Probasiya Şöbəsinin icra məmuru X3 izahatında göstərmişdir ki, Bakı şəhəri Binəqədi Rayon Məhkəməsinin xx.xx.2021-ci il tarixli 2(001)- 1407/2021 saylı icra sənədinə əsasən borclu Şəxs bir uşağın saxlanılması üçün hər ay 175 (bir yüz yetmiş beş) manat sabit pul məbləğində aliment alınaraq tələbkar X2 ödənilməlidir. Borclu icra sənədinin icrası ilə əlaqədar Tərtər rayon İcra və Probasiya Şöbəsinin icra məmurunun qanuni tələblərinə qəsdən tabe olmamış, icra sənədinin tələblərinə məhəl qoymayaraq borcunu ödəməkdən boyun qaçırmışdır. Hazırda həqiqətən də tələbkar borclu olan 1800 manat aliment borcunu ödəmişdir. Qalan borc məbləğini hər ay aliment borcunu ödəyəndə 300 manat olmaqla işləyib ödəməyinə söz verir. Odur ki, məhkəmədən Şəxs barəsində olan inzibati materiala xitam verilməsini və məsuliyyətdən azad ediməsin məhkəmənin mülahizəsinə buraxır. Beləliklə, işdə iştirak edən şəxslərin izahatları, işdə olan sənədlər və digər iş materialları ilə borclu Şəxs icra sənədini qəsdən və qərəzli olaraq icra etməməsi, qəsdən yayınması və xüsusən icra məmurunun qanuni tələbinə qəsdən tabe olmaması, icra məmurunun qanuni tələblərini yerinə yetirməkdən qəsdən yayınması halları müəyyən olunmamışdır. Halbuki, Azərbaycan Respublikası İnzibati Xətalar Məcəlləsinin 528.1-ci maddəsi borclunun məsuliyyətini icra məmurunun tələbinə qəsdən tabe olmaması və onun qanuni tələblərini yerinə yetirməkdən qəsdən yayınması ilə şərtləndirmişdir. Hazırki vəziyyətdə isə borclu Şəxs əməlində həmin inzibati xətanın tərkibinin olması iş materialları ilə təkzib olunur. Ona görə də məhkəmə hesab edir ki, Azərbaycan Respublikası İnzibati Xətalar Məcəlləsinin 528.1-ci maddəsində borclunun icra məmurunun qanuni tələblərini qəsdən yerinə yetirməməsi müəyyən edilmir. Borclu Şəxs əməlində ona istinad olunan inzibati xətanın tərkibi yoxdur. Belə ki, Azərbaycan Respublikası İXM-in 53.1.2-ci maddəsində göstərilmişdir ki, inzibati xəta tərkibi olmadıqda inzibati xəta haqqında iş üzrə icraata xitam verilir. Bu səbəbdən məhkəmə hesab edir ki, Azərbaycan Respublikası İXM-in 53.1.2-ci maddəsinə əsasən borclu Şəxs barəsində olan inzibati xəta haqqında işə, əməlində inzibati xəta tərkibi olmaması əsası ilə xitam verilməlidir. Ona görə də məhkəmə hazırki inzibati xəta haqqında işin icraatına xitam verilməsini qanuni və əsaslı hesab edir. Qeyd olunanlara əsasən və Azərbaycan Respublikası İnzibati Xətalar Məcəlləsinin 48-50, 53, 106, 112, 114, 117 və 128-130-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işin icraatına inzibati xəta tərkibi olmadığından xitam verilsin. Qərardan alındığı və ya təqdim olunduğu gündən 10 (on) gün müddətində Tərtər Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti və ya protesti verilə bilər. Sədirlik edən: Kamil Rzayev