Tərtər Rayon Məhkəməsi Qərar — İş №3(061)-723/2025

Azərbaycan Respublikası adından QƏRAR Tərtər rayonu İş № 3(061)-723/2025 28.11.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, Tərtər rayon İcra və Probasiya Şöbəsinin icra məmuru X2, İcra sənədi üzrə tələbkar "xxxx" MMC-in etibarnamə üzrə nümayəndəsi X3, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1996-cı ildə Tərtər rayonu İsmayılbəyli kəndində anadan olmuş, Azərbaycan Respublikası vətəndaşı, işləməyən, orta təhsilli, ailəli, himayəsində bir azyaşlı uşağı olan, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, Ağcəbədi rayonu Hindarx qəsəbəsində yaşayan Şəxs barəsində Tərtər Rayon İcra və Probasiya Şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş inbzibati xəta haqqında protokola açıq məhkəmə iclasında baxaraq, MÜƏYYƏNETDİ: Tərtər rayon İcra və Probasiya Şöbəsinin icra məmuru X7 tərəfindən Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati xəta haqqında protokol tərtib edilmiş və həmin protokol və ona əlavə edilmiş sənədlər aidiyyəti üzrə baxılması üçün Tərtər Rayon Məhkəməsinə göndərilmişdir. İnzibati xəta haqqında protokol onunla əsaslandırılmışdır ki, Tərtər Rayon Məhkəməsinin xx.xx.2024-cü il tarixli 2(061)-1216/2024 saylı icra sənədinə əsasən Şəxs tələbkara 6315 manat borcunun olmasını ilə icra məmurunun qanuni tələblərini yerinə yetirməmişdir. Məhkəmə iclası zamanı barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, Tərtər Rayon Məhkəməsinin xx.xx.2024-cü il tarixli 2(061)-1216/2024 saylı icra sənədinə əsasən Şəxs tələbkara 6315 manat borcunun olması ilə icra məmurunun qanuni tələblərini yerinə yetirməmişdir. Məhkəməyə rəsmi ərizə təqdim edərək tələbkar "xxxx" MMC-yə olan 6315 manat borcundan 350 manatını ödədiyindən, tələbkar təşkilatla ümumi razılığa gələrək qalan borc məbləğini hər ay 150 manat aliment borcunu da ödəyəcəyini və icra sənədinin icrasına bundan sonra heç bir maneə yaratmayacağına söz verdiyindən və tələbkar ondan şikayətçi olmadığından, borcunu bundan sonra vaxtı vaxtında ödəyəcəyinə söz verir. Əməlindən peşimandır. Bir daha belə hallara yol verməyəcəkdir. Odur ki, barəsində olan inzibati materiala xitam verilməsini və məsuliyyətdən azad edilməsini məhkəmədən xahiş etmişdir. Məhkəmə iclasında iştirak edən icra sənədi üzrə tələbkar "xxxx" MMC-in etibarnamə üzrə nümayəndəsi X4 izahatında göstərmişdir ki, Tərtər Rayon Məhkəməsinin xx.xx.2024-cü il tarixli 2(061)-1216/2024 saylı icra sənədinə əsasən Şəxs tələbkara 6315 manat borcunun olmasını ilə icra məmurunun qanuni tələblərini yerinə yetirməmişdir. X1 məıhkəməyə rəsmi ərizə təqdim edərək hazırda borclu 6315 manat borcundan 350 manatını ödədiyindən, tələbkar təşkilatla ümumi razılığa gələrək qalan borc məbləğini hər ay 150 manat olmaqla ödəyəcəyini və icra sənədinin icrasına bundan sonra heç bir maneə yaratmayacağına söz verdiyindən və tələbkar ondan şikayətçi deyil, məhkəmədən borclu Şəxs barəsində olan inzibati materiala xitam verilməsini və məsuliyyətdən azad ediməsini xahiş etmişdir. Tərtər rayon İcra və Probasiya Şöbəsinin icra məmuru X5 məhkəmə iclası zamanı inzibati xəta haqqında protokolun dəlillərini müdafiə edərək izahatında göstərdi ki, Tərtər Rayon Məhkəməsinin xx.xx.2024-cü il tarixli 2(061)-1216/2024 saylı icra sənədinə əsasən Şəxs tələbkara 6315 manat borcunun olmasını ilə icra məmurunun qanuni tələblərini yerinə yetirməmişdir. Hazırda borclu 6315 manat borcundan 350 manatını ödədiyindən, tələbkar təşkilatla ümumi razılığa gələrək qalan borc məbləğini hər ay 150 manat olmaqla ödəyəcəyini və icra sənədinin icrasına bundan sonra heç bir maneə yaratmayacağına söz verdiyindən və tələbkar ondan şikayətçi olmamasını nəzərə alıb, məhkəmədən borclu Şəxs barəsində olan inzibati materiala xitam verilməsini və məsuliyyətdən azad ediməsinə etiraz etmədiyini bildirmişdir. İş materiallarından aydın olur ki, Tərtər Rayon Məhkəməsinin xx.xx.2024-cü il tarixli 2(061)- 1216/2024 saylı icra sənədinə əsasən Şəxs tələbkara 6315 manat borcunun olmasını ilə icra məmurunun qanuni tələblərini yerinə yetirməmişdir. İş materiallarına əlavə olunmuş ödəmə qəbzlərindən aydın olur ki, borclu Şəxs barəsində tərtib olunmuş protokol üzrə borclu olduğu 6315 manat borcundan 350 manatını ödəmişdir. Beləliklə, işdə iştirak edən şəxslərin izahatları, işdə olan sənədlər və digər iş materialları ilə borclu Şəxs icra sənədini qəsdən və qərəzli olaraq icra etməməsi, qəsdən yayınması və xüsusən icra məmurunun qanuni tələbinə qəsdən tabe olmaması, icra məmurunun qanuni tələblərini yerinə yetirməkdən qəsdən yayınması halları müəyyən olunmamışdır. Halbuki, Azərbaycan Respublikası İnzibati Xətalar Məcəlləsinin 528.1-ci maddəsi borclunun məsuliyyətini icra məmurunun tələbinə qəsdən tabe olmaması və onun qanuni tələblərini yerinə yetirməkdən qəsdən yayınması ilə şərtləndirmişdir. Hazırki vəziyyətdə isə borclu Şəxs əməlində həmin inzibati xətanın tərkibinin olması iş materialları ilə təkzib olunur. Ona görə də məhkəmə hesab edir ki, Azərbaycan Respublikası İnzibati Xətalar Məcəlləsinin 528.1-ci maddəsində borclunun icra məmurunun qanuni tələblərini qəsdən yerinə yetirməməsi müəyyən edilmir. Borclu Şəxs əməlində ona istinad olunan inzibati xətanın tərkibi yoxdur. Belə ki, Azərbaycan Respublikası İXM-in 53.1.2-ci maddəsində göstərilmişdir ki, inzibati xəta tərkibi olmadıqda inzibati xəta haqqında iş üzrə icraata xitam verilir. Bu səbəbdən məhkəmə hesab edir ki, Azərbaycan Respublikası İXM-in 53.1.2-ci maddəsinə əsasən borclu Şəxs barəsində olan inzibati xəta haqqında işə, əməlində inzibati xəta tərkibi olmaması əsası ilə xitam verilməlidir. Ona görə də məhkəmə hazırki inzibati xəta haqqında işin icraatına xitam verilməsini qanuni və əsaslı hesab edir. Qeyd olunanlara əsasən və Azərbaycan Respublikası İnzibati Xətalar Məcəlləsinin 48-50, 53, 106, 112, 114, 117 və 128-130-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işin icraatına inzibati xəta tərkibi olmadığından xitam verilsin. Qərardan alındığı və ya təqdim olunduğu gündən 10 (on) gün müddətində Tərtər Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti və ya protesti verilə bilər. Sədirlik edən: Kamil Rzayev