Tərtər Rayon Məhkəməsi Qərar — İş №3(061)-780/2025

Azərbaycan Respublikası adından QƏRAR Tərtər rayonu İş № 3(061)-780/2025 15.12.2025 TƏRTƏR RAYON MƏHKƏMƏSİ Hakim Qubadov Tahir Möhsüm oğlunun sədrliyi, X8 oğlunun katibliyi, Tərtər rayon İcra və Probasiya Şöbəsinin icra məmuru X1, Zərərçəkən şəxs (tələbkar) X4 Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1999-cu ildə Tərtər şəhərində anadan olmuş, Azərbaycan Respublikası vətəndaşı, orta təhsilli, fərdi əməklə məşğul olan, subay, Tərtər şəhəri, Mehdi Hüseynzadə küçəsi ev 10, mənzil 11-də yaşayan, Şəxs barəsində Tərtər rayon İcra və Probasiya Şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-1-ci maddəsi ilə tərtib edilmiş inzibati xəta haqqında protokol və əlavə edilmiş materiallara Tərtər Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: Tərtər rayon İcra və Probasiya şöbəsinin icra məmuru X2 xx.xx.2025-ci il tarixli, MN ******* saylı inzibati xəta haqqında protokolla məhkəməyə müraciət edərək Şəxs Azərbaycan Respublikası İXM-nin 528.1-1-ci maddəsi ilə inzibati məsuliyyətə cəlb edilməsi barədə qərar çıxarılmasını xahiş etmişdir. Məhkəmə iclasında Tərtər rayon İcra və Probasiya Şöbəsinin icra məmuru X2 izahatında göstərmişdir ki, Tərtər Rayon Məhkəməsinin e-2(061)-1428/2024 saylı, xx.xx.2024-cü il tarixli icra vərəqəsinə əsasən borclu Şəxs 6431 manat pul və ödənilmiş 84,31 manat dövlət rüsumu alınaraq tələbkar X5 verilməsi qət edilmişdir. İcra sənədi Tərtər rayon İcra və Probasiya şöbəsinə daxil olmuş və icraata başlamaq haqqında qərar qəbul edilmişdir. Borclu icra sənədinin icrasını təmin etmədiyi üçün Tərtər Rayon Məhkəməsinin 3(061)-336/2025 saylı, xx.xx.2025-ci il tarixli inzibati xəta haqqında qərarına əsasən 08 gün müddətə inzibati qaydada həbs olunmuşdur. Buna baxmayaraq, o, yenədə icra sənədinin icrasını təmin etməmiş və nəticədə borclunun 4728 manat borcu qalmışdır. Ona görə də Şəxs barəsində Azərbaycan Respublikası İXM-nin 528.1-1-ci maddəsi ilə inzibati xəta haqqında protokol tərtib edərək baxılması üçün məhkəməyə göndərmişdir. Məhkəmə tərəfindən borclu Şəxs ödəniş üçün vaxt verilmiş və o, məhkəmə prosesinin gedişində poçt vasitəsi ilə tələbkarın adına 300 + 600 + 490 manat olmaqla, ümumilikdə 1390 manat pul ödəmiş, eləcə də qalan məbləğın ödənişinin təmin edəcəyini bildirmişdir. Borclu ümumi borcdan bu günə 3177 manat ödəmişdir. Hazırda onun 3338 manat borcu qalır. Məhkəmə iclasında zərərçəkmiş şəxs (tələbkar) X7 izahatında göstərmişdir ki, Tərtər Rayon Məhkəməsinin xx.xx.2024-cü il tarixli icra vərəqəsinə əsasən 6431 manat pulun və 84.31 manat dövlət rüsumunun borclu Şəxs tutularaq ona verilməsi qət edilmişdir. Borclu məhkəmə tərəfindən vaxt verildikdən sonra poçt vasitəsi ilə onun adına 300 + 600 + 490 manat olmaqla, ümumilikdə 1390 manat ödəmiş etmişdir. Lakin, həmin pullar poçtun depozit hesabına yığılsa da, həmin pulları oradan götürməmişdir. Borcun tam şəkildə birdəfəyə ödənilməsini istəyir. Borcluya inanmır. Bu ilin sonuna kimi 1800 manatı ödəsə, qalan məbləöin ayda 500 manatdan ödənilməsinə razı ola bilər. Əks təqdirdə borclunun tutulmasını istəyir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında bildirmişdir ki, Tərtər Rayon Məhkəməsinin xx.xx.2024-cü il tarixli icra vərəqəsinə əsasən ondan 6431 manat pulun tutularaq X5 verilməsi qət edilmişdir. Qərarın icrasından boyun qaçırmır, borcu birdəfəyə ödəməyə imkanı yoxdur, “moyka”da işləyi, borcunu hissə-hissə ödəyir. Məhkəmə tərəfindən vaxt verildikdən sonra tələbkarın adına poçt vasitəsi ilə 300 + 600 + 490 manat olmaqla, ümumilikdə 1390 manat ödəmiş etmişdir. Ümumi borcdan bu günə 3177 manat ödəmişdir. Qalan 3338 manat borcunda ödənişini təmin edəcəkdir. İşdə olan Tərtər Rayon Məhkəməsinin e-2(061)-1428/2024 saylı, xx.xx.2024-cü il tarixli icra vərəqəsinə əsasən borclu Şəxs borca görə 6431 manat pul və ödənilmiş 84,31 manat dövlət rüsumunun alınaraq tələbkar X5 verilməsi qət edilmişdir. İşdə olan “icraata başlamaq haqqında” xx.xx.2025-ci il tarixli qərarın təsdiq edilmiş surətindən görünür ki, Tərtər Rayon Məhkəməsinin e-2(061)-1428/2024 saylı, xx.xx.2024cü il tarixli icra vərəqəsi əsasında Tərtər rayon İcra və Probasiya Şöbəsində icra işi başlanmışdır. İşdə olan xx.xx.2025-ci il tarixli, MN ******* saylı inzibati xəta haqqında protokoldan görünür ki, borclu Şəxs Tərtər Rayon Məhkəməsinin e-2(061)-1428/2024 saylı, xx.xx.2024-cü il tarixli tarixli icra vərəqəsini icra etmədiyi üçün barəsində Azərbaycan Respublikasının İXM-in 528.1-1-ci maddəsi ilə inzibati xəta haqqında protokol tərtib edilmişdir. İşdə olan xx.xx.2025 ci il tarxli, xx.xx.2025-ci il tarixli və xx.xx.2025-ci il tarixli ödəniş qabzlərindən görünür ki, borclu Şəxs Tərtər Rayon Məhkəməsinin e-2(061)-1428/2024 saylı, xx.xx.2024-cü il tarixli qərarının icrası ilə əlaqədar xx.xx.2025 ci il tarixdə 300 manat, xx.xx.2025 ci il tarixdə 600 manat və xx.xx.2025-ci il tarixdə 490 manat ödəniş etmişdir. Azərbaycan Respublikası İXM-nin 76.1-ci maddəsinə əsasən inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Beləliklə, məhkəmə araşdırması zamanı icra məmurunun, zərərçəkmiş şəxsin (tələbkarın) və barəsində inzibati xəta haqqında iş üzrə icraat aparılan şəxsin izahatları, məhkəmə iclasında tədqiq edilən inzibati xəta haqqında protokol və işin yuxarıda qeyd edilən digər materialları ilə müəyyən olundu ki, Tərtər Rayon Məhkəməsinin e-2(061)-1428/2024 saylı, xx.xx.2024-cü il tarixli icra vərəqəsinə əsasən borclu Şəxs borca görə 6431 manat pul və ödənilmiş 84,31 manat dövlət rüsumunun alınaraq tələbkar X5 verilməsi qət edilmişdir. İcra sənədi Tərtər rayon İcra və Probasiya şöbəsinə daxil olmuş və icraata başlamaq haqqında qərar qəbul edilmişdir. Borclu icra sənədinin icrasını tam təmin etmədiyi Tərtər Rayon Məhkəməsinin 3(061)-336/2025 saylı, xx.xx.2025-ci il tarixli inzibati xəta haqqında qərarına əsasən 08 gün müddətə inzibati qaydada həbs olunmuşdur. Bu səbəbdən borclunun əməli Azərbaycan Respublikası İXM-nin 528.1-1-ci maddəsi il tövsif olunaraq barəsində həmin maddə ilə inzibati xəta haqqında protokol tərtib edilərək baxılması üçün məhkəməyə göndərilmişdir. Məhkəmə iclasında borclu Şəxs sözügedən icra sənədinin icrasından boyun qaçırması müəyyən olunmamışdır. Əksinə borclu Şəxs məhkəmə tərəfindən vaxt verildikdən sonra xx.xx.2025 ci il tarixdə 300 manat, xx.xx.2025 ci il tarixdə 600 manat və xx.xx.2025-ci il tarixdə 490 manat, ümumilikdə 1390 manat ödəniş etmişdir. Qalan borc məbləğinin də ödənişini təmin edəcəyini bildirmişdir. Azərbaycan Respublikası İXM-nin 53.0.2-ci maddəsinə görə şəxsin hərəkətində inzibati xəta tərkibi olmadıqda inzibati xətalar haqqında işlər üzrə icraat başlana bilməz, başlanmış icraata isə xitam verilməlidir. Həmin Məcəllənin 114.2.1-ci maddəsinə əsasən inzibati xəta haqqında iş üzrə icraata xitam verilməsi haqqında qərar bu Məcəllənin 53-cü maddəsində nəzərdə tutulan hallardan biri mövcud olduqda çıxarılır. Şəxs təqsirli bilindiyi maddənin dispozisiya və sanksiya şərtlərindən aydın olur ki, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyətə cəlb olunur. İşin yuxarıda müəyyən olunmuş hallarından göründüyü kimi Şəxs məhkəmə tərəfindən verilən müddət ərzində ümumilikdə 1390 manatını ödəmiş, qalan məbləğin də ödənişini təmin edəcəyinə söz vermişdir. Belə olan təqdirdə məhkəmə hesab edir ki, Şəxs hərəkətlərində inzibati xəta tərkibi mövcud deyildir. Ona görə də, onun barəsində inzibati xəta haqqında işin icratına xitam verilməlidir. Azərbaycan Respublikasının Kostitusiyasının 60-cı maddəsinin İ-ci hissəsinə görə hər kəsin hüquq və azadlıqlarının inzibati qaydada və məhkəmədə müdafiəsinə təminat verilir. Azərbaycan Respublikası Konstitusiyasının 71-ci maddəsinin İ-ci hissəsinə görə vətəndaşların hüquq və azadlıqlarını gözləmək və qorumaq qanunverici, icra və məhkəmə orqanlarının borcudur. Azərbaycan Respublikası İXM-nin 128.1-ci maddəsinə görə barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 130.1-ci maddəsinə görə bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1-57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Həmin Məcəllənin 137.2-ci maddəsinə görə inzibati xəta haqqında iş üzrə qərardan şikayət və ya protest üzrə hakim (vəzifəli şəxs) tərəfindən qəbul edilmiş qərardan bu Məcəllənin 130-cu maddəsində nəzərdə tutulmuş müddətdə şikayət verilə bilər. Beləliklə, məhkəmə yuxarıda qeyd olunanlara əsaslanaraq və Azərbaycan Respublikası İXM-nin 53.0.2, 114, 128-130, 137-ci maddələrini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-1-ci maddəsi ilə təqsirləndirilməsinə dair inzibati xəta haqqında 3(061)-780/2025 saylı işin icraatına xitam verilsin. Qərardan rəsmi qaydada verildiyi vaxtdan 10 gün müddətində Tərtər Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. HAKİM : TAHİR QUBADOV