Tərtər Rayon Məhkəməsi Qərar — İş №3(061)-934/2025

Azərbaycan Respublikası adından QƏRAR Tərtər rayonu İş № 3(061)-934/2025 22.01.2026 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, X5 oğlunun katibliyi, İcra sənədi üzrə tələbkar X1, Tərtər Rayon İcra və Probasiya Şöbəsinin böyük icra məmuru X3, barəsində inzibati xəta haqqında icraat aparılan şəxs Şəxs iştirakları ilə, xx.xx.1979-cu ildə Tərtər rayonu Ələssgərli kəndində anadan olmuş, Azərbaycan Respublikası vətəndaşı, orta təhsilli, işləməyən, subay, deməsinə görə əvvəllər məhkum olunmamış, inzibati qaydada həbs olunmamış, əlilliyi olmayan, Tərtər rayonu Ələsgərli kəndində qeydiyyaytda olan Şəxs barəsində Tərtər Rayon İcra və Probasiya Şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş inzibati xəta haqqında protokola açıq məhkəmə iclasında baxaraq, MÜƏYYƏNETDİ: Tərtər Rayon Məhkəməsinin 26 aprel 2024-cü il tarixli 2(061)-120/2024 saylı icra sənədinə əsasən borclu Şəxs bir uşağın saxlanılması üçün hər ay 200 manat aliment və ödənilmiş mediasiya xərxinə görə 50 manat pul tələbkar X2 verilməlidir. Borclu icra sənədinin icrası ilə əlaqədar Tərtər rayon İcra və Probasiya Şöbəsinin icra məmurunun qanuni tələblərinə qəsdən tabe olmamış, icra sənədinin tələblərinə məhəl qoymaraq borcunu ödəməkdən boyun qaçırmış, bununla da borcunu ödəməkdən yayınmışdır. Bu hərəkətləri ilə Şəxs məhkəmənin qanuni qüvvəyə minmiş icra sənədinin icrası ilə əlaqədar icra məmurunun qanuni tələblərini yerinə yetirməyərək və icra sənədini üzrsüz səbəbdən icra etməyərək Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün izahatı və işdə olan sənədlərlə təsdiq olunmuşdur. Məhkəmə iclasında barəsində inzibati icraat aparılan şəxs Şəxs izahatında göstərdi ki, Tərtər Rayon Məhkəməsinin 26 aprel 2024-cü il tarixli 2(061)-120/2024 saylı icra sənədinə əsasən borclu Şəxs bir uşağın saxlanılması üçün hər ay 200 manat aliment və ödənilmiş mediasiya xərxinə görə 50 manat pul tələbkar X2 verilməlidir. Tələbkara ümumilikdə 3310 manat aliment borcundan məhkəmə tərəfindən borcunun ödənilməsi üçün iki dəfə ona möhlət verilsə də həmin borcdan cəmi 125 manat ödəniş edə bilmişdir. Məhkəmə tərəfindən təkrarən ona möhlət verilsə belə həmin borc məbləğini nə tam, nə də yarısını belə ödəyə bilməyəcəkdir, mart ayında imkanı olsa ödəyəcəkdir. Maddi vəziyyətinin ağır olması və işləmədiyinə görə borcunu ödəyə bilməmişdir. Hazırda borcunu ödəməyə imkanı yoxdur. Məhkəmədən onun barəsində yüngül inzibati tənbeh təyin edilməsini xahiş etmişdir. İcra sənədi üzrə tələbkar X4 məhkəmə iclası zamanı izahatında göstərmişdir ki, Tərtər Rayon Məhkəməsinin 26 aprel 2024-cü il tarixli, 2(061)-120/2024 saylı icra sənədinə əsasən borclu Şəxs tələbkar kimi ona 3310 (üç min üç yüz on) manat aliment borcu alınaraq verilməlidir. Lakin hazırki vaxta kimi Şəxs ona 125 manat ödəniş etmişdir. Özü xəstə adamdır, pula ehtiyacı vardır. Ona görə də Şəxs aliment borcunu tələb edir, o isə ona mart ayında ödəyəcəyini bildirir. Ona görə də Şəxs aliment borcunun ödənilməsini tələb etmiş əks halda borclu Şəxs barəsində qanuna müvafiq qaydada qərar qəbul edilməsini məhəmədən xahiş etmişdir. Tərtər rayon İcra və Probasiya Şöbəsinin icra məmuru X6 məhkəmə iclası zamanı inzibati xəta haqqında protokolun dəlillərini müdafiə edərək izahatında göstərdi ki, Tərtər Rayon Məhkəməsinin 26 aprel 2024-cü il tarixli 2(061)-120/2024 saylı icra sənədinə əsasən borclu Şəxs tələbkar X2 3310(üç min üç yüz on) manat aliment borcu alınaraq verilməlidir. Bu hərəkətləri ilə Şəxs məhkəmənin qanuni qüvvəyə minmiş icra sənədinin icrası ilə əlaqədar icra məmurunun qanuni tələblərini yerinə yetirməyərək və icra sənədini üzrsüz səbəbdən icra etməyərək Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Borclu Şəxs dəfələrlə bildiriş və xəbərdarlıqlar göndərilməsinə baxmayaraq, o üzərinə düşən öhdəliyi ödəməkdən yayınmışdır. Borclu bir neçə dəfə icra şöbəsinə dəvət edilərək borcunu ödəməsi tələb olunmuş, lakin hazırki vaxtadək borcunu ödəməmişdir. Hazırda borclu Şəxs aliment borcunun ödənilməsi barədə məhkəmə tərəfindən də ona iki dəfə möhlət verilsə belə yenə də aliment borcunu ödəməmişdir. Şəxs davranışı o nəticəyə gəlməyə əsas verir ki, o borcunu qəsdən ödəmir, bundan yayınır və icra məmurunun tələblərinə qəsdən tabe olmur. Ona görə də hazırki protokolla məhkəməyə müraciət etmək məcburiyyətində qalmışdır. Protokolun dəlillərini müdafiə edir və borclu haqqında qanuni tədbir görülməsini məhkəmədən xahiş etmişdir. İş materiallarında olan Tərtər Rayon Məhkəməsinin 26 aprel 2024-cü il tarixli 2(061)-120/2024 saylı icra sənədindən görünür ki, borclu Şəxs bir uşağın saxlanılması üçün hər ay 200 manat aliment və ödənilmiş mediasiya xərxinə görə 50 manat pul tələbkar X2 verilməlidir. İş materiallarında olan bildiriş və xəbərdarlıqın təsdiq olunmuş surətlərindən görünür ki, icra orqanı borcludan icra sənədində göstərilən tələbi icra etməyi tələb etmiş, əks halda məsuliyyət daşıyacağı barədə ona xəbərdarlıq edilmişdir. Beləliklə, icra orqanının nümayəndəsinin, borclunun izahatları, eləcə də icra materialları ilə müəyyən edilir ki, Tərtər Rayon Məhkəməsinin 26 aprel 2024-cü il tarixli 2(061)-120/2024 saylı icra sənədinə əsasən borclu Şəxs bir uşağın saxlanılması üçün hər ay 200 manat aliment və ödənilmiş mediasiya xərxinə görə 50 manat pul tələbkar X2 verilməlidir. Borclunun tələbkara 3310 manat aliment borcu qalmışdır. Məhkəmə tərəfindən aliment borcunun ödənilməsi üçün ona iki dəfə möhlət verilsə belə aliment borcunu ödəməmişdir. Borclu icra sənədinin icrası ilə əlaqədar Tərtər rayon İcra və Probasiya Şöbəsinin icra məmurunun qanuni tələblərinə qəsdən tabe olmamış, icra sənədinin tələblərinə məhəl qoymaraq borcunu ödəməkdən boyun qaçırmış, bununla da borcunu ödəməkdən yayınmışdır. Ona görə də məhkəmə hesab edir ki, Şəxs hərəkətlərində Azərbaycan Respublikası İXM-in 528.1-ci maddəsinin tərkibi vardır və o, həmin maddə üzrə inzibati xəta törətməkdə təqsirli bilinməli və ona həmin maddənin sanksiyasında nəzərdə tutulmuş inzibati tənbeh verilməlidir. Məhkəmə, xətanın xarakterini, inzibati xəta törətmiş şəxsin şəxsiyyətini, nəzərə alaraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsinin sanksiyasında nəzərdə tutulmuş «həbs» inzibati tənbehinin təyin edilməsi törədilmiş inzibati xətanın xarakterinə və dərəcəsinə uyğundur. Göstərilənlərə əsasən və Azərbaycan Respublikası İnzibati Xətalar Məcəlləsinin 528, 114, 128-130-cu maddələrini rəhbər tutaraq, QƏRARAALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, barəsində 08 (səkkiz) gün müddətinə «həbs» inzibati tənbehi tətbiq edilsin. Həbsin əvvəli 22 yanvar 2026-cı il tarixdən saat 13:20-dən hesablansın. Qərar dərhal icra edilsin. Qərarın icrası Tərtər Rayon Polis Şöbəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Sədirlik edən: Kamil Rzayev