Tovuz Rayon Məhkəməsi Qərar — İş №3(062)-14/2024

Azərbaycan Respublikası adından QƏRAR Tovuz rayon İş № 3(062)-14/2024 22.01.2024 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi, İsayev Emin Arif oğlunun katibliyi ilə, Şəxs MMC-nin Azərbaycan Respublikası İnzibati Xətalar Məcəlləsinin 483-cü maddəsi ilə inzibati xəta törətməsinə dair Azərbaycan Respublikası Dövlət Gömrük Komitəsinin Tovuz Gömrük İdarəsindən daxil olmuş materiala məhkəmənin inzibati binasında, açıq məhkəmə iclasında baxaraq, MÜƏYYƏN ETDİ: Qazax rayonu Daş Salahlı kəndində qeydiyyatda olan Şəxs MMC tərəfindən xx.xx.2023-cü il tarixli **********9923 saylı gömrük bəyənnaməsi üzrə Gürcüstan Respublikasına göndərilən yükün müqabilində ödənilməli olan valyuta vəsaitini təyin olunmuş müddət ərzində bank hesabına köçürülməsini təmin etməmişdir. Belə ki, Şəxs MMC tərəfindən 15 may 2023-cü il tarixli **********9923 saylı gömrük bəyənnaməsi üzrə Gürcüstan Respublikasına göndərilən “portland sement” yükünün müqabilində ödənilməli olan 1597,95 ABŞ dolları məbləğində valyuta vəsaitinin təyin olunmuş müddət ərzində müvəkkil bank hesabına köçürülməsini təmin etməmiş və bununla da qeyd olunan hüquqi şəxs tərəfindən qanunvericiliyin tələbləri pozulmuşdur. Hüquqi şəxs konsiqnasiya yolu ilə ixrac etdiyi malların müqabilində vəsaitlərin onların bəyan olunduğu gündən 180 gün ərzində Azərbaycan Respublikasındakı müvəkkil bankda olan hesaba köçürülməsini təmin etməməşdir. Bununla da, Şəxs MMC Azərbaycan Respublikasının İnzibati Xətalar Məcəlləsinin 483-cü maddəsində nəzərdə tutulmuş inzibati xətanı törətmişdir. Bu barədə xx.xx.2023-cü il tarixli 00200-03104/23 nömrəli inzibati xəta haqqında protokol tərtib olunmuş, Şəxs MMC-yə göndərilmişdir. Barəsində inzibati xəta haqqında iş üzrə icraat aparılan Şəxs MMC-yə məhkəmə iclasının vaxtı və yeri barədə məlumat verilməsinə baxmayaraq, hüquqi şəxs nümayəndəsinin məhkəmə iclasında iştirakını təmin etməmiş və məhkəmə işə barəsində inzibati xəta haqqında icraat aparılan hüquqi şəxsin nümayəndəsinin iştirakı olmadan baxılmasını mümkün hesab etmişdir. İş materiallarına əlavə edilmiş Dövlət Gömrük Komitəsinin Tovuz Ərazi Gömrük İdarəsinin əməkdaşları tərəfindən tərtib olunmuş xx.xx.2023-cü il tarixli 00200-03104/23 nömrəli inzibati xəta haqqında protokoldan görünür ki, Şəxs MMC tərəfindən gömrük qanunvericiliyi ilə müəyyən edilmiş konsiqnasiya yolu ilə ixrac etdiyi malların müqabilində vəsaitlərin onların bəyan olunduğu gündən 180 gün ərzində Azərbaycan Respublikasındakı müvəkkil bankda olan hesaba köçürülməsini təmin etməməşdir. Azərbaycan Respublikası İnzibati Xətalar Məcəlləsinin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Şəxs MMC-yə tənbeh tətbiq edərkən törədilmiş inzibati xətanın xarakterini, maliyyə və əmlak vəziyyəti, habelə məsuliyyəti yüngülləşdirən və ağırlaşdıran halların olmadığını nəzərə alıb hesab edirəm ki, hüquqi şəxs barəsində Azərbaycan Respublikası İnzibati Xətalar Məcəlləsinin 483-cü maddəsinin sanksiyası həddində tənbeh tətbiq edilməlidir. Şərh olunanlara əsasən Azərbaycan Respublikası İnzibati Xətalar Məcəlləsinin 40, 43,48-51, 115, 128-130-cu maddələrini rəhbər tutub, QƏRARA ALDİ: Şəxs MMC Azərbaycan Respublikası İnzibati Xətalar Məcəlləsinin 483-cü maddəsi ilə təqsirli bilinərək inzibati xətanın bilavasitə obyekti olmuş valyuta vəsaiti olan 1597,95 (min beş yüz doxsan yeddi dollar doxsan beş sent) ABŞ dollarının otuz faizi məbləğində (icra olunduğu günə Azərbaycan manatına məzənnə nisbət ilə) xarici valyutanın dəyərinin otuz faizi məbləğində cərimə edilsin. Qərarın surəti təqdim edildiyi və ya alındığı gündən 10 gün müddətində Gəncə Apellyasiya məhkəməsinə şikayət verilə bilər. Sədrlik edən Qafil Baxşıyev