Tovuz Rayon Məhkəməsi Qərar — İş №3(062)-18/2023

Azərbaycan Respublikası adından QƏRAR Tovuz rayon İş № 3(062)-18/2023 25.01.2023 TOVUZ RAYON MƏHKƏMƏSİ Hakim Hünmətov Zaur Adil oğlunun sədrliyi Məhkəmə iclasının katibi Mustafayev Əli Nazim oğlunun katibliyi Protokol tərtib etmiş Azərbaycan Respublikası Qida X2 Regional Bölməsinin nümayəndəsi X1 Barəsində inzibati xəta haqqında iş üzrə icraat aparılan şəxs Şəxs iştirakları ilə Şəxs barəsində Azərbaycan Respublikasının İXM-nin 602.4-cü maddəsində nəzərdə tutulmuş inzibati xətanı törətməsinə dair Azərbaycan Respublikası Qida X2 Regional Bölməsindən daxil olmuş inzibati xəta haqqında materiala baxaraq, Müəyyən etdi: Azərbaycan Respublikası Qida X2 Regional Bölməsindən daxil olmuş inzibati xəta haqqında materiala əsasən xx.xx.2022-ci il tarixdə Tovuz rayonu Əyyublu kəndində yerləşən Şəxs məxsus ərzaq mağazasında yoxlama aparılması üçün zəruri olan sənədləri (VÖEN, şəxsiyyət vəsiqəsi) yoxlamaya təqdim etməmiş, yoxlama tədbirinin keçirilməsinə maneçilik törətməklə yaranan suallarla bağlı hər-hansı yazılı və ya şifahi izahat verməmişdir. Bu barədə Azərbaycan Respublikası Qida X2 Regional Bölməsinin aparıcı məsləhətçisi X4 tərəfindən xx.xx.2022-ci il tarixdə, MN ******* nömrəli inzibati xəta haqqında protokol tərtib edilmişdir. Məhkəmə iclasında Azərbaycan Respublikası Qida X2 Regional Bölməsinin aparıcı məsləhətçisi X4 bildirmişdir ki, Qida X2 Regional Bölməsinin xx.xx.2022-ci il tarixli qərarına əsasən Şəxs oğluna məxsus olan Tovuz rayonu Əyyublu kəndində fəaliyyət göstərən ərzaq mağazasında xx.xx.2022 - xx.xx.2022-ci il tarixlərində plandankənar (növbədənkənar) yoxlamanın həyata keçirilməsi nəzərdə tutulmuşdur. Yoxlamanın aparılması üçün Şəxs yoxlamaya aid sənədlər tələb edilmiş, lakin sonuncu lazım olan sənədləri təqdim etməmiş, bu barədə hər-hansı izahat verməkdən imtina etmişdir. Yoxlama tədbirinin keçirilməsi ilə bağlı Şəxs oğluna hüquq və vəzifələri izah olunmasına baxmayaraq, yoxlamanın səhəri gün keçirilməsini tələb etmişdir. Səhəri gün, yəni xx.xx.2022-ci il tarixdə Şəxs yoxlamanın aparılması üçün lazım olan sənədləri təqdim etmiş, lakin həmin vaxt sonuncunun barəsində inzibati protokol tərtib edilmişdir. Odur ki, iş üzrə qanuni qərar qəbul edilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan Şəxs izahat verərək bildirmişdir ki, xx.xx.2022-ci il tarixdə Qida X2 Regional Bölməsinin əməkdaşları ona məxsus ərzaq mağazasına gəlmiş, yoxlamanın aparılması haqqında qərarı ona təqdim etmişlər. Bölmənin əməkdaşları ondan yoxlamanın aparılması üçün lazım olan sənədləri tələb etmişlər, o isə sənədlərin orada olmadığını, səhəri gün təqdim edə biləcəyini bildirmişdir. O, səhəri gün, yəni xx.xx.2022-ci il tarixdə yoxlamanın keçirilməsi üçün zəruri olan sənədləri bölmənin əməkdaşlarına təqdim etmiş və izahat vermişdir. Bununla da o, yoxlamanın aparılması ilə bağlı heç bir nöqsana yol verməmişdir. Məhkəmədən göstərilənləri nəzərə alıb barəsində olan inzibati xəta haqqında iş üzrə icraata xitam verilməsini xahiş etdi. xx.xx.2022-ci il tarixli sahibkarlıq sahəsində aparılan yoxlamaların vahid məlumat reyestrindən çıxarışdan görünür ki, Şəxs məxsus Tovuz rayonu Əyyublu kəndində fəaliyyət göstərən ərzaq mağazasında plandankənar (növbədənkənar) yoxlamanın keçirilməsi vahid məlumat reyestrində qeydə alınmışdır. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 84-cü maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 75-ci maddəsində göstərildiyi kimi, inzibati xətalar haqqında işlərin icraatı üzrə inzibati xəta hadisəsi (inzibati xəta törədilmişdirmi), inzibati xəta törətməkdə şəxsin təqsiri və s. müəyyən edilməlidir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 109.2-ci maddəsinə əsasən bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Həmin Məcəllənin 53.0-cı maddəsinə əsasən inzibati xəta hadisəsi olmadıqda; inzibati xəta tərkibi olmadıqda; şəxs son zərurət vəziyyətində hərəkət etdikdə; şəxs zəruri müdafiə vəziyyətində hərəkət etdikdə; inzibati məsuliyyət müəyyən edən normativ hüquqi akt ləğv olunduqda; bu Məcəllənin 38-ci maddəsində nəzərdə tutulmuş müddətlər başa çatdıqda; barəsində inzibati xəta haqqında iş üzrə icraat aparılan şəxsə aid eyni fakt üzrə inzibati tənbeh etmək haqqında hakimin, səlahiyyətli orqanın (vəzifəli şəxsin) qərarı olduqda, yaxud inzibati xəta haqqında işə xitam verilməsi barəsində ləğv edilməmiş qərar olduqda, habelə həmin fakt üzrə cinayət işi başlamaq haqqında qərar olduqda; barəsində inzibati xəta haqqında iş üzrə icraat aparılan şəxs öldükdə; Bu Məcəllənin 157 və 158-ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda; bu Məcəllənin 227-ci maddəsində nəzərdə tutulan inzibati xətanı törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda; bu Məcəllənin 122.1-ci maddəsində nəzərdə tutulmuş xəta haqqında elektron qərar real vaxt rejimində tərtib olunmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Beləliklə, məhkəmə iclasında müəyyən edilmişdir ki, Azərbaycan Respublikası Qida X2 Regional Bölməsinin xx.xx.2022-ci il tarixli qərarına əsasən Tovuz rayonu Əyyublu kəndində yerləşən Şəxs məxsus ərzaq mağazasında xx.xx.2022-ci il tarixdə yoxlama aparılması üçün zəruri olan sənədlər (VÖEN, şəxsiyyət vəsiqəsi) tələb edilmiş, sonuncu isə həmin sənədlərin mağazada olmadığını, səhəri gün verə biləcəyini bildirmişdir. Qeyd olunan tarixdə, yəni xx.xx.2022-ci il tarixdə Şəxs yoxlamanın keçirilməsi üçün zəruri olan sənədləri bölmənin əməkdaşlarına təqdim etmiş və izahat vermişdir. Qeyd edilənlərə əsasən məhkəmə hesab edir ki, Şəxs əməlində Azərbaycan Respublikası İXM-nin 602.4-cü maddəsində nəzərdə tutulmuş inzibati xəta tərkibi olmadığından onun barəsində başlanmış icraata xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 115, 128-130-cu maddələrini rəhbər tutaraq Q ə r a r a a l d ı: Şəxs tərəfindən Azərbaycan Respublikası İnzibati Xətalar Məcəlləsinin 602.4-cü maddəsində nəzərdə tutulmuş inzibati xətanın törədilməsinə dair iş üzrə icraata xitam verilsin. Qərardan surəti təqdim edildiyi və ya alındığı gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Hakim Zaur Hünmətov