Tovuz Rayon Məhkəməsi Qərar — İş №3(062)-197/2024

Azərbaycan Respublikası adından QƏRAR Tovuz rayon İş № 3(062)-197/2024 28.03.2024 TOVUZ RAYON MƏHKƏMƏSİ Hakim Hünmətov Zaur Adil oğlunun sədrliyi, Məhkəmə iclasının katibi Həmzəli Nərminə Ruslan qızının katibliyi, Protokol tərtib etmiş Tovuz rayon X6 Təhlükəsizlik Bölməsinin sahə rəisi, polis leytenantı X2, Barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs X3 iştirakları ilə xx.xx.1986-cı ildə Tovuz rayonunda anadan olmuş, Azərbaycan Respublikası vətəndaşı, subay, orta təhsilli, işsiz, öz deməsinə görə əvvəllər məhkum olunmuş və əlilliyi olmayan, ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin 232-1-ci maddəsi ilə nəzərdə tutulmuş inzibati xətanı törətməsinə dair Tovuz rayon Polis Şöbəsi tərəfindən daxil olmuş inzibati xəta haqqında protokola açıq məhkəmə iclasında baxaraq, məhkəmə Müəyyən etdi: Tovuz rayon X6 Təhlükəsizlik Bölməsinin sahə rəisi, polis leytenantı X4 tərəfindən Şəxs barəsində Azərbaycan Respublikası İnzibati Xətalar Məcəlləsinin 232-1-ci maddəsi ilə nəzərdə tutulmuş inzibati xətanı törətməsi barədə xx.xx.2024cü il tarixli, MN ******* saylı protokol tərtib edilərək Tovuz Rayon Məhkəməsinə təqdim edilmişdir. Protokolda qeyd olunmuşdur ki, Şəxs xx.xx.2024-cü il tarixdə saat 14 radələrində Tovuz şəhəri Semzavod qəsəbəsində X1 yaşadığı evin pəncərəsinin şüşələrini qəsdən sındıraraq sonuncuya 100 (bir yüz) manat məbləğində maddi ziyan vurmuşdur. Məhkəmə iclasında Tovuz rayon X6 Təhlükəsizlik Bölməsinin sahə rəisi, polis leytenantı X4 tərtib etdiyi protokolu müdafiə edərək göstərdi ki, barəsində inzibati icraat aparılan şəxs inzibati məsuliyyətə cəlb olunmalıdır. Belə ki, o, xx.xx.2024-cü il tarixdə saat 14 radələrində Tovuz şəhəri Semzavod qəsəbəsində X1 yaşadığı evin pəncərəsinin şüşələrini qəsdən sındıraraq sonuncuya 100 (bir yüz) manat məbləğində maddi ziyan vurmuşdur. Hesab edir ki, Şəxs əməlində Azərbaycan Respublikası İnzibati Xətalar Məcəlləsinin 232-1-ci maddəsinin tərkib əlamətləri vardır. Hazırda zərərçəkmişə vurduğu zərəri tam şəkildə ödəmişdir. Ona görə də iş üzrə qanuni qərar çıxarılmasını xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirdi ki, özünü təqsirli bilir. Əməlindən səmimi peşmançılıq hissi keçirir. Zərərçəkmişə dəymiş ziyanı tam şəkildə ödəmiş və zərərçəkmişlə barışmışdır. Törətdiyi əməlindən səmimi peşman olmasını, zərərçəkmiş şəxsə dəymiş ziyanı tamamilə ödəməsini və sonuncu ilə barışmasını nəzərə alıb, həmin iş üzrə icraata xitam verilməsini xahiş etdi. Zərərçəkmiş şəxs X5 məhkəmə iclasında verdiyi izahatında göstərdi ki, o, Tovuz şəhəri Semzavod qəsəbəsində Zeynəb adlı şəxsə məxsus evdə kirayədə yaşayır. xx.xx.2024-cü il tarixdə saat 14 radələrində qeyd olunan evdə olarkən əvvəllər tanıdığı Şəxs qəsdən evin pəncərəsinin şüşələrini sındıraraq ona 100 (bir yüz) manat məbləğində maddi ziyan vurmuşdur. Hazırda Şəxs ona dəymiş ziyanı tamamilə ödəmiş və onunla barışmışdır. Ona görə də məhkəmədən onun Şəxs ilə barışmasını və ona dəymiş ziyanın tamamilə ödənilməsini nəzərə alıb həmin iş üzrə icraata xitam verilməsini xahiş etdi. Məhkəmə inzibati xəta haqqında işin materiallarını tədqiq edərək, inzibati xəta haqqında protokolu tərtib etmiş şəxsi, barəsində inzibati xəta haqqında icraat aparılan şəxsi və zərərçəkmiş şəxsi dinləyərək hesab edir ki, inzibati xəta haqqında iş üzrə icraata xitam verilməlidir. İşə əlavə edilən xx.xx.2024-cü il tarixli cinayət işinin başlanmasının rədd edilməsi barədə qərardan görünür ki, Şəxs əməlində cinayət tərkibi olmadığından barəsində cinayət işinin başlanması rədd edilmiş və onun barəsində Azərbaycan Respublikası İXM-nin 232-1-ci maddəsi ilə inzibati icraat açılması üçün qərarın surəti Tovuz RPŞ-nin İTB-yə göndərilmişdir. İşə əlavə edilən zərərçəkmiş şəxs X3 ərizəsindən görünür ki, o, Şəxs ilə barışmış, onun sonuncudan heç bir şikayət və tələbi qalmamışdır. Azərbaycan Respublikası İXM-nin 39.2-ci maddəsinə əsasən, bu Məcəllənin 227, 232-1-ci və 351-1-ci maddələrində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda inzibati iş üzrə icraata xitam verilir. Həmin Məcəllənin 53.1.10-cu maddəsinə əsasən, bu Məcəllənin Xüsusi hissəsinin müvafiq maddələrinin Qeyd hissələrində bilavasitə müəyyən edilmiş hallarda inzibati xətanı törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.2 və 114.2.1-ci maddələrinə əsasən, bu Məcəllənin 53cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Məhkəmə iclasında müəyyən edildi ki, inzibati qaydada işinə baxılan Şəxs zərərçəkmiş şəxs X5 ilə barışmış və ona dəymiş ziyanı tamamilə ödəmişdir. Ona görə də məhkəmə hesab edir ki, iş üzrə icraata xitam verilməlidir. Məhkəmə şərh olunanlara əsaslanaraq və Azərbaycan Respublikası İnzibati Xətalar Məcəlləsinin 39, 40, 43, 53, 114, 115 və 128-130-cu maddələrini rəhbər tutaraq, Q ə r a r a a l d ı: İnzibati xəta törətmiş Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə olan inzibati xəta haqqında iş üzrə icraata xitam verilsin. Qərardan surəti təqdim edildiyi və ya alındığı gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Hakim Zaur Hünmətov