Tovuz Rayon Məhkəməsi Qərar — İş №3(062)-412/2025

Azərbaycan Respublikası adından QƏRAR Tovuz rayon İş № 3(062)-412/2025 05.06.2025 TOVUZ RAYON MƏHKƏMƏSİ Hakim Hacıyev Süleyman Aslan oğlunun sədrliyi, məhkəmə iclasının katibi Həsənov Tural Leysan oğlunun katibliyi, Tovuz rayon İcra və Probasiya şöbəsinin böyük icra məmuru X4, barəsində inzibati xəta haqqında iş üzrə icraat aparılan şəxs Şəxs və X1nın iştirakı ilə, xx.xx.1984-cü il tarixdə Tovuz rayonunda doğulmuş, Azərbaycan Respublikası vətəndaşı, evli, orta təhsilli, öz deməsinə görə məhkumluğu olmayan, əlilliyi olmayan, Tovuz rayonu Göyəbaxan kəndində yaşayan Şəxs (FİNxxxxxxx) barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair Tovuz rayon İcra və Probasiya şöbəsi tərəfindən daxil olmuş inzibati xəta haqqında protokola məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Tovuz rayon İcra və Probasiya şöbəsinin icra məmuru X6 tərəfindən Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsi barədə 05 iyun 2025-ci il tarixli, MN ******* saylı protokol tərtib edilərək Tovuz Rayon Məhkəməsinə təqdim edilmişdir. Protokolda qeyd olunmuşdur ki, Şəxs Tovuz Rayon Məhkəməsinin 2(062)-1397/2021 saylı, xx.xx.2021-ci il tarixli icra sənədindən qərəzli olaraq boyun qaçırırmış, bununlada Azərbaycan Respublikası İnzibati Xətalar Məcəlləsinin 528.1-ci maddəsinin tərkibini yaratmışdır. Məhkəmə iclasında Tovuz rayon İcra və Probasiya şöbəsinin icra məmuru X6 bildirdi ki, Şəxs Tovuz Rayon Məhkəməsinin 2(062)-1397/2021 saylı, xx.xx.2021-ci il tarixli icra sənədi üzrə yaranmış 2171 manat məbləğdə borcu ödəməkdən boyun qaçırır. X1 şikayətçidir. Qeyd edilənlərə əsasən, məhkəmədən qanunamuvafiq qərar qəbul etməsini xahiş edir. Məhkəmə iclasında X1 bildirdi ki, əvvəllər Şəxs ilə evli olublar, evli olduqları müddətdə 10 yanvar 2012-ci il təvəllüdlü Səbuhi adlı uşaqları dünyaya gəlmişdir. 02 iyul 2021-ci ildə Şəxs ilə ayrıldıqlarını, övladı Səbuhinin anası ilə qaldığını, Tovuz Rayon Məhkəməsinin 2(062)-1397/2021 saylı icra vərəqəsinə əsasən Şəxs hər ay 130 manat tutularaq X3 verilməsi qət edildiyini bildirmişdir. Lakin Şəxs Tovuz Rayon Məhkəməsinin qətnaməsini lazımi qaydada icra etmədiyini və nəticədə 2171 manat borcunun yarandığını, tələbkarın isə uşağa baxmağa çətinlik çəkdiyini bildirdi. Qeyd edilənlərə əsasən, məhkəmədən qanunamuvafiq qərar qəbul etməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirdi ki, maddi vəziyyəti yaxşı olmadığına görə borcunu ödəyə bilmir. Vaxt veriləcəyi təqdirdə borcunu ödəyəcəyinə dair söz verir. Qeyd olunanlara əsasən, məhkəmədən barəsində başlanılmış inzibati xəta üzrə icraata xitam verilməsini xahiş etdi. İş materiallarında olan və məhkəmə baxışında tədqiq olunmuş: Tovuz Rayon Məhkəməsinin 2(062)-1397/2021 saylı, xx.xx.2021-ci il tarixli icra sənədinə əsasən, borclu Şəxs hər ay 130 manat məbləğdə aliment borcu X1na ödənilməsi qət edilmişdir. Məhkəmə inzibati xəta haqqında işin materiallarını və icra işini tədqiq edərək, inzibati xəta haqqında protokolu tərtib etmiş icra məmurunu, habelə barəsində inzibati xəta haqqında icraat aparılan şəxsi və tələbkarı dinləyərək hesab edir ki, toplanmış sübutlarla Şəxs inzibati xətanı törətməkdə təqsiri sübuta yetir və onun törətdiyi əməl Azərbaycan Respublikası İnzibati Xətalar Məcəlləsinin 528.1-ci maddəsi ilə düzgün tövsif olunmuşdur. Şəxs məsuliyyətini ağırlaşdıran və yüngülləşdirən hallar müəyyən edilməmişdir. Beləliklə, borclu Şəxs hərəkətində Azərbaycan Respublikası İnzibati Xətalar Məcəlləsinin 528.1-ci maddəsinin tərkibi vardır və o, həmin maddədə nəzərdə tutulmuş inzibati məsuliyyətə cəlb olunmalıdır. Borclu Şəxs törətdiyi inzibati xətanın xarakterini, onun şəxsiyyətini, işin sair hallarını nəzərə alaraq məhkəmə hesab edir ki, cərimə növündə inzibati tənbeh tədbirinin tətbiqi inzibati tənbehin Azərbaycan Respublikası İnzibati Xətalar Məcəlləsinin 21-ci maddəsində nəzərdə tutulmuş məqsədləri baxımından zəruri hesab olunmalı, onun barəsində inzibati cərimə tənbeh növü seçilməli və 500 manat məbləğində cərimə edilməlidir. Məhkəmə şərh olunanlara əsaslanaraq və Azərbaycan Respublikası İnzibati Xətalar Məcəlləsinin 40, 43, 53, 114, 115 və 128-130-cu maddələrini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanın törədilməsində təqsirli bilinib 500 (beş yüz) manat məbləğdə cərimə edilsin. Qərardan surəti təqdim edildiyi və ya alındığı gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Hakim Süleyman Hacıyev