Tovuz Rayon Məhkəməsi Qərar — İş №3(062)-441/2023

Azərbaycan Respublikası adından QƏRAR Tovuz rayon İş № 3(062)-441/2023 07.06.2023 TOVUZ RAYON MƏHKƏMƏSİ Məhkəmənin hakimi Baxşıyev Qafil Yavər oğlunun sədrliyi, İsayev Emin Arif oğlunun katibliyi ilə Şəxs – xx.xx.1995-ci ildə anadan olmuş, Azərbaycan Respublikasının vətəndaşı, Tovuz rayonu Alakol kəndində qeydiyyatda olan Barəsində Azərbaycan Respublikası DİN-in Tovuz Rayon Polis Şöbəsindən daxil olmuş inzibati xəta haqqında materiala baxaraq, məhkəmə MÜƏYYƏN ETDİ: Şəxs 21 dekabr 2022-ci il tarixdə saat 19:13-də « TOYOTA COROLLA » minik markalı **-NL-*** dövlət qeydiyyat nişanlı avtomobili idarə edərkən «Yol hərəkəti haqqında» Azərbaycan Respublikası Qanununun müvafiq maddəsinin tələbini pozaraq barəsində tərtib edilmiş inzibati qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan qərarı icra etməmişdir. Baş vermiş inzibati xəta ilə əlaqədər Şəxs barəsində 21 dekabr 2022-ci il tarixdə Azərbaycan Respublikası İXM-nin 327.1-ci maddəsi ilə protokol tərtib olunmuş və Şəxs 40 (qırx) manat məbləğində cərimə olunmuşdur. O, ona təyin olunmuş cərimə cəzasını dəbbə pulu ilə birlikdə Azərbaycan Respublikası DİN-in hesabına ödəmişdir. Məhkəmə iş materiallarını araşdırıb və inzibati xəta törətmiş şəxs Şəxs cərimə cəzasını ödəməsini nəzərə alıb hesab edir ki, inzibati xəta haqqında iş üzrə icraata xitam verilməlidir. İşə əlavə edilmiş qəbzdən görünür ki, Şəxs adına tərtib olunmuş 21 dekabr 2022-ci il tarixli EQ 12553409 nömrəli protokola görə ödəniş edilmişdir. Azərbaycan Respublikası İXM-nin 529-cu maddəsinin qeyd hissəsinin 1-ci bəndindən görünür ki, 529.3-cü maddəsində nəzərdə tutulmuş inzibati xətanı törətmiş şəxs müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. Həmin Məcəllənin 53.0 və 53.0.2-ci maddələrinin tələbinə görə, əməldə inzibati xəta tərkibi olmadıqda, inzibati xətalar haqqında işlər üzrə icraat başlana bilməz, başlanmış icraata isə xitam verilir. Həmin Məcəllənin 114.1 və 114.1.4-ci maddələrinə əsasən, inzibati xətalar haqqında işlərə baxılarkən inzibati xəta barədə iş üzrə icraata xitam verilməsi haqqında qərar çıxarılır. Həmin Məcəllənin 114.2 və 114.2.1-ci maddələrinə əsasən, bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta barədə iş üzrə icraata xitam verilməsi haqqında qərar çıxarılır. Məhkəmə iclasında müəyyən edildi ki, inzibati qaydada işinə baxılan Şəxs qanunla müəyyən olunmuş cərimə cəzasını məhkəmə qərar qəbul etmədən əvvəl ödəmişdir. Ona görə də məhkəmə hesab edir ki, iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 40, 43, 53, 114-115 və 128-130-ci maddələrini rəhbər tutaraq, məhkəmə QƏRARA ALDİ: İnzibati xəta törətmiş şəxs Şəxs barəsində Azərbaycan Respublikası İXM-nin 529.3-cü maddəsi ilə olan inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətinə Gəncə Apellyasiya Məhkəməsinə şikayət və ya protest verilə bilər. Sədrlik edən: Qafil Baxşıyev