Tovuz Rayon Məhkəməsi Qərar — İş №3(062)-460/2025

Azərbaycan Respublikası adından QƏRAR Tovuz rayon İş № 3(062)-460/2025 18.06.2025 TOVUZ RAYON MƏHKƏMƏSİ Hacıyev Süleyman Aslan oğlunun sədrliyi, Həsənov Tural Leysan oğlunun katibliyi, inzibati xəta haqqında protokolu tərtib etmiş Tovuz RPŞ-nin Qovlar PB-nin polis sahə rəisi, polis baş leytenantı X8, Zərərçəkmiş şəxs X5, X1, X10, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1988-ci il tarixdə Gürcüstan Respublikası, Marneuli şəhrində doğulmuş, Azərbaycan Respublikasının vətəndaşı, öz dediyinə görə məhkumluğu olmayan, evli, işsiz, əlilliyi olmaayan, orta təhsilli, ünvan 1 ünvanında qeydiyyatda olmaqla yaşayan Şəxs (AA*******) Azərbaycan Respublikası İnzibati Xətalar Məcəlləsinin 157-ci maddəsi ilə təqsirləndirilməsinə dair Tovuz RPŞ-nin Qovlar PB-dən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Tovuz RPŞ-nin Qovlar PB-dən daxil olmuş «cinayət işinin başlanmasının rədd edilməsi barədə» 06 iyun 2025-ci il tarixli qərar və onun əsasında tərtib edilmiş 18 iyun 2025-ci il tarixli, MN ******* nömrəli inzibati xəta haqqında protokolda göstərilmişdir ki, Şəxs 27 may 2025-ci il tarixdə X7 döyərək ona dərəcəsi təyin olunmayan xəsarət yetirmişdir. Məhkəmə iclasında iştirak edən inzibati xəta haqqında protokolu tərtib etmiş Tovuz RPŞ-nin Qovlar PB-nin sahə rəisi, polis baş leytenantı X13 izahatında bildirdi ki, 27 may 2025-ci il tarixdə X9 AR DİN-nin “102” Qaynar Xəttinə zəng edərək Şəxs tərəfindən döyüldüyünü bildirmişdir. Polis əməkdaşları göstərilən ünvanı gətdikdə, Şəxs əvvəlcə yataq otağında çarpayının altında gizlənməyə cəhd göstərmiş, daha sonra isə məhləyə qaçaraq polis əməkdaşlarından qaçmağa cəhd göstərmişdir. Bundan əlavə olaraq protokolu tərtib etmiş şəxs X13 öz izahatında bildirmişdir ki, hal-hazırda Şəxs barəsində Təhqiqat Bölməsində öz anasını döyməyə və xırda talamaya görə araşdırma aparılır. Məhkəmə iclasında izahat vermiş X9 izahatında bildirmişdir ki, barəsində inzibati xəta haqqında icraat aparılan şəxs Şəxs ilə qonşudur. xx.xx.2025-ci il tarixdə Şəxs onun evinə gələrək kobud şəkildə oğlunun harda olduğunu soruşmuşdur. X11 bilmədiyini bildirdikdə, Şəxs sonuncunu təhqir etməyə başlamış, daha sonra isə onun boğazından tutub bərk sıxaraq boğmağa çalışmışdır. Məhkəmə iclasında izahat vermiş X3 izahatında bildirmişdir ki, zərərçəkən X4 qızıdır. Hadisə baş verən zaman evdə olmuşdur, Şəxs anasını boğduğunu öz gözləri ilə görmüşdür. Məhkəmə iclasında digər şahid X18 izahatında bildirmişdir ki, zərərçəkənin qaynanasıdır. X3 ilə eyniməzmunlu ifadə vermişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs özünü Azərbaycan Respublikası İXM-nin 157-ci maddəsi ilə təqsirli hesab edərək əməlindən peşman olduğunu və gələcəkdə belə halların bir daha təkrarlanmayacağını bildirmişdir. İş materiallarında olan və məhkəmə baxışında tədqiq edilmiş: “Cinayət işinin başlanmasının rədd edilməsi barədə” 06 iyun 2025-ci il tarixli qərardan görünür ki, toplanmış material üzrə cinayət işinin başlanılması rədd edilmiş, Şəxs barəsində İnzibati Xətalar Məcəlləsinin 157-ci maddəsi ilə inzibati tədbir görülməsi üçün materialın aidiyyəti əməkdaşa həvalə edilməsi qərara alınmışdır; Azərbaycan Respublikası Səhiyyə Nazirliyinin “Məhkəmə-Tibbi Ekspertiza və X17” X5 canlı şəxsin ekspertizasının 02 iyun 2025-ci il tarixli, 451 saylı rəyində qeyd edilir ki, X2 RPŞ-ə ərizə ilə müraciət edərək, xx.xx.2025-ci il tarixdə Şəxs onun sol üz nahiyyəsinə vurmasını və boğaz nahiyəsindən sıxaraq yerə yıxmasını bildirmişdir. Ekspertizanın nəticəsinə əsasən, X5 bədən səthində xəsarət aşkar edilməmişdir. Tovuz RPŞ-nin Qovlar PB-nin sahə rəisi, polis baş leytenantı X13 tərəfindən tərtib edilmiş 18 iyun 2025-ci il tarixli, MN ******* nömrəli inzibati xəta haqqında protokoldan görünür ki, Şəxs 27 may 2025-ci il tarixdə X7 döymüşdür. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. 157-ci maddəsinə əsasən döymə və ya sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Məhkəmənin gəldiyi qənaətə görə X5 Şəxs tərəfindən döyülməsi və bununla da, Şəxs AR İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsi faktı barəsində inzibati xəta haqqında icraat aparılan şəxsin, zərərçəkmiş şəxsin, şahidlərin izahatı, iş materiallarına əlavə edilmiş qüvvədə olan cinayət işinin başlanmasının rədd edilməsi barədə qərar, Azərbaycan Respublikası Səhiyyə Nazirliyinin “Məhkəmə-Tibbi Ekspertiza və X17” X5 (451 saylı ekspert rəyi) canlı şəxsin ekspertizasının 01 iyun 2025-ci il tarixli, məhkəmə iclasında tədqiq edilmiş digər sübutların bir-biri ilə müqayisəli şəkildə tədqiqi nəticəsində öz təsdiqini tapmışdır. Məhkəmə, inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini, iş üzrə sübutları qiymətləndirərək hesab edir ki, Şəxs AR İnzibati Xətalar Məcəlləsinin 157-ci maddəsinə nəzərdə tutulmuş inzibati xətanı törətməkdə təqsirli bilinməli və barəsində həmin maddənin sanksiyasının hədləri daxilində inzibati həbs növündə inzibati tənbeh tədbiri tətbiq edilməlidir. Azərbaycan Respublikası İnzibati Xətalar Məcəlləsinin 114 və 115-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməkdə təqsirli bilinərək barəsində 15 gün müddətə inzibati həbs növündə inzibati tənbeh tədbiri tətbiq edilsin. Həbsetmənin əvvəli 17 iyun 2025-ci il tarixdən, saat 18:50-dən hesablansın. Qərarın icrası Azərbaycan Respublikası Tovuz RPŞ-ə tapşırılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Tovuz Rayon Məhkəməsi vasitəsilə və ya birbaşa Gəncə Apelyasiya Məhkəməsinə apelyasiya şikayəti verilə bilər. Hakim Süleyman Hacıyev