Tovuz Rayon Məhkəməsi Qərar — İş №3(062)-564/2025

Azərbaycan Respublikası adından QƏRAR Tovuz rayon İş № 3(062)-564/2025 30.07.2025 TOVUZ RAYON MƏHKƏMƏSİ Hakim Hacıyev Süleyman Aslan oğlunun sədrliyi, X7 iclas katibliyi, Tovuz Rayon İcra və Probasiya şöbəsinin böyük icra məmuru X10, barəsində inzibati xəta haqqında icraat aparılan X8 və tələbkarın nümayəndəsi X3 iştirakı ilə, xx.xx.1991-ci il tarixdə Tovuz rayonu Aşağı Öysüzlü kəndində doğulmuş, Azərbaycan Respublikasının vətəndaşı, subay, öz sözlərinə görə məhkumluğu olmayan, Tovuz rayonu, Aşağı Öysüzlü kəndində qeydiyyatda olmaqla yaşayan X8 Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair Tovuz rayon icra və probasiya şöbəsindən daxil olmuş materiala açıq məhkəmə iclasında baxaraq, MÜƏYYƏN ETDİ: X8 Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair Tovuz rayon icra və probasiya şöbəsində tərtib edilmiş inzibati xəta haqqında protokol və ona əlavə edilmiş sənədlər baxılması üçün xx.xx.2025-ci il tarixdə Tovuz Rayon Məhkəməsinə göndərilmişdir. Tovuz rayon İcra və Probasiya şöbəsinin icra məmuru X13 tərəfindən tərtib edilmiş xx.xx.2025-ci il tarixli MN ******* nömrəli inzibati xəta haqqında protokolda göstərilmişdir ki, X4 Rayon Məhkəməsinin 2(062)-75/2025 saylı, xx.xx.2025-ci il tarixli icra sənədinə əsasən başlanmış icra işi üzrə 1150 (bir min yüz əlli) manat borcunu ödəməmişdir. Məhkəmə iclasında Tovuz rayon İcra və Probasiya şöbəsinin icra məmuru X13 bildirmişdir ki, hazırda Tovuz Rayon Məhkəməsinin 2(062)-75/2025 saylı, xx.xx.2025-ci il tarixli icra sənədinə əsasən X8 1150 manat məbləğində ödənilməmiş borcu vardır, tələbkarın nümayəndəsi şikayətçidir və həmin borcun ödənilməsindən yayındığından inzibati məsuliyyətə cəlb edilməsini xahiş edir. Məhkəmə iclasında tələbkarın nümayəndəsi X5 öz ifadəsində göstərmişdir ki, aliment borcunu mütəmadi ödəmədiyi üçün əvvəl X6 şikayətçi olsa da, X12 qısa müddətdə borcunu ödəyəcəyinə dair vəd verdiyi üçün hal-hazırda razılığa gəlmişlər. Qeyd edilənləri nəzərə alaraq, X8 barəsində başlanılmış inzibati xəta üzrə icraata xitam verilməsini xahiş edir. Məhkəmə iclasında barəsində inzibati xəta haqqında icraat aparılan X12 izahatında bildirdi ki, maddi vəziyyəti ağır olduğu üçün tam ödənişləri vaxtında edə bilməsədə, hər ay azda olsa mütəmadi olaraq ödəniş edir. Sübüt qismində məhkəmə iclasında ödənişlər barədə qəbzlər təqdim etdi. Qəbzlərə əsasən X12 mart ayında 300 manat, may ayında 100 manat, iyun ayında 150 manat, iyul ayında isə 200 manat aliment borcundan ödəniş etdiyi əks olunmuşdur. X2 məhkəmə iclasında vaxt veriləcəyi təqdirdə aliment borcundan xx.xx.2025-ci il tarixdə 300 manat ödəyəcəyinə dair söz verdi. Qeyd edilənlərə əsasən, barəsində başlanılmış inzibati xəta üzrə icraata xitam verilməsini xahiş etdi. İş materiallarında olan Tovuz Rayon Məhkəməsinin xx.xx.2025-ci il tarixli 2(062)- 75/2025 saylı icra vərəqəsindən görünür ki, cavabdeh X1 artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0,52 misli həddində sabit pul məbləğində aliment borcu tutularaq iddiaçı X9 ödənilməsi qət edilmişdir. İş materiallarına əlavə edilmiş qəbzlərdən görünür ki, X12 mart ayında 150 manat, may ayında 100 manat, iyun ayında 150 manat, iyul ayında isə 200 manat aliment borcundan ödənişlər etmişdir. Azərbaycan Respublikası İnzibati Xətalar Məcəlləsinin 528.1-ci maddəsində məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutur. Qanunun mənasına görə Azərbaycan Respublikası İnzibati Xətalar Məcəlləsinin 528.1-ci maddəsi ilə məsuliyyət o vaxt yaranır ki, borclu məhkəmə qərarının icrası ilə əlaqədar icra məmurunun qanuni tələblərini və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə məcbur edən icra sənədini üzrsüz səbəbdən icra etməsin. İcra etməmə isə o halda üzrsüz olur ki, borclunun məhkəmə qərarının icrası üçün faktiki imkanlarının müəyyən edildiyi halda o, məhkəmə aktının tələbini icra etmir və ya məhkəmə aktlarının icrasını mümkünsüz etməyə yönələn hərəkətlərini davam etdirir. Beləliklə, işin qeyd olunan hallarını nəzərə alaraq məhkəmə hesab edir ki, hazırki halda X8 əməlində icra sənədini üzrsüz səbəbdən icra etməməsi halı müəyyən edilmədiyindən məhkəmə qərarının icra edilməməsi ilə əlaqədar onun inzibati məsuliyyətə cəlb edilməsi əsassızdır. Azərbaycan Respublikası İXM-in 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-in 53.1.2-ci maddəsinə əsasən inzibati xəta tərkibi olmadıqda, inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.2.1-ci maddəsinə əsasən Azərbaycan Respublikası İXM-nin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. İşin təsvir edilmiş hallarını və onlara tətbiq ediləcək hüquq normalarının tələblərini nəzərə alaraq məhkəmə hesab edir ki, X8 əməlində inzibati xəta tərkibi olmadığından, onun barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilməlidir. Yuxarıda göstərilənlərə əsaslanaraq və İnzibati Xətalar Məcəlləsinin 43, 53, 114 və 115-ci maddələrini rəhbər tutaraq, məhkəmə QƏRARA ALDİ: X12 barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilsin. Qərardan rəsmi qaydada verildiyi gündən 10 (on) gün müddətində Tovuz Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Hakim Süleyman Hacıyev