Tovuz Rayon Məhkəməsi Qərar — İş №3(062)-600/2025

Azərbaycan Respublikası adından QƏRAR Tovuz rayon İş № 3(062)-600/2025 15.08.2025 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi, İsayev Emin Arif oğlunun katibliyi, Tovuz Rayon İcra və Probasiya Şöbəsinin icra məmuru X1, Zərərçəkmiş şəxs, Barəsində inzibati xəta haqda iş üzrə icraat aparılan Şəxs iştirakları ilə xx xxxxxx 2000-ci ildə Tovuz rayonunda anadan olmuş, Azərbaycan Respublikasının vətəndaşı, orta təhsilli, işsiz, evli, deməsinə görə əvvəllər məhkum olunmamış, əlilliyi olmayan, Tovuz rayonu İbrahimhacılı kəndində qeydiyyatda olan və yaşayan, Şəxs barəsində Azərbaycan Respublikası İXM-nin 528.1-ci maddəsi ilə Tovuz Rayon İcra və Probasiya Şöbəsindən daxil olmuş inzibati xəta haqqında işə baxaraq MÜƏYYƏN ETDİ: Şəxs məhkəməyə verilmişdir ona görə ki, Tovuz Rayon Məhkəməsinin 06 may 2025-ci il tarixli icra vərəqəsinə əsasən Şəxs 1068 (min altmış səkkiz) manat pulun və dövlət rüsumu hesabına ödənilmiş 30,68 (otuz manat altmış səkkiz qəpik) manat pulun alınıb Zərərçəkmiş şəxs verilməsi barədə icra vərəqəsinin icrasından üzrsüz səbəbdən müxtəlif bəhanələrlə boyun qaçırmışdır. Tovuz Rayon İcra və Probasiya Şöbəsinin icra məmuru X2 məhkəmə iclasında göstərdi ki, Tovuz Rayon Məhkəməsinin Tovuz Rayon Məhkəməsinin 06 may 2025-ci il tarixli icra vərəqəsinə əsasən Şəxs 1068 (min altmış səkkiz) manat pulun və dövlət rüsumu hesabına ödənilmiş 30,68 (otuz manat altmış səkkiz qəpik) manatın alınıb Şəxs verilməsi qət olunmuşdur. Borclu indiyə qədər borcundan 50 manat ödəmə etmişdir. Hazırda borcu 1018 (min on səkkiz) manat təşkil edir. Ona görə də onun barəsində inzibati prtokol tərtib olunaraq məhkəməyə göndərilmişdir. Barəsində inzibati xəta haqda iş üzrə material olan Şəxs məhkəmə iclasında göstərdi ki, Tovuz Rayon Məhkəməsinin qərarına əsasən ondan 1068 manat pulun alınaraq Zərərçəkmiş şəxs verilməsi qət olunmuşdur. Borcundan cəmi 50 manat ödəmə etmişdir. İndiyə qədər maddi imkanı olmadığı üçün borcunu tam ödəyə bilməmişdir. Bu gün borcundan 200 manat ödəyərək, ayın sonunda və sentyabr ayının sonunda olmaqla borcundan hissə-hissə olmaqla borcunu tamamilə ödəyəcəkdir. Borcundan ödəmə etməmək kimi fikri yoxdur. Odur ki, barəsində olan inzibati xəta haqda iş üzrə icraata xitam verilməsini xahiş etdi. İş üzrə Zərərçəkmiş şəxs məhkəmə iclasında bildirdi ki, Şəxs borcundan ödəmə etməkdən yayınır. İcra məmuru onu məhkəməyə gətirdikdən sonra borcundan 200 manat ödəmə etmək istəmişdir. Söz verməsinə görə 2025-ci ilin sentyabr aynın sonunadək borcunu ödəyəcəkdir. Ödəməni edərsə ondan heç bir şikayət və tələbi olmaz. Odur ki, məhkəmədən ədalətli qərar qəbul etməsini istəyir. Məhkəmə iş materiallarına əlavə olunmuş sənədləri nəzərdən keçirib, inzibati xəta törətmiş şəxsin, zərərçəkmiş şəxsin və protokolu tərtib etmiş şəxsin izahatlarını dinləyib hesab edir ki, Şəxs barəsində olan inzibati xəta haqqında iş üzrə icraata xitam verilməlidir. Azərbaycan Respublikası İXM-nin 528.1-ci maddəsində icra sənədindəki tələbin üzrsüz səbədən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə məsuliyyət müəyyən olunmuşdur. Məhkəmə iclasında müəyyən edildi ki, borclu borcundan ödəmə etmək niyyətindədir. İndiyədək maddi imkanı zəif olduğundan cəmi 50 manat ödəmə etmişdir. Borclu icra sənədi üzrə borcundan 200 manat ödəmə etmək istəyini protokol tərtib edilən günün sabahı tarixində ödəmə etməklə yanaşı, sentyabr ayının sonunadək tamamilə olmaqla borcundan ödəmə etməsini bildirmişdir. Mütəmadi olaraq borcundan ödəmələr etmək istəyi və beləliklə borcunu 2025-ci ilin sentyabr ayının sonuna tamamilə ödəmək istəyi Şəxs qətnamənin icrasından qərəzli şəkildə boyun qaçırmadığını göstərir. Azərbaycan Respublikası İnzibati Xətalar Məcəlləsinin 53.1.2-ci maddəsinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114-cü maddəsinə görə bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında işin icraatına xitam verilməsi haqqında qərar çıxarılır. Ona görə də məhkəmə hesab edir ki, Şəxs əməlində icra sənədini üzrsüz səbəbdən icra etməmə əlamətləri müəyyən edilmədiyindən onun əməlində inzibati xəta tərkibi yoxdur və o Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib, inzibati qaydada tənbeh edilə bilməz, odur ki, onun barəsində inzibati xəta haqqında işin icraatına xitam verilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 53, 57, 114, 115, 128 və 130-cu maddələrini rəhbər tutaraq, məhkəmə QƏRARA ALDİ Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsinin tərkibi olmadığından, onun barəsində olan inzibati xəta haqqında işin icraatına xitam verilsin. Qərardan, onun rəsmi qaydada verildiyi vaxtdan 10 (on) gün ərzində Tovuz Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti və ya apelyasiya protesti verilə bilər. Sədrlik edən Qafil Baxşıyev