Tovuz Rayon Məhkəməsi Qərar — İş №3(062)-644/2023

Azərbaycan Respublikası adından QƏRAR Tovuz rayon İş № 3(062)-644/2023 11.08.2023 TOVUZ RAYON MƏHKƏMƏSİ Hakim Hünmətov Zaur Adil oğlunun sədrliyi Mustafayev Əli Nazim oğlunun katibliyi, X1, Tovuz rayon X6 sədri X3 iştirakları ilə Azərbaycan Respublikası Ekologiya və Təbii Sərvətlər Nazirliyi 2 saylı Regional Ekologiya və Təbii Sərvətlər İdarəsi tərəfindən tərtib olunmuş 20 iyul 2023-cü il tarixli MN № ******* saylı qərarından X8 tərəfindən verilmiş şikayətə Tovuz şəhərində açıq məhkəmə iclasında baxaraq, MÜƏYYƏN ETDİ: X7 Azərbaycan Respublikası Ekologiya və Təbii Sərvətlər Nazirliyi 2 saylı Regional Ekologiya və Təbii Sərvətlər İdarəsi tərəfindən tərtib olunmuş 20 iyul 2023-cü il tarixli MN № ******* saylı qərar qəbul edilməklə Azərbaycan Respublikası İXM-nin 271-ci maddəsinə əsasən 2000 (iki min) manat miqarında cərimə edilmişdir. X2 Azərbaycan Respublikası Ekologiya və Təbii Sərvətlər Nazirliyi 2 saylı Regional Ekologiya və Təbii Sərvətlər İdarəsi tərəfindən tərtib olunmuş 20 iyul 2023-cü il tarixli MN № ******* saylı inzibati xəta haqqında haqqında qərarın ləğv olunmasını xahiş etmişdir. Məhkəmə iclasında şikayət ərizəsi verən X7 şikayətini müdafiə edərək göstərdi ki, o, 2 saylı Regional Ekologiya və Təbii Sərvətlər İdarəsi barəsində 20 iyul 2023-cü il tarixli MN ******* nömrəli inzibati tənbeh vermə haqqında qərar qəbul edilmişdir. Qərarda onun vəzifəli şəxs olmağı qeyd olunaraq İXM-nin 271-ci maddəsi ilə 2000 manat miqdarında cərimə edilmişdir. Həmin qərar qanunsuz və əsassız qəbul olunmuşdur. Belə ki, İXM-nin 271-ci maddəsinə əsasən sənaye və məişət tullantılarının qalaqlanması qaydalarının pozulmasına, göstərilən tullantıları yandırarkən ətraf mühitin mühafizəsi tələblərinə əməl edilməməsinə görə inzibati məsuliyyət müəyyən olunmuşdur. O isə Tovuz rayonu məişət tullantılarının qalaqlanması qaydalarını pozmamışdır. Belə ki, protokol tərtib olunarkən ona polisdən göstərilən ərazi də ümumiyyətlə Tovuz rayonu Düz Crdaxan kəndinin ərazisi deyildir. Bundan başqa o heç bir tullantı atmamış və qalaqlandırmamışdır. Buna baxmayaraq əsassız olaraq protokol tətib olunaraq qərar qəbul olunmuşdur. Ona görə də qərarın ləğv edilib iş üzrə icraata xitam verilməsi barədə qərar qəbul edilməsini xahiş etdi. Məhkəmə iclasında iştirak edən Tovuz rayon X6 sədri X5 qanuna müvafq qərar qəbul eduilməsini xahiş etdi. 2 saylı Regional Ekologiya və Təbii Sərvətlər İdarəsinə məhkəmə iclasının yeri və vaxtı barədə xəbərdarlıq edilməsinə baxmayaraq qeyd olunan idarənin nümayəndəsi məhkəmə iclasında iştirak etməmiş və iştirak edə bilməməsinin səbəbləri barədə hər hansı məlumat verməmişdir. Məhkəmə işə Azərbaycan Respublikası Ekologiya və Təbii Sərvətlər Nazirliyi 2 saylı Regional Ekologiya və Təbii Sərvətlər İdarəsinin nümayəndəsinin iştirakı olmadan baxılmasını mümkün hesab etmişdir. Məhkəmə iş materiallarına əlavə olunmuş sənədləri nəzərdən keçirib, şikayət verən şəxsin izahatını dinləyib hesab edir ki, X7 barəsində Azərbaycan Respublikası İXM-nin 271-ci maddəsi ilə olan inzibati xəta haqda qərar ləğv edilməli və işin icraatına xitam verilməlidir. Belə ki, Azərbaycan Respublikası İnzibati Xətalar Məcəlləsinin 271-ci maddəsinə əsasən sənaye və məişət tullantılarının qalaqlanması qaydalarının pozulmasına, göstərilən tullantıları yandırarkən ətraf mühitin mühafizəsi tələblərinə əməl edilməməsinə görə inzibati məsuliyyət müəyyən olunmuşdur. Məhkəmə iclasında müəyyən edildi ki, X7 hər hansı tullantıların atılmasından heç bir xəbəri olmamışdır. Həmçinin pozuntu törədən hallar qərarda dəqiq təsvir olunmamış, qərarda xətanın mahiyyəti sadəcə İXM-nin 271-ci maddəsinin dispozisiya hissəsi köçürülməklə kifayətlənmişdir. Pozuntu faktı dəqiq müəyyən olunmamış, inzibati xətanın mahiyyəti dəqiqliklə göstərilməmişdir. Tullantının hansı ərazidə kim tərəfindən atılması və ya qalaqlanması müəyyən olunmadan, həmçinin bunun vəzifəli şəxs X7 ilə əlaqəsi sübuta yetirilmədən qərar qəbul edilmişdir. Ona görə də şəxs ehtimallar əsasında hər hansı bir qaydada məsuliyyətə cəlb oluna bilməz. Azərbaycan Respublikası İXM-nin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikası İXM-nin 53.1.2-ci maddəsinə əsasən inzbati xəta tərkibi olmadıqda inzibati xətalar haqqında işlər üzrə icraat başlana bilməz, başlanmış icraata isə xitam verilir. Həmin Məcəllənin 134.1.3-cü maddəsinə əsasən inzibati xəta haqqında iş üzrə qərardan verilən şikayətə baxılarkən bu Məcəllənin 135.1.5-1-ci maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında qərar çıxarır. Həmin Məcəllənin 135.1.5-1-ci maddəsinə əsasən bu Məcəllənin 53-cü maddəsində nəzərdə tutulmuş halların müəyyən olunması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Yuxarıda qeyd olunanlara əsasən məhkəmə hesab edir ki, X4 barəsində inzibati xəta haqqında iş üzrə qəbul edilmiş 20 iyul 2023-cü il tarixli qərar ləğv edilməli və barəsində başlanmış inzibati icraata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 106, 114 və 115-ci maddələrini rəhbər tutaraq, məhkəmə QƏRARA ALDİ: X4 barəsində Azərbaycan Respublikası İXM-nin 271-ci maddəsi ilə təqsirli bilinib 2000 (iki min) manat cərimə edilməsinə dair 20 iyul 2023-cü il tarixli MN № ******* saylı qərar ləğv edilsin və barəsində başlanmış inzibati xəta haqqında işin icraatına xitam verilsin. Qərarın surəti təqdim edildiyi və ya alındığı gündən 10 gün müddətində Gəncə Apelyasiya Məhkəməsinə şikayət və protest verilə bilər. Sədrlik edən Zaur Hünmətov