Tovuz Rayon Məhkəməsi Qərar — İş №3(062)-756/2024

Azərbaycan Respublikası adından QƏRAR Tovuz rayon İş № 3(062)-756/2024 13.09.2024 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi, İsayev Emin Arif oğlunun katibliyi, Tovuz Rayon İcra və Probasiya Şöbəsinin icra məmuru X1, Barəsində inzibati xəta haqda iş üzrə icraat aparılan Şəxs iştirakları ilə xx xxxxxx 1989-cu ildə Tovuz rayonunda anadan olmuş, Azərbaycan Respublikasının vətəndaşı, ali təhsilli, işsiz, evli, əvvəllər inzbati xətaya məruz qalmamış, deməsinə görə əvvəllər məhkum olunmamış, Tovuz rayonu Əyyublu kəndində qeydiyyatda olan və yaşayan, Şəxsbarəsində Azərbaycan Respublikası İXM-nin 529.2-ci maddəsi ilə Tovuz Rayon İcra və Probasiya Şöbəsindən daxil olmuş inzibati xəta haqqında işə baxaraq MÜƏYYƏN ETDİ: Şəxs Azərbaycan Respublikası İXM-nin 529.2-ci maddəsi ilə məhkəməyə verilmişdir ona görə ki, Azərbaycan Respiublikası Səhiyyə Nazirliyinin 26 dekabr 2022-ci il tarixli inzibati tənbeh vermə haqqında MN № ******* qərarının icrasından üzrsüz səbəbdən müxtəlif bəhanələrlə boyun qaçırmışdır. Tovuz Rayon İcra və Probasiya Şöbəsinin icra məmuru X2 məhkəmə iclasında göstərdi ki, Şəxs, Azərbaycan Respiublikası Səhiyyə Nazirliyinin 26 dekabr 2022-ci il tarixli inzibati tənbeh vermə haqqında MN № ******* qərarına əsasən 5000 manat cərimə olunmuşdur. Borclu həmin cərimə borcundan heç bir ödəniş etməmişdir. İzahatı alınarkən eləcə də ondan öncə də onunla şifahi söhbət aparılarkən cəriməni ödəməyə maddi imkanının olmadığını bildirmişdir. Ona görə də onun barəsində inzbati protokol tərtib olunaraq məhkəməyə göndərilmişdir. Barəsində inzbati xəta haqda iş üzrə material olan Şəxs məhkəmə iclasında göstərdi ki, icra işindən xəbərdardır. Azərbaycan Respiublikası Səhiyyə Nazirliyi tərəfindən cərimə olunmuşdur. Maddi imkanı olmadığı üçün cəriməni ödəyə bilməmişdir. Odur ki, məhkəmədən ədalətli qərar verilməsni xahiş etdi. Azərbaycan Respublikası İXM-nin 529.2-ci maddəsində, yol hərəkəti qaydaları əleyhinə olan inzibati xətaların və bu Məcəllənin 353.1, 353.2, 353.4 və ya 353.5-ci maddələrində nəzərdə tutulan inzibati xətaların törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında məhkəmə qərarının qanuni qüvvəyə mindiyi gündən 25 gün müddətində qanunla müəyyən edilmiş əsaslar olmadan icra edilməməsinə görə inzibati məsuliyyət müəyyən olunmuşdur. İXM-nin 529.2-ci maddəsindən görünür ki, “məhkəmə qərarının qanuni qüvvəyə mindiyi gündən 25 gün müddətində qanunla müəyyən edilmiş əsaslar olmadan icra edilməməsinə görə” məsuliyyət yaratması göstərilmişdir. Göründüyü kimi tərtib olunmuş protokolda isə vəzifəli şəxsin qərarının icra olunmamasından bəhs edilir. Belə olan halda Şəxs əməlində İXM-nin 529.2-ci maddəsinin tərkibi yaranmır. Şəxs Azərbaycan Respublikası Səhiyyə Nazirliyinin 26 dekabr 2022-ci il tarixli qərarına əsasən cərimə olunmuşdur. Azərbaycan Respublikası İnzibati Xətalar Məcəlləsinin 53.1.2-ci maddəsinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114-cü maddəsinə görə bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında işin icraatına xitam verilməsi haqqında qərar çıxarılır. Ona görə də məhkəmə hesab edir ki, inzibati xəta hadisəsi baş verməmişdir, və o Azərbaycan Respublikası İnzibati Xətalar Məcəlləsinin 529.2-ci maddəsi ilə təqsirli bilinib, inzibati qaydada tənbeh edilə bilməz, odur ki, onun barəsində inzibati xəta haqqında işin icraatına xitam verilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 53, 57, 114, 115, 128 və 130-cu maddələrini rəhbər tutaraq, məhkəmə QƏRARA ALDİ Şəxs əməlində Azərbaycan Respublikası İnzibati Xətalar Məcəlləsinin 529.2-ci maddəsi ilə müəyyən olunmuş inzibati xətanın tərkibi olmadığından, onun barəsində olan inzibati xəta haqqında işin icraatına xitam verilsin. Qərardan, onun rəsmi qaydada verildiyi vaxtdan 10 (on) gün ərzində Tovuz Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti və ya apellyasiya protesti verilə bilər. Sədrlik edən Qafil Baxşıyev