Tovuz Rayon Məhkəməsi Qərardad — İş №3(062)-756/2025

Azərbaycan Respublikası adından QƏRARDAD Tovuz rayon İş № 3(062)-756/2025 17.02.2026 TOVUZ RAYON MƏHKƏMƏSİ Tovuz Rayon Məhkəməsinin hakimi Hünmətov Zaur Adil oğlunun sədrliyi ilə, Şəxs MMC X5 Tovuz şöbəsi barəsində Azərbaycan Respublikası İnzibati Xətalar Məcəlləsinin 539.3-cü maddəsində nəzərdə tutulmuş inzibati xətanın törədilməsinə dair tərtib edilmiş inzibati xəta haqqında protokola və ona əlavə edilmiş materiala məhkəmənin binasında açıq məhkəmə iclasında baxaraq, Müəyyən etdi: Azərbaycan Respublikasının Əmək və Əhalinin Sosial Müdafiəsi Nazirliyi yanında X4 Xidmətinin X2 tərəfindən Şəxs MMC X5 Tovuz şöbəsi barəsində Azərbaycan Respublikası İnzibati Xətalar Məcəlləsinin 539.3-cü maddəsində nəzərdə tutulmuş inzibati xətanın törədilməsinə dair xx.xx.2025-ci il tarixli, MN seriyalı ******* nömrəli inzibati xəta haqqında protokol tərtib edilərək baxılması üçün aidiyyəti üzrə Tovuz Rayon Məhkəməsinə göndərilmişdir. Tovuz Rayon Məhkəməsinin xx.xx.2025-ci il tarixli 3(062)-756/2025 saylı qərarına əsasən, Şəxs MMC X5 Tovuz şöbəsinin barəsində Azərbaycan Respublikasının Əmək və Əhalinin Sosial Müdafiəsi Nazirliyi yanında X4 Xidmətinin X2 tərəfindən Azərbaycan Respublikası İnzibati Xətalar Məcəlləsinin 539.3-cü maddəsi ilə başlanmış inzibati xəta haqqında iş üzrə icraata inzibati xəta tərkibi olmaması əsası ilə xitam verilmişdir. Tovuz Rayon Məhkəməsinin xx.xx.2025-ci il tarixli 3(062)-756/2025 saylı qərarından Azərbaycan Respublikasının Əmək və Əhalinin Sosial Müdafiəsi Nazirliyi yanında X4 Xidməti tərəfindən apellyasiya şikayəti verilmiş və Gəncə Apellyasiya Məhkəməsinin xx.xx.2026-cı il tarixli qərarı ilə apellyasiya şikayəti təmin edilmiş, Tovuz Rayon Məhkəməsinin xx.xx.2025-ci il tarixli 3(062)-756/2025 saylı qərarı və xx.xx.2025-ci il tarixli 3(062)-756/2025 saylı qərardadı ləğv edilmiş və inzibati xəta haqqında iş materialları yenidən Tovuz Rayon Məhkəməsində inzibati xəta haqqında işin məhkəmədə baxılmağa hazırlanması mərhələsinə qaytarılması qərara alınmışdır. Daxil olmuş inzibati xəta haqqında protokolda qeyd olunmuşdur ki, Şəxs MMC X5 Tovuz şöbəsi əmək qanunvericiliyinə əməl olunmasına dövlət nəzarətini həyata keçirən müvafiq icra hakimiyyəti orqanının tələbi ilə bu Məcəllənin 539.1-1 maddəsində nəzərdə tutulan hallarla bağlı zəruri olan məlumatların (sənədlərin) təqdim edilməməsinə, yaxud tam, düzgün və ya vaxtında təqdim edilməməsi Azərbaycan Respublikası Əmək Məcəlləsinin 15.2-ci maddəsinin tələbini pozmaqla, əmək qanunvericiliyinə əməl olunmasına dövlət nəzarətini həyata keçirən müvafiq icra hakimiyyəti orqanının icrası məcburi olan göstərişinin əmək münasibətlərinin iştirakçıları tərəfindən icra edilməməklə Azərbaycan Respublikasının İnzibati Xətalar Məcəlləsinin 539.3-cü maddəsi ilə nəzərdə tutulmuş inzibati xətanı törətmişdir. İnzibati xəta haqqında protokolu və ona əlavə olunmuş sənədləri araşdıraraq hesab edirəm ki, inzibati xəta haqqında protokol və ona əlavə olunmuş sənədlər geri qaytarılmalıdır. AR İXM-nin Məcəllənin 109.1.6-cı maddəsinə əsasən, inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda və işə baxılarkən tamamlamaq mümkün olmadıqda, inzibati xətalar haqqında protokolun və digər sənədlərin onu tərtib etmiş orqana,vəzifəli şəxsə geri qaytarılması barəsində qərardad qəbul edilir. Tərtib olunmuş inzibati xəta haqqında protokolda Şəxs MMC X5 Tovuz şöbəsinə xx.xx.2025-ci il tarixli sorğu məktubu göndərilərək sənədlərin 7 gün ərzində təqdim edilməsi tələb edilsə də, tələb olunan sənədlərin təqdim edilmədiyi qeyd edilmişdir. Lakin belə bir sorğunun göndərilməsi iş materiallarından görsənsə də, həmin sorğunun şirkət tərəfindən alınmasını təsdiq edən sənədlər məhkəməyə təqdim olunmamışdır. Bundan başqa inzibati xəta haqqında iş üzrə icraata aparılan hüquqi şəxsin səlahiyyətli nümayəndəsinin inzibati icraatda iştirakı təmin edilməmiş, izahatı alınmamış, inzibati xəta haqqında protokol təqdim edilməmişdir. AR İXM-nin 100.5.7-ci maddəsinə əsasən barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları inzibati xəta haqqında protokolda göstərilməlidir. Həmin Məcəllənin 100.2-ci maddəsinə əsasən protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir və bu barədə protokolda müvafiq qeyd aparılır. Həmin Məcəllənin 100.3-cü maddəsinə əsasən protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir. Həmin Məcəllənin 100.4-cü maddəsinə əsasən protokol nömrələnmiş blankda tərtib edildikdə onu tərtib etmiş şəxs, barəsində inzibati xəta haqqında iş üzrə icraat aparılan fiziki şəxs və ya hüquqi şəxsin nümayəndəsi tərəfindən imzalanır və protokolun surəti barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə verilir. Barəsində inzibati xəta haqqında iş üzrə icraat aparılan fiziki şəxs və ya hüquqi şəxsin nümayəndəsi protokolu imzalamaqdan imtina etdikdə, bu barədə protokolda müvafiq qeyd aparılır. Barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatlar və protokolun məzmunu barəsində öz mülahizələrini təqdim etmək, habelə protokolu imzalamaqdan imtina etmələrinin səbəblərini göstərmək hüquqları vardır. Şəxs MMC-nin hüquqi ünvanı Bakı şəhəri, Tbilisi prospekti 107 ünvanıdır. Lakin inzibati xəta haqqında protokol Şəxs MMC X5 Tovuz şöbəsi barəsində tərtib edilmişdir. Nümayəndəliklər və filiallar hüquqi şəxs deyildirlər və hüquqi şəxsin təsdiq etdiyi əsasnamələr üzrə fəaliyyət göstərirlər. Göstərilən xüsusatlara əsasən məhkəmə hesab edir ki, ŞəxsMMC X5 Tovuz şöbəsi barəsində İnzibati Xətalar Məcəlləsinin 539.3-cü maddəsi ilə inzibati icraatın aparılmasına əsas olmamışdır. Qeyd olunmalıdır ki, şəxs o halda İnzibati Xətalar Məcəlləsinin 539.2-ci maddəsi ilə inzibati məsuliyyətə cəlb edilə bilər ki, həmin hüquqi şəxs tərəfindən Azərbaycan Respublikası Əmək Məcəlləsinin 15.2-ci maddəsinin tələbinin pozulması faktı mübahisəsiz olaraq müəyyən edilmiş olsun. Məhkəmə hesab edir ki, yuxarıda qeyd edilən nöqsanlar aradan qaldırılmadan, zəruri sənədlər təqdim edilmədən işə mahiyyəti üzrə baxılması mümkün olmayacağından işin səlahiyyətli orqana, yəni Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidmətinin X1 qaytarılmasına dair qərardad qəbul edilməlidir Məhkəmə şərh olunanlara əsaslanaraq və Azərbaycan Respublikası İXM-in 40, 43, 106 və 109.1.6-cı maddələrini rəhbər tutaraq, Q ə r a r a a l d ı: Şəxs MMC X5 Tovuz şöbəsinin Azərbaycan Respublikası İXM-nin 539.3-cü maddəsi ilə nəzərdə tutulmuş inzibati xətanı törətməsinə dair tərtib olunmuş inzibati xəta haqqında protokol və digər sənədlər Azərbaycan Respublikasının Əmək və Əhalinin Sosial Müdafiəsi Nazirliyi yanında X4 Xidmətinin X1 geri qaytarılsın. Qərardaddan şikayət verilə bilməz. Hakim Zaur Hünmətov