Tovuz Rayon Məhkəməsi Qərar — İş №3(062)-789/2024

Azərbaycan Respublikası adından QƏRAR Tovuz rayon İş № 3(062)-789/2024 07.10.2024 TOVUZ RAYON MƏHKƏMƏSİ Hakim Hünmətov Zaur Adil oğlunun sədrliyi, Məhkəmə iclasının katibi Eyvazov Firdovsi Mirzə oğlunun katibliyi, Şəxs barəsində Azərbaycan Respublikasının İnzibati Xətalar Məcəlləsinin 596.2-ci maddəsi ilə Azərbaycan Respublikası Baş Prokurorluğu Cinayət təqibindən kənar icraatlar idarəsindən daxil olmuş inzibati xəta haqqında materiala məhkəmənin binasında açıq məhkəmə iclasında baxaraq məhkəmə, Müəyyən etdi: Azərbaycan Respublikası Baş Prokurorluğunun Cinayət təqibindən kənar icraatlar idarəsinin 04 sentyabr 2024-cü il tarixli qərarına əsasən Azərbaycan Respublikası Ekologiya və Təbii Sərvətlər Nazirliyinin 2 saylı Regional Ekologiya və X7 rəisi -vəzifəli şəxs Şəxs vətəndaş X4 xx.xx.2024-cü il tarixdə Ağstafa rayonu Sadıqlı meşəbəyliyinin 04 saylı meşə dolayında qanunsuz olaraq 11 baş mal-qara otarması ilə əlaqədar Azərbaycan Respublikası İXM-nin 242-ci maddəsi ilə inzibati məsuliyyətə cəlb edilməsi ilə bağlı toplanmış material üzrə 15 gün ərzində işə baxmalı olduğu halda bunu etməmiş, bununla da Azərbaycan Respublikası İXM-nin 596.2-ci maddəsi ilə nəzərdə tutulmuş inzibati xəta haqqında iş üzrə icraat zamanı səlahiyyətli vəzifəli şəxs tərəfindən bu Məcəllənin 111.1-ci maddəsində müəyyən edilmiş müddətlərin pozulması inzibati xətasını törətmişdir. Azərbaycan Respublikası Ekologiya və Təbii Sərvətlər Nazirliyinin 2 saylı Regional Ekologiya və X7 rəisi Şəxs barəsində olan inzibati xəta haqqında material baxılması üçün Tovuz Rayon Məhkəməsinə göndərilmişdir. Məhkəmə iclasının yeri və vaxtı barədə lazımi qaydada xəbərdar edilmiş barəsində inzibati xəta haqqında iş üzrə icraat aparılan Şəxs məhkəmə iclasına gəlməmiş, gəlməməsinin səbəbi barədə məlumat verməmişdir. Məhkəmə həmin şəxsin iştirakı olmadan işə baxılmasını mümkün hesab etmişdir. Məhkəmə iclasının yeri və vaxtı barədə lazımi qaydada xəbərdar edilmiş Azərbaycan Respublikası Baş Prokurorluğu Cinayət Təqibindən Kənar İcraatlar İdarəsinin prokuroru məhkəmə iclasına gəlməmiş, gəlməməsinin səbəbi barədə məlumat verməmişdir. Məhkəmə prokurorun iştirakı olmadan işə baxılmasını mümkün hesab etmişdir. Məhkəmə işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirərək o nəticəyə gəlir ki, Azərbaycan Respublikası Ekologiya və Təbii Sərvətlər Nazirliyinin 2 saylı Regional Ekologiya və X7 rəisi Şəxs tərəfindən Azərbaycan Respublikası İXM-nin 596.2-ci maddəsi ilə nəzərdə tutulmuş inzibati xəta törədilmişdir, iş üzrə toplanmış mötəbər sübutlarla onun həmin maddə ilə inzibati xəta törətməkdə təqsiri tam sübuta yetir və törədilən əməl düzgün olaraq Azərbaycan Respublikası İXM-nin 596.2-ci maddəsi ilə tövsif olunmuşdur. Odur ki, barəsində inzibati xəta haqqında iş üzrə icraat aparılan vəzifəli şəxs Şəxs həmin maddə ilə təqsirli bilinərək inzibati qaydada tənbeh edilməlidir. Belə ki, iş materiallarında olan və məhkəmədə elan edilərək araşdırılmış 18 aprel 2024-cü il tarixli AA № 000232 saylı Aktdan görünür ki, Ağstafa rayonu Sadıqlı kənd sakini X1 sakinlərinə məxsus olan 11 (on bir) baş iribuynuzlu heyvanları X9 qoruğunun Sadıqlı meşəbəyliyinin 04 saylı dolay ərazisində otararkən müəyyən edilmişdir. İş materiallarında olan və məhkəmədə elan edilərək araşdırılmış 18 aprel 2024-cü il tarixli, MN ******* nömrəli protokoldan görünür ki, Ağstafa rayonu Sadıqlı kənd sakini X4 Sadıqlı kənd sakinlərinə məxsus olan 11 (on bir) baş iribuynuzlu heyvanları X9 qoruğunun Sadıqlı meşəbəyliyinin 04 saylı dolay ərazisində otarması ilə əlaqədar X4 İXM 242-ci maddəsi ilə nəzərdə tutulan inzibati xətanı törətməsi göstərilmişdir. İş materiallarında olan və məhkəmədə elan edilərək araşdırılmış 08 may 2024-cü il tarixli, MN ******* nömrəli inzibati tənbeh vermə haqqında qərardan görünür ki, X4 İXM 242-ci maddəsi ilə nəzərdə tutulmuş inzibati xətanı törətməkdə təqsirli bilinin 400 manat məbləğində cərimə edilmişdir. İXM-nin 38.1-ci maddəsinə əsasən, inzibati tənbeh inzibati xətanın törədildiyi gündən ən geci dörd ay keçənədək verilə bilər. Həmin Məcəllənin 111.1-ci maddəsinə əsasən inzibati xəta haqqında işə baxmağa səlahiyyəti olan hakim, orqan (vəzifəli şəxs) bu cür işlərə inzibati xəta haqqında protokolu və işin digər materiallarını aldığı vaxtdan on beş gün müddətində baxır. Həmin Məcəllənin 596.2-ci maddəsinə əsasən inzibati xəta haqqında iş üzrə icraat zamanı səlahiyyətli vəzifəli şəxs tərəfindən bu Məcəllənin 52.2-ci, 57.4-cü, 83.2-ci, 83.3cü, 91.0.4-cü, 97-ci, 101-ci, 102.5-ci, 103-cü, 104.4-cü, 104.7-ci, 111.1-ci, 117-ci, 131-ci, 136.2-ci və 150.4-cü maddələrində müəyyən edilmiş müddətlərin pozulmasına görə – vəzifəli şəxslər iki yüz manatdan dörd yüz manatadək məbləğdə cərimə edilir. Beləliklə, məhkəmə iclasında müəyyən edilmişdir ki, Azərbaycan Respublikası Ekologiya və Təbii Sərvətlər Nazirliyinin 2 saylı Regional Ekologiya və X7 rəisi Şəxs tərəfindən X4 İXM-nin 242-ci maddəsi ilə inzibati məsuliyyətə cəlb edilməsi ilə bağlı material üzrə 15 gün ərzində işə baxmalı olduğu halda bunu etməyərək İXM-nin 111.1-ci maddəsinin tələblərini pozmuşdur. Məhkəmədə Şəxs məsuliyyətini yüngülləşdirən və ağırlaşdıran hallar müəyyən edilmədi. İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə, işin faktiki hallarını, barəsində inzibati xəta haqqında icraat aparılan şəxsin şəxsiyyətini, maddi vəziyyətini, habelə törədilmiş inzibati xətanın xarakterini nəzərə alaraq hesab edir ki, Şəxs İXM-in 596.2-ci maddəsində nəzərdə tutulmuş inzibati xətanı törətməkdə təqsirli bilinməli və barəsində aşağı həddə cərimə növündə tənbeh tədbiri tətbiq edilməlidir. Məhkəmə qeyd edir ki, cərimə növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Qeyd olunanlara əsasən və İXM-in 40, 43, 48-51, 55, 114, 115, 128-130 və 596.2-ci maddələrini rəhbər tutaraq, məhkəmə Q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 596.2-ci maddəsində nəzərdə tutulan inzibati xətanı törətməkdə təqsirli bilinsin və ona 200 (iki yüz) manat məbləğində cərimə növündə inzibati tənbeh tədbiri tətbiq edilsin. Qərardan rəsmi qaydada verildiyi gündən 10 (on) gün müddətində Tovuz Rayon Məhkəməsi vasitəsilə və ya bilavasitə Gəncə Apellyasiya Məhkəməsinə şikayət və ya protest verilə bilər. Hakim Zaur Hünmətov