Tovuz Rayon Məhkəməsi Qərar — İş №3(062)-960/2023

Azərbaycan Respublikası adından QƏRAR Tovuz rayon İş № 3(062)-960/2023 15.11.2023 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi, İsayev Emin Arif oğlunun katibliyi, Tovuz Rayon İcra və Probasiya Şöbəsinin icra məmuru X2, Barəsində inzibati xəta haqda iş üzrə icraat aparılan Şəxs iştirakları ilə xx.xx.1985-ci ildə Tovuz rayonunda anadan olmuş, Azərbaycan Respublikasının vətəndaşı, orta təhsilli, evli, işsiz, əlilliyi olmayan, deməsinə görə məhkumluğu olmayan, Tovuz rayonu Əsrik Cırdaxan kəndində qeydiyyatda olan, Şəxsbarəsində Azərbaycan Respublikası İXM-nin 528.1-ci maddəsi ilə Tovuz Rayon İcra və Probasiya Şöbəsindən daxil olmuş inzibati xəta haqqında işə baxaraq MÜƏYYƏN ETDİ: Şəxs məhkəməyə verilmişdir ona görə ki, Gəncə Apelyasiya Məhkəməsinin 18 oktyabr 2018-ci il tarixli 2 (104)-3811/2018 saylı icra vərəqəsinə əsasən 03 sentyabr 2008-ci ildə anadan olmuş Sərdar və 19 yanvar 2016-cı ildə anadan olmuş Əlirza adlı uşaqların yetkinlik yaşına çatanadək saxlanması üçün Şəxs hər ay sabit pul məbləğində hər uşaq üçün 150 manat alimentin alınaraq X1 verilməsi barədə icra vərəqəsinin icrasından üzrsüz səbəbdən müxtəlif bəhanələrlə boyun qaçırmışdır. Tovuz Rayon İcra və Probasiya şöbəsinin icra məmuru X4 məhkəmə iclasında göstərdi ki, Gəncə Apelyasiya Məhkəməsinin 18 oktyabr 2018-ci il tarixli 2 (104)-3811/2018 saylı icra vərəqəsinə əsasən 03 sentyabr 2008-ci ildə anadan olmuş Sərdar və 19 yanvar 2016-cı ildə anadan olmuş Əlirza adlı uşaqların yetkinlik yaşına çatanadək saxlanması üçün Şəxs hər ay sabit pul məbləğində hər uşaq üçün 150 manat alimentin alınaraq X1 verilməsi qət olunmuşdur. Həmin icra vərəqəsinin icrasından Şəxs üzrsüz səbəbdən müxtəlif bəhanələrlə boyun qaçırmışdır. Şəxs icra vərəqəsi üzrə borcundan ödəmələr etsə də hazırda borcu 500 manat təşkil edir. Ona görə də Şəxs barəsində inzibati protokol tərtib olunaraq məhkəməyə göndərilmişdir. Barəsində inzibati xəta haqda iş üzrə material olan Şəxs ona istinad edilən xətanı törətməkdə özünü təqsirli bilməyərək ifadəsində göstərdi ki, məhkəmə tərəfindən uşaqları üçün müəyyən olunmuş alimenti ödəmişdir. Hər ay alimenti ödəməklə yanaşı yığılmış borcunu da ödəyir. Bu gün borcundan 500 manat ödəmə etmişdir. Bəzi hesablanmayan qəbzləri də icra məmuruna bu gün təqdim etmişdir. Onda olan qəbzlər ilə hər ay ödəmə etməsi müəyyən olunur. Qəbzlərin icra məmuruna verməyin vacib olduğunu bilməmişdir. Bütün ödəmə etdiyi qəbzləri özündə saxlayır. Bu gün də borcundan 500 manat ödəmə etmişdir. Qalıq borcu icra məmurunun iştirakı ilə hesablandıqdan sonra o borcu da bir ay içərisində tamamilə bağlayacaqdır. Borcunu ödəməkdən yayınmaq fikri yoxdur. Ona görə də hesab edir ki, qətnamənin icrasından qərəzli boyun qaçırmır. Odur ki, məhkəmədən ədalətli qərar verilməsini xahiş etdi. Məhkəmə iş materiallarına əlavə olunmuş sənədləri nəzərdən keçirib, inzibati xəta törətmiş şəxsin və protokolu tərtib etmiş şəxsin izahatlarını dinləyib hesab edir ki, Şəxs barəsində olan inzibati xəta haqqında iş üzrə icraata xitam verilməlidir. Azərbaycan Respublikası İXM-nin 528.1-ci maddəsində icra sənədindəki tələbin üzrsüz səbədən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə məsuliyyət müəyyən olunmuşdur. Məhkəmə iclasında müəyyən edildi ki, borclu təqdim etdiyi qəbzlər üzrə aliment borcundan hər ay ödəmə etmişdir. Qətnamənin icrasından boyun qaçırmır. İcra məmuru tərəfindən Şəxs ümumilikdə borcu 500 manat müəyyən olunmuşdur ki, buradan da onun məhkəmə qətnaməsinin icrasından qərəzli boyun qaçırması halı müəyyən olunmamışdır. Təqdim olunan qəbzlərdən görünür ki, Şəxs ödəməni mütəmadi edir. Barəsində protokol tərtib olunduğu vaxtdan 5 gün öncə yəni 10 noyabr 2023-cü il tarixdə 300 manat və protokol tərtib olunan gün yəni 15 noyabr 2023-cü il tarixdə 500 manat ödəmə etmişdir. Bundan sonra da Şəxs yığılan borcunun və hər ay alimenti ödəmək istəyinin olması göstərir ki, o qərarın icrasından qərəzli şəkildə boyun qaçırmır. Bu hal onu deməyə əsas verir ki, onun əməlində inzibati xətanın tərkibi yaranmamışdır. Azərbaycan Respublikası İnzibati Xətalar Məcəlləsinin 53.1.2-ci maddəsinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114-cü maddəsinə görə bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında işin icraatına xitam verilməsi haqqında qərar çıxarılır. Ona görə də məhkəmə hesab edir ki, Şəxs əməlində icra sənədini üzrsüz səbəbdən icra etməmə əlamətləri müəyyən edilmədiyindən onun əməlində inzibati xəta tərkibi yoxdur və o Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib, inzibati qaydada tənbeh edilə bilməz, odur ki, onun barəsində inzibati xəta haqqında işin icraatına xitam verilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 53, 57, 114, 115, 128 və 130-cu maddələrini rəhbər tutaraq, məhkəmə QƏRARA ALDİ Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsinin tərkibi olmadığından, onun barəsində olan inzibati xəta haqqında işin icraatına xitam verilsin. Qərardan, onun rəsmi qaydada verildiyi vaxtdan 10 (on) gün ərzində Tovuz Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti və ya apelyasiya protesti verilə bilər. Sədrlik edən Qafil Baxşıyev