Tovuz Rayon Məhkəməsi Qərar — İş №3(062)-968/2023

Azərbaycan Respublikası adından QƏRAR Tovuz rayon İş № 3(062)-968/2023 16.11.2023 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi, İsayev Emin Arif oğlunun katibliyi, Protokolu tərtib etmiş Tovuz RPŞ Qovlar PB-nin sahə rəisi X3 Zərərçəkmiş şəxs X1, Barəsində inzibati xəta haqda iş üzrə icraat aparılan fiziki şəxs Şəxs iştirakları ilə xx.xx.1988-ci ildə Tovuz rayonunda anadan olmuş, Azərbaycan Respublikasının vətəndaşı, orta təhsilli, əlilliyi olmayan, əvvəllər inzbati xətaya məruz qalmamış, deməsinə görə məhkumluğu olmayan, Tovuz rayonu Yanıqlı kəndində qeydiyyatda olan və yaşayan, Şəxs - Haqqında Azərbaycan Respublikası İXM-nin 157-ci maddəsi ilə Tovuz Rayon PŞ-dən daxil olmuş inzibati xəta haqqında materiala baxaraq, MÜƏYYƏN ETDİ: Şəxs xx.xx.2023-cü il tarixdə Tovuz rayonu Yanıqlı kəndində yaşadıqları evin həyətində aralarında yaranmış münaqişə zəminində arvadı X2 döyərək ona dərəcəsi təyin olunmayan xəsarətlər yetirmişdir. Faktla bağlı 16 noyabr 2023-cü il tarixdə Şəxs barəsində Azərbaycan Respublikası İXM-nin 157-ci maddəsi ilə inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqda iş üzrə icraat aparılan Şəxs verdiyi ifadəsində törətdiyi xətanı etiraf edərək göstərdi ki, Aytən Yusifova onun arvadıdır. 27 oktyabr 2023-cü il tarixdə saat 12:30 radələrində o yaşadığı evə gəlmiş, həmin vaxt qapılarının bağlı olduğunu görmüşdür. Bir qədər sonra Aytənin oğlu İdris ilə bərabər gəldiyini görmüşdür. O Aytəndən harada olduğunu soruşmuş, Aytən də uşağı məktəbdən götürməyə getdiyini bildirmişdir. O Aytənə nəyə görə uşağı anasının gətirmədiyini bildirmişdir. Aytən isə anasının işinin olduğunu ona bildirmişdir. Bu zaman mübahisə yaranmış, hirsləndiyi üçün Aytəni vurmuşdur. Bundan sonra evdən çıxıb mağazaya getmişdir. X5 ilə barışmış, etdiyi hərəkətlərdən peşmandır, bir daha ona qarşı belə hərəkətlər etməyəcəkdir, odur ki, barəsində olan işin icraatına xitam verilməsini məhkəmədən xahiş etdi. Zərərçəkmiş şəxs X4 məhkəmə iclasında verdiyi ifadəsində göstərdi ki, Şəxs onun əridir. 27 oktyabr 2023-cü il tarixdə aralarında mübahisə yaranan zaman Şəxs onu vuraraq döymüşdür. Hazırda barışmışlar. Ondan şikayətçi deyil. Odur ki, Şəxs barəsində olan işin icraatına xitam verilməsini məhkəmədən xahiş etdi. İşə əlavə edilmiş 13 noyabr 2023-cü il tarixli cinayət işinin başlanmasının rədd edilməsi barədə qararın surətindən görünür ki, Şəxs əməlində cinayət tərkibi olmadığından barəsində cinayət işinin başlanması rədd edilmişdir. İşə əlavə edilmiş X1 məhkəməyə təqdim etdiyi ərizədən görünür ki, o, Şəxs ilə barışmış və işin icraatına xitam verilməsini xahiş etmişdir. Məhkəmə barəsində inzibati xəta haqda iş üzrə icraat aparılan şəxsin və zərərçəkmiş şəxsin ifadəsini dinləyib, iş materiallarını araşdıraraq hesab edir ki, inzibati xəta törətmiş Şəxs barəsində olan inzibati xəta haqda iş üzrə icraata xitam verilməlidir. Azərbaycan Respublikası İXM-nin 39.1-ci maddəsinə əsasən bu Məcəllənin 157 və 158-ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanılır, zərərçəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. Həmin Məcəllənin 53.1.9-cu maddəsinə əsasən 157 və 158-ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda inzibati xəta haqqında iş üzrə icraata xitam verilir. Həmin Məcəllənin 114.1.4-cü maddəsinə əsasən, inzibati xəta haqqında işlərə baxılarkən inzibati xəta barədə iş üzrə icraata xitam verilməsi haqqında qərar çıxarılır. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilir. Məhkəmə iclasında müəyyən edildi ki, barəsində inzibati xəta haqda iş üzrə icraat aparılan Şəxs zərərçəkmiş şəxs X4 ilə barışmış, odur ki, məhkəmə hesab edir ki, iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 106, 114 və 115-ci maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İXM-nin 157-ci maddəsi ilə olan inzibati xəta haqqında iş üzrə icraata zərərçəkmiş şəxslə barışması əsası ilə xitam verilsin. Qərardan 10 (on) gün müddətinə Tovuz Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti və ya protesti verilə bilər. Sədrlik edən Qafil Baxşıyev