Ucar Rayon Məhkəməsi Qərar — İş №3(063)-251/2025

Azərbaycan Respublikası adından QƏRAR Ucar rayonu İş № 3(063)-251/2025 02.06.2025 UCAR RAYON MƏHKƏMƏSİ Mən, Ucar Rayon Məhkəməsinin hakimi Bədəlov Xəyal Natiq oğlu, Məmmədov Seyfəddin Ədil oğlunun katibliyi, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında iş üzrə protokol tərtib etmiş vəzifəli şəxs X2 iştirakları ilə 24 avqust 1996-cı ildə Göyçay şəhərində doğulmuş, Azərbaycan Respublikası vətəndaşı, subay, fərdi əmək fəaliyyəti ilə məşğul olan, ünvan 1 ünvanında qeydiyyatda olmaqla, yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM) 206-cı maddəsi ilə Ucar rayon Polis Şöbəsindən daxil olmuş inzibati xəta haqqında materiala Ucar Rayon Məhkəməsinin inzibati binasında keçirilən açıq məhkəmə iclasında baxaraq, müəyyənetdim: 21 may 2025-ci il tarixdə Ucar RPŞ-nin əməkdaşları tərəfindən keçirilmiş əməliyyat tədbirləri zamanı narkotik vasitələrin qanunsuz saxlanmasında, daşınmasında və istifadəsində şübhəli olan Şəxs Ucar rayonu, Qazıqumlaq kəndində saxlanılmış və sonuncunun narkoloji-tibbi yoxlama zamanı psixotrop maddə olan metamfetamindən istifadə etdiyi müəyyən olunmuşdur. Bu əməli ilə o, İXM-in 206-cı maddəsi ilə nəzərdə tutulmuş inzibati xətanı törətməkdə təqsirli bilinir. Həmin hadisə ilə əlaqədar 02 iyun 2025-ci il tarixli, MN seriyalı, ******* saylı inzibati xəta haqqında protokol tərtib edilərək baxılması üçün Ucar Rayon Məhkəməsinə göndərilmişdir. Məhkəmə iclasında iştirak edən Ucar rayon Polis Şöbəsinin İTB-nin polis sahə rəisi X3 tərtib etdiyi protokolun məzmununa uyğun, eyni məzmunlu izahat verərək, bildirdi ki, 21 may 2025-ci il tarixdə Ucar RPŞ-nin əməkdaşları tərəfindən keçirilmiş əməliyyat tədbirləri zamanı narkotik vasitələrin qanunsuz saxlanmasında, daşınmasında və istifadəsində şübhəli olan Şəxs Ucar rayonu, Qazıqumlaq kəndində saxlanılmış və sonuncunun narkoloji-tibbi yoxlama zamanı psixotrop maddə olan metamfetamindən istifadə etdiyi müəyyən olunmuşdur. Beləliklə, Şəxs əməlində cinayət tərkibinin əlamətləri olmadığından onun barəsində cinayət işinin başlanması rədd edilmiş və barəsində Azərbaycan Respublikası İXM-nin 206-cı maddəsi ilə inzibati qaydada tədbir görülməsi üçün RPŞ-nin İTB-yə göndərilmiş və sonuncu barəsində inzibati xəta haqqında protokol tərtib edilərək baxılması üçün Ucar Rayon Məhkəməsinə təqdim edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü İXM-nin 206-cı maddəsi ilə təqsirli bilərək izahatında göstərdi ki, o, valideynləri ilə birlikdə ünvan 2 ünvanında yaşayır. Rəsmi olaraq heç bir yerdə işləmir. Fərdi qaydada Göyçaу rayonu, Potu kəndi ərazisində yerləşən mebel sexində usta işləyir. Göyçay şəhərində yaşayan X4 və X5 tanıyır. 20 may 2025-ci il tarixdə, təxminən saat 18:00 radələrində Göyçay şəhərində Səbuhi ilə görüşüb söhbət edərkən Səbuhi bacısı oğlunun toyu olacağını, Gəncə şəhərində mebel sifariş verdiklərini, birlikdə Gəncə şəhərinə gedib mebelə baxmalarını demişdir. Həmin vaxt X13 şəhər xəstəxanasından dərman almaq istədiyini bildirərək onu da Gəncə şəhərinə aparmasını xahiş etmişdir. Bildiyinə görə Natiq özü uzun müddətdir ki, «QİÇS» (SPİD) xəstəsidir. Səbuhi etiraz etməmiş və o, Natiqlə Səbuhinin idarə etdiyi “Vaz-2107” markalı avtomobilə əyləşdikdən sonra onlar Gəncə şəhərinə getmişlər. Gəncə şəhərinə çatdıqdan sonra onunla Səbuhi gedib mebelə baxmış, Natiq isə xəstəxanaya gedib dərman almış və onlar Səbuhinin avtomobilinə əyləşib Göyçay rayonu istiqamətində gəlmişlər. Ucar rayonu, Qazıqumlaq kəndi ərazisinə çatanda Səbuhi nəfəs almaqda çətinlik çəkmiş və avtomobili yolun kənarında saxlamışdır ki, dərman qəbul etsin. Səbuhi avtomobili yolun kənarında saxlayanda onlara polis əməkdaşları yaxınlaşıb nə etdiklərini soruşmuş, Səbuhi də polis əməkdaşlarına xəstə olduğunu, dərman qəbul etmək istədiyini bildirmişdir. Polis əməkdaşları onların narkotik vasitə istifadə etmələrindən şübhələnib üstlərinə və avtomobilə baxış keçirəcəklərini bildirmişlər. Onlar etiraz etməmiş və polis əməkdaşları əvvəlcə Səbuhinin, Elşənin, Natiqin üstünü yoxlayıb hər üçündən də mobil telefonu götürmüşlər. Sonra polis əməkdaşları Səbuhinin idarə etdiyi avtomobilə baxış keçirmişlər. Baxış zamanı Səbuhinin idarə etdiyi avtomobilin ön oturacaqları arasında olan qoltuq altının içərisində saxladığı 1 ədəd kağız bükümdə olan limon duzu və 03 ədəd şpris aşkar edilmişdir. Şifahi sorğu zamanı Səbuhi kağız bükümdə olan limon duzu, şprisdə olan mayenin isə natrium xlorid olduğunu və özünə məxsus olduğunu bildirmişdir. Daha sonra ağız bükümdə olan ağ rəngli cristalşəkilli maddə, şprislər və mobil telefonları ayrı-ayrı zərflərdə qablaşdırılaraq möhürlənib götürülmüşdür. Üstülərinin yoxlanılması və Səbuhinin idarə etdiyi avtomobila baxış keçirilməsinin görüntüləri polis əməkdaşları tərəfindən əvvəldən axıra kimi videoçəkiliş vasitəsi ilə qeydə alınmış və videoçəkiliş başa çatdırıldıqdan sonra polis əməkdaşları onları sənədləşmə aparılmasından ötrü RPŞ-yə dəvət etmişlər. Hazırda törətdiyi əməldən peşmandır, bu halların və bir daha belə hərəkətlərə yol verməyəcəyinə dair vədinin nəzərə alınaraq barəsində ədalətli qərar qəbul edilməsini xahiş etdi. İş materiallarında olan sənədlərdən görünür ki, 21 may 2025-ci il tarixdə Ucar RPŞnin əməkdaşları tərəfindən keçirilmiş əməliyyat tədbirləri zamanı narkotik vasitələrin qanunsuz saxlanmasında, daşınmasında və istifadəsində şübhəli olan Şəxs Ucar rayonu, Qazıqumlaq kəndində saxlanılmış və sonuncunun narkoloji-tibbi yoxlama zamanı psixotrop maddə olan metamfetamindən istifadə etdiyi müəyyən olunmuşdur. İş materiallarında olan 21 may 2025-ci il tarixli cinayət işi başlanmasının rədd edilməsi barədə qərarın surətindən görünür ki, Şəxs əməlində cinayət tərkibinin əlamətləri olmadığından onun barəsində cinayət işinin başlanması rədd edilmiş və barəsində Azərbaycan Respublikası İXM-nin 206-cı maddəsi ilə inzibati qaydada tədbir görülməsi üçün RPŞ-nin İTB-yə göndərilmişdir. Həmçinin, qərarın surətindən görünür ki, toplanmış material üzrə aparılan araşdırma zamanı 21 may 2025-ci il tarixdə Şəxs, X6 və X1 üstünün yoxlanılması və Səbuhi Həsənovun idarə etdiyi Vaz-2107 markalı, ** GH *** dövlət qeydiyyat nişanlı avtomobilə baxışın keçirilməsinin görüntülərinin yaddaşına köçürüldüyü 2 ədəd Kompakt Disk maddi sübut kimi tanınmış və araşdırma materiallarına əlavə edilmişdir. Bundan əlavə, qərarın, eləcə də Azərbaycan Respublikası Ədliyyə Nazirliyi Məhkəmə Ekspertizası Mərkəzinin Şəki regional bölməsinin 21 may 2025-ci il tarixli, 17/368 nömrəli ekspert rəyinin surətindən görünür ki, tədqiqata təqdim edilmiş, üzərində “X6 idarə etdiyi Vaz 2107 markalı, ** GH *** d.q. nişanlı avtomobildə aşkar olunmuş şprislər və ağ rəngli kristal şəkilli maddə.” Yazısı, adlar və imzalar olan 01 (bir) ədəd zərfin içərisindəki digər 01 (bir) ədəd zərfin içərisində olan 01 (bir) ədəd ağ rəngli kağız bükümdə, təmiz çəkisi – 0,188 qram olan maddə narkotik vasitələrə və psixotrop maddələrə aid deyildir. 01 (bir) ədəd şprisin içərisindəki həcmi 2,5 ml olan maye halında maddə narkotik vasitələrə və psixotrop maddələrə aid deyildir. Digər 02 (iki) ədəd şprisdə narkotik vasitə və psixotrop maddə izləri aşkar edilmədi. Tədqiqata 0,050 qram sərf edildikdən sonra maddənin qalıq çəkisi 0,138 qram təşkil etmişdir. Tədqiqata 0,5 ml sərf edildikdən sonra mayenin qalıq çəkisi 2,0 ml təşkil etmişdir. İşdə olan Azərbaycan Respublikası Səhiyyə Nazirliyi Gəncə şəhər Narkoloji Dispanseri tərəfindən verilmiş 21 may 2025-ci il tarixli, 832 saylı rəydən görünür ki, Şəxs psixotrop maddələrdən istifadə edir, psixotrop maddə olan metamfetamindən sui-istifadə nəticəsində yaranmış narkomaniya xəstəliyindən əzab çəkir, narkomaniya xəstəliyindən məcburi müalicəyə ehtiyacı var, narkoloji kabinetdə qeydiyyata alınması məsləhət görülür. İşdə olan şəxsin fərdi məlumatlarından görünür ki, Şəxs Göyçay Rayon Məhkəməsinin 24 noyabr 2021-ci il tarixli hökmü ilə Azərbaycan Respublikasının CM-nin 177.2.2, 177.2.3-cü maddələri ilə təqsirli bilinərək qəti olaraq 03 il 02 ay müddətə azadlıqdan məhrumetmə cəzasına məhkum edilmişdir. İşdə olan inzibati qaydada tutma haqqında 21 may 2025-ci il tarixli, AZA 027892 saylı protokoldan görünür ki, Şəxs 21 may 2025-ci il tarixdə, saat 21:30-da inzibati qaydada tutulmuş, 22 may 2025-ci il tarixdə, saat 11:30-da isə azad edilmişdir. İşdə olan şəxsi axtarış və fiziki şəxslərdə olan əşyaları yoxlama haqqında 21 may 2025-ci il tarixli, AZA 011086 saylı protokoldan görünür ki, Şəxs üzərindən qanunla qadağan edilmiş hər-hansı əşya və ya predmet aşkar edilməmişdir. Azərbaycan Respublikası İXM-nin 43.1-ci maddəsinə əsasən rayon (şəhər) məhkəmələri bu Məcəllənin 157‒188, 190, 191.1, 195.1, 196, 197, 198.2, 198.3, 204, 205, 205-1.2, 206–208, 211.1, 221, 227, 229, 232-1, 251.3, 253-1.1, 262, 263, 264.0.2, 264.0.3, 264.0.5, 267, 272.1, 272.3, 275.4, 275.5, 284.2, 286, 290.3, 295.6, 295.7, 296.2, 325.1, 326, 327.8, 332.4‒332.7, 333, 333-1, 334, 334-1, 335.5, 335.6, 337.5, 337.6, 338.7, 338.10, 339.2‒339.5, 340.2, 341, 342.8, 342.9, 343.1 – 343.7, 343.9, 343- 1.1 – 343-1.9, 343-1.11, 349, 351, 351-1, 353.5, 361, 362-3, 363, 363-1, 363-2, 368‒379, 381.1‒381.7, 388‒388-2, 393-1.2, 394.0.5 (tikintisinə icazə tələb olunan açıq məkanda reklam qurğularının tikintisi zamanı tikinti norma və qaydalarının pozulmasına münasibətdə), 394.0.6 (tikintisinə icazə tələb olunan açıq məkanda reklam qurğularının istismara verilməsi qaydalarının pozulmasına münasibətdə), 394.0.7 (müvafiq icra hakimiyyəti orqanının yaratdığı qurumun göstərişlərinə və qərarlarına əməl etməməsinə münasibətdə), 394.0.8, 394-1, 395.1 (həmin əməlin müvafiq icra hakimiyyəti orqanının yaratdığı qurumun sərəncamına verilmiş torpaq sahəsində bu qurumun sərəncamında olduğu müddətdə törədilməsi hallarına münasibətdə), 395.1-1, 395.1-2, 395.2 (həmin əməlin müvafiq icra hakimiyyəti orqanının yaratdığı qurumun sərəncamına verilmiş torpaq sahəsində bu qurumun sərəncamında olduğu müddətdə törədilməsi hallarına münasibətdə), 398, 399, 401‒404, 406‒409, 410.3, 411-1.2, 412, 413, 428.7, 428.9, 428.10, 429.0.5, 431, 432.3, 438.2, 438.3, 440.3, 440-1, 441, 442, 443.1, 445-1, 448, 449, 451, 456, 459.1, 459.2, 459-1, 462 (siyasi partiyalara münasibətdə) 464‒466, 469.1 (auditorun peşə məsuliyyətinin icbari sığortasına münasibətdə), 477- 2.2, 479‒481, 482.1, 482-1, 496.2, 499.2, 502‒504, 506‒508, 510, 511, 513, 515‒517, 517-1, 517-2, 520, 523, 525‒535, 537.1, 538-1, 540.5, 544.1, 547, 549‒554, 558‒561, 562.1, 562.2, 562-1, 563.2, 567‒569, 571, 573, 574, 590‒592, 592-1, 594‒596, 598, 599‒602, 602-1 (müvafiq icra hakimiyyəti orqanı tərəfindən inzibati xətaların törədilməsinə münasibətdə), 602-2, 602-3, 603, 605, 606.1, 608 və 609-cu maddələrində nəzərdə tutulmuş inzibati xətalar haqqında işlərə baxırlar. İnzibati xəta haqqında materialı araşdırıb, sübutlara məcmu halda, hüquqi qiymət verərək hesab edirəm ki, Şəxs İXM-nin 206-cı maddəsində nəzərə tutulmuş inzibati xətanı təqsirli olaraq törətməsi sübuta yetirilmişdir. Azərbaycan Respublikası İnzibati Xətalar Məcəlləsinin 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan az miqdarda hazırlanmasına, əldə edilməsinə, saxlanılmasına, daşınmasına və ya göndərilməsinə görə üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə barəsində inzibati xəta haqqında iş üzrə icraat aparılan şəxsin səmimi peşmançılıq çəkməsini və bir daha belə hərəkətlərə yol verməyəcəyinə dair vədini onun məsuliyyətini yüngülləşdirən hallar kimi nəzərə alır. Barəsində inzibati xəta haqqında iş üzrə icraat aparılan şəxsin məsuliyyətini ağırlaşdıran hallar müəyyən edilməmişdir. Həmçinin məhkəmə onu da qeyd etməyi zəruri hesab edir ki, inzibati tənbeh məsələsi müzakirə edilərkən inzibati tənbehin növü və miqdarının seçilməsinin mühüm əhəmiyyəti vardır. inzibati tənbeh birinci növbədə barəsində inzibati xəta haqqında iş üzrə icraat aparılan şəxsin islah olunmasına xidmət etməlidir. İnzibati tənbehin tətbiqi məsələləri müzakirə edilərkən eyni zamanda barəsində inzibati xəta haqqında iş üzrə icraat aparılan şəxsin ailədə mənfi davranışını təsdiq edən məlumatların olub-olmaması (məsələn, sərxoşluğa qurşanması, ailə üzvlərinə qəddar münasibət göstərməsi, uşaqların tərbiyəsinə mənfi təsir göstərən hərəkətlərə yol verməsi və s.) kimi hallara da diqqət yetirilməlidir. Barəsində inzibati xəta haqqında iş üzrə icraat aparılan şəxs Şəxs Göyçay Rayon Məhkəməsinin 24 noyabr 2021-ci il tarixli hökmü ilə Azərbaycan Respublikasının Cinayət Məcəlləsinin 177.2.2 və 177.2.3-cü maddələri ilə təqsirli bilinərək qəti olaraq 03 il 02 ay müddətə azadlıqdan məhrumetmə cəzasına məhkum edilməsi onun cəmiyyət arasında real islah yoluna qədəm qoymamasını olunmamasını, həmçinin, cəmiyyətə mənfi təsir edəcək hallar kimi öz təsdiqini tapmışdır. Məsuliyyəti yüngülləşdirən halların olmasını, ağırlaşdıran halların isə olmamasını, inzibati xətanın xarakterini, inzibati xəta törədən şəxsin şəxsiyyətini, əvvəllər məhkumluğunun olmasını, islah olunmamasını, onun törətdiyi xəta əməlində bilavasitə ümumilikdə cəmiyyətin, əhalinin sağlamlığının təhlükəsizliyini təmin edən ictimai münasibətlərə qəsd edildiyini, bununla da cəmiyyətdə mənfi emosiyalar doğurmasını, narkotik vasitələrin təsiri altında digər həyat və sağlamlıq, tamah-zorakı və mülkiyyət əleyhinə olan hüquqazidd əməllər törədə bilmə ehtimalını, habelə əmlak vəziyyətini, onun təqsirinin dərəcəsini nəzərə alaraq, ona İXM-nin 206-cı maddəsinin sanksiyasında nəzərdə tutulmuş həbs növündə inzibati tənbeh tətbiq edilməsini qanuni, legitim, əsaslı və ədalətli hesab edirəm. Azərbaycan Respublikası İXM-nin 37-ci maddəsinin İ, İİİ, İV, V və Vİİ hissələrinə əsasən inzibati həbs nəzərdə tutan inzibati xəta törətmiş, narkomaniyadan müalicəyə ehtiyacı olan şəxslərə inzibati həbs tənbeh növü tətbiq edilərkən məhkəmə tərəfindən onlara məcburi müalicə təyin edilir və inzibati həbs növündə inzibati tənbeh çəkilib qurtardıqdan sonra icra olunur. Barəsində inzibati həbs tənbeh növü tətbiq edilməklə yanaşı, tibbi yoxlama nəticəsinə əsasən narkomaniyadan məcburi müalicə təyin edilmiş şəxslər inzibati həbs tənbeh növünü çəkib qurtardıqdan sonra müvafiq icra hakimiyyəti orqanının tabeliyində olan ixtisaslaşdırılmış tibb müəssisəsində müalicə olunurlar. Şəxs barəsində narkomaniyadan məcburi müalicə təyin edildikdə, məhkəmə bu barədə qanuni qüvvəyə minmiş qərarının surətini icra olunması üçün ixtisaslaşdırılmış tibb müəssisəsinə, habelə məcburi müalicənin icrasına nəzarət edilməsi üçün icra məmuruna göndərir. Barəsində narkomaniyadan məcburi müalicə təyin edilmiş şəxs inzibati həbs müddətinin başa çatdığı gün inzibati həbs yerinin nümayəndəsinin müşayiəti ilə məcburi müalicənin həyata keçirildiyi ixtisaslaşdırılmış tibb müəssisəsinə təhvil verilir. İxtisaslaşdırılmış tibb müəssisəsində məcburi müalicə barədə məhkəmə qərarının tələblərinin yerinə yetirilməsinə icra məmuru tərəfindən nəzarət edilir. Eyni zamanda, Şəxs narkomaniyadan məcburi müalicə təyin olunmalı və o, ərazi narkoloji dispanserdə qeydiyyata alınmalıdır. Şəxs inzibati həbs müddətinin başa çatdığı gün inzibati həbs yerinin nümayəndəsinin müşayiəti ilə məcburi müalicənin həyata keçirildiyi ixtisaslaşdırılmış tibb müəssisəsinə təhvil verilməlidir. Həmçinin, Şəxs üzərinə videoçəkiliş ilə keçirilmiş şəxsi axtarışın görüntülərinin yaddaşına köçürüldüyü 1 ədəd Kompakt Disk maddi sübut kimi tanınmaqla, araşdırma materiallarına əlavə edilməsi nəzərə alınmalıdır. Həmçinin qeyd edirəm ki, Şəxs 21 may 2025-ci il tarixdə, saat 21:30-da inzibati qaydada tutulmuş və 22 may 2025-ci il tarixdə, saat 11:30-da azad edilmişdir ki, bu da onun barəsində inzibati qaydada həbs növündə tənbeh tətbiq edilərkən nəzərə alınmalı və həmin müddətə daxil edilməlidir. Azərbaycan Respublikası İXM-nin 30.3-cü maddəsinə əsasən inzibati qaydada tutma müddəti inzibati həbs müddətinə daxildir. Yuxarıda göstərilənlərə əsasən və İXM-nin 31.4, 33.1.2, 34.2, 37, 40, 43, 48-51, 110, 114-117, 128-130-cu maddələrini rəhbər tutaraq, qəraraaldım: Şəxs Azərbaycan Respublikası İnzibati Xətalar Məcəlləsinin 206-cı maddəsi ilə inzibati xətanı törətməkdə təqsirli bilinsin və ona inzibati tənbeh olaraq 20 (iyirmi) gün müddətində həbs təyin olunsun. İnzibati qaydada tutulduğu iki gün müddət inzibati tənbeh olaraq təyin edilmiş 20 (iyirmi) gün müddətində həbs tənbeh tədbirindən çıxılaraq üzərində qəti olaraq 18 gün müddətə inzibati qaydada həbs tənbeh tədbiri təyin edilsin. Şəxs məhkəmə iclas zalından dərhal həbs edilsin. Həbs etmənin əvvəli 02 iyun 2025-ci il tarixdən saat 13:20-dən hesablansın. Şəxs qərarın icrası ilə bağlı olaraq, saxlanılması üçün Azərbaycan Respublikası Daxili İşlər Nazirliyi Ucar rayon Polis Şöbəsinin müvəqqəti saxlama yerinə göndərilsin. Şəxs narkomaniyadan məcburi müalicə təyin olunsun və o, ərazi narkoloji dispanserdə qeydiyyata alınsın. Şəxs inzibati həbs müddətinin başa çatdığı gün inzibati həbs yerinin nümayəndəsinin müşayiəti ilə məcburi müalicənin həyata keçirildiyi ixtisaslaşdırılmış tibb müəssisəsinə təhvil verilsin. Şəxs narkomaniyadan məcburi müalicəsinə nəzarət Azərbaycan Respublikası Ədliyyə Nazirliyinin Ucar rayon icra və probasiya şöbəsinə həvalə edilsin. Şəxs üzərinə videoçəkiliş ilə keçirilmiş şəxsi axtarışın və idarə etdiyi avtomobilə keçirilmiş baxışın görüntülərinin yaddaşına köçürüldüyü 2 ədəd Kompakt Disk maddi sübut kimi tanınmaqla, araşdırma materiallarına əlavə edilməsi nəzərə alınsın. Qərarın surəti təqdim edildiyi və ya alındığı gündən 10 gün müddətində qərarı qəbul etmiş hakim vasitəsi ilə və ya birbaşa Şəki Apellyasiya Məhkəməsinə şikayət və ya protest verilə bilər. Hakim: Xəyal Bədəlov