Ucar Rayon Məhkəməsi Qərar — İş №3(063)-256/2023

Azərbaycan Respublikası adından QƏRAR Ucar rayonu İş № 3(063)-256/2023 08.12.2023 UCAR RAYON MƏHKƏMƏSİ Mən, Ucar Rayon Məhkəməsinin hakimi Bədəlov Xəyal Natiq oğlu, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokol tərtib etmiş vəzifəli şəxs X1 iştirakları ilə, xx xxxxxxxx 1988-ci il tarixdə Ucar rayonu, Alpout kəndində doğulmuş, Azərbaycan Respublikasının vətəndaşı, evli, Ucar rayonu, Alpout kəndində qeydiyyatda olmaqla, ünvan 1 ünvanında yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM-nin) 590.2-ci maddəsi ilə Ucar rayon Polis Şöbəsindən daxil olmuş inzibati xəta haqqında işə baxaraq, MÜƏYYƏN ETDİM: Ucar Rayon Polis Şöbəsindən daxil olmuş 16 noyabr 2023-cü il tarixli, MN seriyalı, ******* nömrəli inzibati xəta haqqında protokoldan və inzibati xəta haqqında iş materialından görünür ki, 28 oktyabr 2023-cü il tarixdə, saat 11:00 radələrində Ucar rayonunun Alpout kəndindən Şəxs müvafiq icra hakimiyyəti orqanından xüsusi icazə almadan saxladığı “MP-43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahı aşkar olunaraq götürülmüşdür. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü İXM-nin 590.2-ci maddəsi ilə təqsirli bilərək izahatında bildirdi ki, 2011-ci ildə (ayı və günü dəqiq yadında deyil) Ağdaş rayonunda işıqforun yaxınlığında yerləşən Fəxrəddin adlı şəxsə məxsus ovçular mağazasından qoşa lülə, 16 kalibrli, “Cifsan” markalı, 1713 nömrəli öv tüfəngini almışdır. Həmin silahı adına rəsmiləşdirmiş, bir müddət sonra silahda problem olduğundan qaytararaq aldığı şəxsə, yəni Fəxrəddinə vermişdir. Fəxrəddin isə əvvəlki silahı dəyişərək əvəzində “MP-43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahı vermişdir. Qeyd edilən silahı istifadə etmədiyinə görə yadından çıxdığından rəsmiləşdirməmişdir. 28 oktyabr 2023-cü il tarixdə polis əməkdaşları yaşadığı Ucar rayonu, Alpout kəndində yerləşən evinə gələrək onda olan silaha baxış keçirmişlər və baxış nəticəsində silahın sənədsiz olduğu müəyyən edilmişdir. Daha sonra, o, polis əməkdaşları tərəfindən Ucar RPŞ-yə dəvət edilmiş, müvafiq prosessual hərəkətlər həyata keçirildikdən sonra silah ondan alınaraq şöbəyə təhvil verilmişdir. Hazırda törətdiyi əməldən peşmançılıq hissi keçirdiyini bildirdi və buna görə də barəsində yüngül inzibati tənbeh tədbiri tətbiq edilməsini xahiş etdi. Məhkəmə iclasında iştirak edən inzibati xəta haqqında protokol tərtib etmiş vəzifəli şəxs X2 qeyd etdi ki, 28 oktyabr 2023-cü il tarixdə polis əməkdaşları rayon ərazisində olan silahların saxlanma vəziyyəti və şəraiti ilə tanış olma və yoxlama tədbirləri həyata keçirərkən Ucar rayonu, Alpout kənd sakini Şəxs yaşadığı evdə müvafiq icra hakimiyyəti orqanından xüsusi icazə almadan saxladığı “MP-43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahı aşkar olunaraq götürülmüş və şöbənin növbətçi hissəsində yerləşən maddi sübutlar seyfinə yerləşdirilmişdir. Faktla bağlı Ucar RPŞ-nin təhqiqatçısı X3 tərəfindən müvafiq təhqiqat hərəkətləri aparılmış və sonuncunun 07 noyabr 2023-cü il tarixli qərarı cinayət işinin başlanması rədd edilmiş, Şəxs barəsində Azərbaycan Respublikası İnzibati Xətalar Məcəlləsinin 590.2-ci maddəsilə tədbirlərin görülməsi məqsədilə material RPŞ-nin İTB-yə göndərilmişdir. Tərəfindən aidiyyəti üzrə inzibati araşdırma aparılmış, Şəxs izahatı alınaraq sonuncu barəsində 16 noyabr 2023-cü il tarixli, MN seriyalı, ******* nömrəli inzibati xəta haqqında protokol tərtib edilmişdir. İş materiallarını araşdıraraq belə nəticəyə gəlmək olar ki, Şəxs İXM-nin 590.2-ci maddəsində nəzərdə tutulmuş inzibati xətanı törətmişdir. Çünki, 07 noyabr 2023-cü il tarixli cinayət işi başlanmasının rədd edilməsi barədə qərardan görünür ki, toplanmış material üzrə cinayət işinin başlanması rədd edilməklə, Şəxs barəsində İXM-nin 590.2-ci maddəsi ilə inzibati qaydada tədbir görülməsi üçün qərarın surəti Ucar RPŞ-nin İTB-yə göndərilmişdir. Həmçinin, bu qərardan görünür ki, Şəxs götürülmüş “MP-43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahı müvafiq qaydada saxlanması üçün Ucar RPŞ-nin növbətçi hissəsinə təhvil verilmişdir. İşdə olan Ucar RPŞ-nin təhqiqatçısı X3 tərəfindən tərtib edilmiş 28 oktyabr 2023-cü il tarixli baxış keçirilməsi haqqında protokolun surətindən görünür ki, Şəxs saxladığı “MP- 43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahına hal şahidlərinin iştirakları baxış keçirilmişdir. İşdə olan Şəxs saxladığı “MP-43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahının fotoşəkillərinin surətlərindən görünür ki, silah vizual olaraq qoşa lülə olmaqla əlcək nömrəsi ******* olaraq qeyd edilmişdir. İşdə olan müsadirə edilmiş, tapılmış və könüllü təhvil verilmiş nörəli silahın DİN BƏSİİ-də nəzarətə götürülməsi barədə 03 noyabr 2023-cü il tarixli arayışın surətindən görünür ki, “MP-43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahı DİN BƏSİİ-nin RF DİN-in Baş İnformasiya Analitik Mərkəzində talanmış və itirilmiş silahların uçotları üzrə müəyyən edilməmişdir. İşdə olan Elektron Məhkəmə İnformasiya sistemindən çıxarışdan görünür ki, Şəxs himayəsində 11 noyabr 2019-cu təvəllüdlü Elmir, 17 sentyabr 2021-ci il təvəllüdlü Emilya adında iki azyaşlı övladı vardır. İXM-nin 590.2-ci maddəsinə əsasən müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə silah və döyüş sursatı müsadirə edilməklə səksən manatdan yüz manatadək məbləğdə cərimə edilir. İXM-nin 38-ci maddəsinin İİİ və V hissələrinə əsasən cinayət işinin başlanması rədd edildikdə və ya cinayət işinə xitam verildikdə, lakin şəxsin əməllərində inzibati xəta tərkibinin bütün əlamətləri olduqda, inzibati tənbeh cinayət işinin başlanmasının rədd edilməsi və ya ona xitam verilməsi haqqında qərar qəbul edildiyi gündən ən geci üç ay keçənədək verilə bilər. İnzibati xəta törətmiş şəxs qaçıb gizlənərsə, müddətin axımı dayanır. Bu halda müddətin axımı, həmin şəxsin aşkarlandığı vaxtdan bərpa olunur. Lakin inzibati xətanın törədildiyi vaxtdan bir il keçərsə, qaçıb gizlənən şəxs inzibati məsuliyyətə cəlb oluna bilməz. İşin faktiki hallarından da göründüyü kimi idarəçilik qaydaları əleyhinə olan inzibati xəta haqqında iş üzrə araşdırma 07 noyabr 2023-cü il tarixli cinayət işi başlanmasının rədd edilməsi barədə qərar qəbul edilmişdir. Bu mənada qeyd olunmalıdır ki, şəxsin inzibati məsuliyyətə cəlb edilməsi üçün 3 aylıq müddət ötürülməmiş, inzibati xəta haqqında protokol həmin müddət daxilində tərtib edilməklə, məhkəməyə təqdim edilmişdir. Həmçinin, hesab edirəm ki, barəsində inzibati xəta haqqında iş üzrə icraat aparılan şəxs Şəxs himayəsində iki azyaşlı uşağının olması onun məsuliyyətini yüngülləşdirən hallar kimi nəzərə alınmalıdır. Barəsində inzibati xəta haqqında iş üzrə icraat aparılan şəxsin məsuliyyətini ağırlaşdıran hallar müəyyən edilməmişdir. İnzibati xətanın xarakterini, inzibati xəta törədən şəxsin təqsirinin dərəcəsini, onun şəxsiyyətini və əmlak vəziyyəti barədə olan məlumatları, habelə məsuliyyətini yüngülləşdirən halın olmasını, ağırlaşdıran halların isə olmamasını, nəzərə alaraq, Şəxs İXM-nin 590.2-ci maddəsinin sanksiyasında nəzərdə tutulan, inzibati xətanın törədilməsində alət olmuş predmet, yəni “MP-43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahı müsadirə edilməklə, cərimə növündə inzibati tənbeh tədbirinin tətbiq edilməsini qanuni, əsaslı və ədalətli hesab edirəm. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 110, 114-117, 128-130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 590.2-ci maddəsi ilə təqsirli bilinib, ona inzibati xətanın törədilməsində alət olmuş predmet, yəni “MP-43E-1C” markalı, 2 lüləli (lülə nömrəsi 1140276), 16 çaplı yivsiz, qoşalüləli ov silahı müsadirə edilməklə, 90 (doxsan) manat cərimə növündə inzibati tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində qərarı qəbul etmiş hakim vasitəsi ilə və ya birbaşa Şəki Apellyasiya Məhkəməsinə şikayət və ya protest verilə bilər. Hakim: Xəyal Bədəlov