Füzuli Rayon Məhkəməsi Qərar — İş №3(064)-34/2023

Azərbaycan Respublikası adından QƏRAR Füzuli rayonu İş № 3(064)-34/2023 26.01.2023 FÜZULİ RAYON MƏHKƏMƏSİ Hakim Həşimov Yaşar Xanoğlan oğlunun sədrliyi, Zeynalov Xaliq Əhliman oğlunun katibliyi, Füzuli RPŞ-nin polis sahə rəisi polis leytenantı X1, Zərərçəkmiş şəxs, barəsində inzibati xəta haqqında iş üzrə icraat aparılan şəxs Şəxs və müdafiəçisi Vəkil iştirakları ilə, xx.xx.1966-cı il tarixində Füzuli rayonu, Kürdlər kəndində doğulmuş, Azərbaycan Respublikası vətəndaşı, həmin kəndə qeydiyyatda olmaqla, hazırda Füzuli rayonu, Qarabulaq yaşayış məntəqəsində yaşayan Şəxs barəsində Azərbaycan Respublikası İXM-in 510-cu maddəsi ilə başlanmış inzibati xəta haqqında işə baxaraq, müəyyənetdi: Füzuli RPŞ-nin polis sahə rəisi polis leytenantı X2 tərəfindən tərtib olunmuş xx.xx.2023-cü il tarixli, MN №1356372 saylı inzibati xəta haqqında protokolda qeyd edilir ki, Şəxs xx.xx.2023-cü il tarixində saat 09 radələrində Füzuli rayonu, Qaydış qəsəbəsi ərazisində magistral yolda Zərərçəkmiş şəxs avtomobilinin qarşısını kəsib yolda onun ünvanına ucadan nalayiq söyüşlər söyərək içtimai qaydadnı pozmuşdur. Məhkəmə iclasında: Füzuli RPŞ-nin polis sahə rəisi polis leytenantı X2 bildirdi ki, Şəxs xx.xx.2023-cü il tarixində saat 09 radələrində Füzuli rayonu, Qayıdış qəsəbəsi ərazisində magistral yolda Zərərçəkmiş şəxs avtomobilinin qarşısını kəsib yolda uca səslə nalayiq söyüşlər söyərək içtimai qaydadnı pozmuşdur. Ona görə də, onun barəsində AR İXM-in 510-cu maddəsi ilə inzibati xəta haqqında protokol tərtib olunmuş və baxılması üçün məhkəməyə göndərilmişdir. Zərərçəkmiş şəxs bildirdi ki, Şəxs xx.xx.2023-cü il tarixində saat 09 radələrində Füzuli rayonu, Qayıdış qəsəbəsi ərazisində magistral yolda onun avtomobilinin qarşısını kəsib yolda uca səslə nalayiq söyüşlər söyərək onu təhqir etmişdir. Hazırda şikayətçi olmasa da İmranın bir daha ona qarşı qanunsuz hərəkətlərə yol verməməsini tələb edir. Barəsində inzibati xəta haqqında iş üzrə icraat aparılan şəxs Şəxs özünü AR İXM-in 510-cu maddəsi ilə təqsirli bilərək bildirdi ki, xx.xx.2023-cü il tarixində saat 09 radələrində Füzuli rayonu, Qayıdış qəsəbəsi ərazisində magistral yolda olarkən əsəbləşərək Aytəkinin ünvanına ucadan nalayiq söyüşlər işlətmişdir. Hazırda əməlindən peşmandır və gələcəkdə bir daha belə hallara yol verməyəcəkdir. Barəsində inzibati xəta haqqında iş üzrə icraat aparılan şəxs Şəxs vəkili Vəkil Şəxs yüngül cəza verilməsini xahiş etdi. İşdə olan Füzuli RPŞ TB-nin təhqiqatçısı polis kapitanı Seymur Xəlilov tərəfindən qəbul edilmiş cinayət işinin başlanmasının rədd edilməsi haqqında qərardan görünür ki, Şəxs barəsində cinayət işinin başlanması rədd edilmiş və onun barəsində İXM-in 510-cu maddəsi ilə inzibati qaydada tədbirlər görülməsi üçün qərarın surəti Füzuli RPŞ İTB-yə göndərilmişdir. Məhkəmə iclasında tədqiq edilmiş sübutlarla Şəxs AR İXM-in 510-cu maddəsi ilə nəzərdə tutulmuş inzibati xətanı törətməsi öz təsdiqini tapmışdır. Odur ki, məhkəmə hesab edir ki, Şəxs həmin maddə ilə nəzərdə tutulmuş inzibati tənbeh tətbiq olunmalıdır. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tətbiq edilməsi məsələsini müzakirə edərkən onun inzibati məsuliyyətini ağırlaşdıran halları müəyyən etməmişdir. Əməlindən peşmançılıq çəkməsi onun inzibati məsuliyyətini yüngülləşdirən haldır. Azərbaycan Respublikası İXM-in 510-cu maddəsində göstərilir ki, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İXM-in: 9.1-ci maddəsində deylir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 21-ci maddəsində qeyd edilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 31.2-ci maddəsinin tələbinə görə, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Odur ki, məhkəmə törədilmiş inzibati xətanın xarakterini, barəsində inzibati xəta haqqında iş üzrə icraat aparılan şəxsin şəxsiyyətini, davranışını və işin digər hallarını nəzərə alaraq Şəxs Azərbaycan Respublikası İXM-in 510-cu maddəsinin sanksiyasında nəzərdə tutulmuş inzibati cərimə növündə tənbeh tədbirinin tətbiq edilməsini məqsədəmüvafiq hesab edir. Məhkəmə şərh olunanlara əsaslanaraq və Azərbaycan Respublikası İXM-in 30-34, 106- 115 və 510-cu maddələrini rəhbər tutaraq, qərar verdi: Şəxs Azərbaycan Respublikası İXM-in 510-cu maddəsində nəzərdə tutulmuş inzibati xətanı törətməkdə təqsirli bilinib 100 (bir yüz) manat inzibati cərimə edilsin. Qərardan rəsmi qaydada verildiyi gündən 10 (on) gün müddətində Füzuli Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər.