Füzuli Rayon Məhkəməsi Qərardad — İş №3(064)-51/2023

Azərbaycan Respublikası adından QƏRARDAD Füzuli rayonu İş № 3(064)-51/2023 03.02.2023 FÜZULİ RAYON MƏHKƏMƏSİ Mən, Füzuli Rayon Məhkəməsinin hakimi Həşimov Yaşar Xanoğlan oğlu, Şəxs barəsində Azərbaycan Respublikası İXM-in 529.3-cü maddəsi ilə olan inzibati xəta haqqında materiala baxaraq, müəyyənetdim: Füzuli Rayon Məhkəməsinə Bakı şəhər Nərimanov Rayon Polis İdarəsi tərəfindən Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə tərtib edilmiş inzibati xəta haqqında material daxil olmuşdur. Məhkəmə, iş materiallarını araşdıraraq hesab edir ki, Azərbaycan Respublikası İXM-in 109-cu maddəsinin tələbinə əsasən inzibati xəta haqqında material geri qaytarılmalıdır. Belə ki, məhkəməyə protokol göndərilmiş, lakin barəsində inzibati xəta haqqında iş üzrə icraat aparılan şəxsin şəxsiyyətini təsdiq edən sənəd, həmçinin inzibati xəta haqqında protokolun poçt göndərişi vasitəsilə Şəxs çatdırılmasına dair bildirş və ya müvafiq sənəd iş materiallarına əlavə edilməmişdir. Azərbaycan Respublikası İnzibati Xətalar Məcəlləsinin: 57.1. İnzibati xətalar haqqında işlər üzrə icraatın iştirakçılarına bu Məcəllədə müəyyən edilmiş hallarda inzibati xətalar haqqında işlər üzrə sənədlər (qərarlar, qərardadlar, protokollar, bildirişlər) hakim və ya səlahiyyətli orqan (vəzifəli şəxs) tərəfindən “Poçt haqqında” Azərbaycan Respublikasının Qanununda nəzərdə tutulmuş sifarişli poçt göndərişi ilə çatdırılır, yaxud səlahiyyətli vəzifəli şəxs tərəfindən şəxsən verilir. Sifarişli poçt göndərişi - göndərilmək üçün qəbul olunduğuna dair istifadəçiyə qəbz verilməsi, çatdırılarkən isə ünvan sahibinin müvafiq sənədi imzalaması tələb olunan poçt göndərişidir. Sənədin çatdırılmasını hakim məhkəmə işçisinə, səlahiyyətli orqan isə müvafiq orqanın əməkdaşına tapşıra bilər. 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılır. Beləliklə, məhkəmə hesab edir ki, Şəxs barəsində İXM-in 529.3-cü maddəsi ilə olan inzibati xəta haqqında material yuxarıda qeyd olunan nöqsan aradan qaldırılması üçün Bakı şəhər Nərimanov Rayon Polis İdarəsinə qaytarılmalıdır. Göstərilənlərə əsasən və Azərbaycan Respublikası İXM-nin 109.1.6 və 118-ci maddələrini rəhbər tutaraq, Q ə r a r a a l d ı m: Bakı şəhər Nərimanov Rayon Polis İdarəsi tərəfindən vət. Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə tərtib edilmiş inzibati xəta haqqında material baxılmadan geri qaytarılsın. Hakim Yaşar Həşimov