Füzuli Rayon Məhkəməsi Qərardad — İş №3(064)-56/2024

Azərbaycan Respublikası adından QƏRARDAD Füzuli rayonu İş № 3(064)-56/2024 25.01.2024 FÜZULİ RAYON MƏHKƏMƏSİ Hakim Həşimov Yaşar Xanoğlan oğlu, Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə tərtib edilmiş inzibati xəta haqqında protokola və ona əlavə olunmuş materiallara baxaraq, MÜƏYYƏN ETDİ: Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə tərtib edilmiş inzibati xəta haqqında protokol tərtib edilərək baxılması üçün məhkəməyə göndərilmişdir. Məhkəmə iş materiallarını araşdıraraq hesab edir ki, material natamam olduğuna görə geri qaytarılmalıdır. Belə ki, iş materiallarından görünür ki, Bakı şəhər DYPİ-nin polis kapitanı N.Cəlilovun xx.xx.2023-cü il tarixli, TP ******* inzibati tənbeh vermə haqqında qərarı ilə Füzuli rayonu, Dövlətyarlı kənd sakini Şəxs Azərbaycan Respublikası İXM-in 332.1, 327.1-ci maddələri ilə təqsirli bilinərək 40 manat inzibati cərimə olunmuşdur. Lakin qeyd olunan qərarın Şəxs təqdim olunmasına (və ya məlumatlandırılmasına) dair rəsmi sənədlər materiala əlavə olunmamışdır. Azərbaycan Respublikasının İnzibati Xətalar Məcəlləsinin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Məhkəmə belə hesab edir ki, Şəxs barəsində Azərbaycan Respublikası İXM-in 529.3-cü maddəsi ilə tərtib olunmuş inzibati xəta haqqında protokol və toplanmış material natamam olduğundan, işə baxılarkən tamamlamaq mümkün olmadığından Bakı şəhər BPİ DYPİ-yə qaytarılmalıdır. «Azərbaycan Respublikası İnzibati Xətalar Məcəlləsinin 128-ci maddəsi baxımından həmin Məcəllənin 109-cu maddəsinin şərh edilməsinə dair» Azərbaycan Respublikası Konstitusiya Məhkəməsinin Plenumu 03 may 2019-cu il tarixli Qərarında göstərmişdir ki, Azərbaycan Respublikası İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Odur ki, məhkəmə qeyd olunanlara əsaslanaraq və Azərbaycan Respublikasının İnzibati Xətalar Məcəlləsinin 40, 100, 109, 110 və 114-cü maddələrini rəhbər tutaraq, QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə tərtib edilmiş inzibati xəta haqqında protokol və toplanmış material natamam olduğundan Bakı şəhər BPİ DYPİ-yə qaytarılsın. Bakı şəhər BPİ DYPİ-nin səlahiyyətli şəxslərinə izah edilsin ki, Füzuli rayonu, Dövlətyarlı kənd sakini Şəxs Azərbaycan Respublikası İXM-in 332.1, 327.1-ci maddələri ilə təqsirli bilinərək 40 manat inzibati cərimə olunmasına dair xx.xx.2023-cü il tarixli, TP ******* inzibati tənbeh vermə haqqında qərarın Şəxs təqdim olunmasına (və ya məlumatlandırılmasına) dair rəsmi sənədləri materiala əlavə etdikdən sonra yenidən məhkəməyə müraciət etmək olar. Bu qərardaddan apellyasiya şikayəti verilə bilməz. Hakim Yaşar Həşimov