Füzuli Rayon Məhkəməsi Qərardad — İş №3(064)-88/2024

Azərbaycan Respublikası adından QƏRARDAD Füzuli rayonu İş № 3(064)-88/2024 09.02.2024 FÜZULİ RAYON MƏHKƏMƏSİ Hakim Həşimov Yaşar Xanoğlan oğlu, barəsində inzibati xəta haqqında iş üzrə icraat aparılan şəxs X1 xx.xx.2023-cü il tarixli, EQ 17991874 nömrəli inzibati tənbeh vermə haqqında qərardan şikayətinə və həmin şikayətin geri qaytarılmasına dair ərizəsinə baxaraq, MÜƏYYƏN ETDİ: Barəsində inzibati xəta haqqında iş üzrə icraat aparılan şəxs X2 xx.xx.2023-cü il tarixli, EQ 17991874 nömrəli inzibati tənbeh vermə haqqında qərardan şikayət verərək həmin qərarın ləğv edilməsini xahiş etmişdir. xx.xx.2024-cü il tarixdə E.Şıxalıyev ərizə ilə məhkəməyə müraciət edərək həmin şikayətin və ona əlavə edilmiş sənədlərin geri qaytarılmasını xahiş etmişdir. Məhkəmə iş materiallarını araşdıraraq hesab edir ki, E.Şıxalıyevin ərizəsi təmin edilməli və şikayət ona əlavə edilmiş sənədlərlə birlikdə geri qaytarılmalıdır. Azərbaycan Respublikasının İnzibati Xətalar Məcəlləsinin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. «Azərbaycan Respublikası İnzibati Xətalar Məcəlləsinin 128-ci maddəsi baxımından həmin Məcəllənin 109-cu maddəsinin şərh edilməsinə dair» Azərbaycan Respublikası Konstitusiya Məhkəməsinin Plenumu 03 may 2019-cu il tarixli Qərarında göstərmişdir ki, Azərbaycan Respublikası İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. Odur ki, məhkəmə qeyd olunanlara əsaslanaraq və Azərbaycan Respublikasının İnzibati Xətalar Məcəlləsinin 40, 100, 109, 110 və 114-cü maddələrini rəhbər tutaraq, QƏRARA ALDİ: Ərizə təmin edilsin. Barəsində inzibati xəta haqqında iş üzrə icraat aparılan şəxs X1 xx.xx.2023-cü il tarixli, EQ 17991874 nömrəli inzibati tənbeh vermə haqqında qərardan şikayəti əlavə edilmiş sənədlərlə birlikdə ona qaytarılsın. Bu qərardaddan apellyasiya şikayəti verilə bilməz. Hakim Yaşar Həşimov