Göygöl Rayon Məhkəməsi Qərar — İş №3(066)-140/2024

Azərbaycan Respublikası adından QƏRAR Göygöl rayonu İş № 3(066)-140/2024 09.05.2024 GÖYGÖL RAYON MƏHKƏMƏSİ Hakim Mustafayev Rəşad Mustafa оğlunun sədrliyi, X1 iclas katibliyi, Göygöl RPŞnin DYPB-nin YNH inspektoru, polis baş leytenantı X2, barəsində inzibati icraat aparılan Şəxs iştirakları ilə, xx.xx.2001-ci ildə Daşkəsən rayonu, Kollu kəndində doğulmuş, Azərbaycan Respublikası vətəndaşı, evli, orta təhsilli, İİ qurup əlil, işsiz, əvvəllər məhkum olunmamış, ünvan 1 ünvanında qeydiyyatda olan və yaşayan Şəxs barəsində Azərbaycan Respublikasının İnzibati Xətalar Məcəlləsinin 332.4-cü maddəsi ilə tərtib edilmiş Göygöl Rayon Polis şöbəsi tərəfindən daxil olmuş inzibati xəta haqqında iş materiallarına açıq məhkəmə iclasında baxaraq, məhkəmə müəyyən etdi: Şəxs Azərbaycan Respublikası İXM-in 327.1, 332.4-cü maddələri ilə inzibati xəta törətməsi haqqında Göygöl RPŞ-nin DYPB-nin YNH inspektoru, polis baş leytenantı X4 tərəfindən İXP ******* saylı protokol tərtib edilərək baxılması üçün Göygöl Rayon Məhkəməsinə göndərilmişdir. YNH inspektoru polis baş leytenantı X4 tərəfindən tərtib olunmuş xx.xx.2024-ci il tarixli İXP ******* nömrəli inzibati xəta haqqında protokolda göstərilmişdir ki, xx.xx.2024-ci il tarixdə saat 12:30-da Şəxs “Khazar” minik markalı, **-BL-*** dövlət qeydiyyat nişanlı nəqliyyat vasitəsi ilə İXM-in 332.4 və 327.1-ci maddələri ilə nəzərdə tutulmuş inzibati xətanı törətmişdir. Məhkəmə iclasında YNH inspektoru, polis baş leytenantı X4 inzibati xəta haqqında protokola uyğun izahat verərək bildirdi ki, o, xx.xx.2024-cü il tarixdə dislakasiya üzrə YPX inispektorları X6 şəhəri, A.Kazımov küçəsində patrul avtomaşını Mersedes markalı **-YP- *** dövlət qeydiyyat nişanlı avtomaşınla xidmətdə olarkən, A.Kazımov küçəsində yolun sağ hissəsində dayanmışlar. Ağdağ qəsəbəsindən çıxan Khazar markalı **-BL-*** dövlət qeydiyyat nişnlı avtomaşın sağa dönərkən avtomaşınla idarə etmə qaydasını pozmuş və sağ yan hissəsi ilə patrul maşınının arxa sol bufer hissəsini vurmuşdur. Sonradan adı onna məlum olan Şəxs idarə etdiyi avtomaşını idarə etmə hüququ olmadan idarə etdiyini bilmişdir. Hadisə zamanı xəsarət alan olmamışdır. Aralarında barışıq əldə olunub, Şəxs yüngül tənbeh təyin edilməsini xahiş etdi. Əlavə olaraq bildirdi ki, barəsində inzibati xəta haqqında iş üzrə icraat aparılan şəxs Şəxs zəruri bütün hərəkətləri etmiş, zərəri ödəmiş və ona qarşı heç bir şikayət vətələbləri yoxdur. Məhkəmə iclasında barəsində inzibati xəta haqqında iş üzrə icraat aparılan Şəxs özünü təqsirli bilərək göstərdi ki, o, xx.xx.2024-cü il tarixdə saat 12:30 radələrində özünə məxsus Khazar markalı **-BL-*** Dövlət nömrə nişanlı avtomaşını Ağ dağ qəsəbəsi yolundan sağa, A.Kazımov küçəsinə dönərkən sağında Mersedes markalı **-YP-*** Dövlət nömrə nişanlı YPX-nin avtomaşını dayanmış, sağa dönəndə onun maşını sol arxa qapısı həmin YPX-nin maşınının sol arxa buferinə dəymişdir. Hadisə zamanı xəsarət alan olmamışdır. Onun DYP-nin əməkdaşlarından şikayət və tələbi yoxdur. Törətdiyi xətadan səmimi peşmandır və zərərçəkmiş şəxslə arasında barışıq əldə olunmuşdur. Barəsində yüngül inzibati tənbeh tətbiq edilməsini xahiş etdi. Azərbaycan Respublikası İnzibati Xətalar Məcəlləsinin 332.4-cü maddəsinə əsasən nəqliyyat vasitəsini idarə etmək hüququ olmadan nəqliyyat vasitəsinin idarə edilməsinə görə bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə beş yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Məhkəmə baxışında müəyyən edilmişdir ki, xx.xx.2024-cü il tarixdə saat 12:30-da Şəxs “Khazar” markalı **-BL-*** dövlət qeydiyyat nişanlı nəqliyyat vasitəsi ilə İXM-in 332.4cü maddəsi ilə nəzərdə tutulmuş inzibati xətanı törətmişdir. İş materiallarına əlavə edilmiş, İN 642731, protokollaşdırma 08428, tarix xx.xx.2024-ci il tarixli, vaxt 12:44, operator nömrəsi 1501, Manual Alkolun miqdarından görünür ki, **-BL-*** qeydiyyat nişanlı avtomobilin sürücüsü Əliyev 0,0002 promil sərxoşluq müəyyən edilməmişdir. İş materiallarında olan yol nəqliyyat hadisəsinin sxemindən görünür ki, barəsində inzibati iş aparılan şəxs Şəxs idarə etdiyi “Khazar” minik markalı, **-BL-*** dövlət qeydiyyat nömrə nişanlı avtomaşının hadisə zamanı, sol arxa qapısı və sağ arxa qanad hissəsi əzilmiş, zərərçəkmiş şəxs X3 idarə etdiyi DİN-nin “Mersedes Benz” **-YP-*** dövlət qeydiyyat nişanlı avtomaşının isə arxa buferinin sol hissəsində yüngül sıyrıq izləri ilə zədələnmişdir. İş materiallarında olan “Avtoservis və Ticarət” Gəncə müəssisəsinin xx.xx.2024-cü il tarixliakt rəyindən görünür ki, yol nəqliyyat hadisəsi zamanı “Mersedes Benz” markalı, **- YP-*** dövlət qeydiyyat nişanlı xidməti avtomaşına başış keçirilmiş və baxşı zamanı “Mersedes Benz” markalı, **-YP-*** dövlət qeyddiyat nişanlı avtomaşının sıradan çıxan heç bir detalı olmamış, avtomobilin arxa Bamperinin sol arxa yarım hissəsi zədələnmiş, sıyrılmış və cızılmışdır. Təmir, bərpa və rənglənmə işləri cəmi 80 manat müəyyən edilmişdir. Məhkəmə toplanmış və məhkəmə baxışında tədqiq edilmiş sübutları araşdırıb, onlara məcmu halda hüquqi qiymət verərək hesab edir ki, Şəxs Azərbaycan Respublikası İXM-in 332.4-cü maddəsində nəzərdə tutulmuş inzibati xətanı törətməsi özünün etirafı və iş materialları ilə tam sübuta yetirilir. Onun inzibati məsuliyyətdən azad edilməsi və iş üzrə icraata xitam verilməsi üçün heç bir əsas yoxdur və Şəxs törətdiyi inzibati xətaya görə tənbeh edilməlidir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, şahid izahatı və digər sənədlərlə, xüsusi texniki vasitələrin göstəriciləri ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Məhkəmə Şəxs hansı tənbeh növünün tətbiq edilməsini müzakirə edərkən onun törətmiş olduğu inzibаti xətаnın xаrаkterini və barəsində inzibati icraat aparılan şəxsin şəxsiyyətini, müharibə əlili olmasını nəzərə alaraq belə qənaətə gəlir ki, ona təqsirli olduğu İXM-nin 332.4-cü maddəsinin sanksiyasında nəzərdə tutulmuş cərimə növündə tənbehi tətbiq edilməlidir. Eyni zamanda Şəxs barəsində tərtib edilmiş inzibati xəta haqqında protokolda onun tərəfindən Azərbaycan Respublikası İXM-nin 332.4-cü maddəsi ilə yanaşı, həmçinin 327.1-ci maddəsində nəzərdə tutulan inzibati xətanın törədilməsi də qeyd olunmuşdur. Bununla bağlı məhkəmə qeyd edir ki, Azərbaycan Respublikası İnzibati Xətalar Məcəlləsinin 43.1-ci maddəsində rayon (şəhər) məhkəmələrinin baxmağa səlahiyyətli olduğu inzibati xətalara dair işlərin tam siyahısı göstərilmişdir. Həmin maddəyə əsasən, İXM-nin 327.1-ci maddəsi ilə nəzərdə tutulmuş inzibati xətalara dair işlərə baxılması rayon (şəhər) məhkəmələrinin səlahiyyətində deyildir. “Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə Azərbaycan Respublikası Prezidentinin 15 fevral 2016-cı il tarixli Fərmanın 5.1-ci bəndinə əsasən Azərbaycan Respublikası İnzibati Xətalar Məcəlləsinin 327.1-ci maddəsində nəzərdə tutulmuş inzibati xətaya dair işlərə Azərbaycan Respublikası Daxili İşlər Nazirliyi baxır. “Azərbaycan Respublikası İnzibati Xətalar Məcəlləsinin 34-cü maddəsinin şərh edilməsinə dair” Azərbaycan Respublikası Konstitusiya Məhkəməsinin Plenumunun 2 sentyabr 2020-ci il tarixli qərarında qeyd edilmişdir ki, Konstitusiya Məhkəməsinin Plenumu müraciətdə göstərilən, şəxsin eyni vaxtda törətdiyi (bir hərəkətlə ideal məcmu yaradan) bir neçə inzibati xətaya dair işlərə baxılması müxtəlif orqanların səlahiyyətlərinə aid olduqda, bu işlərin eyni vaxtda, eyni orqan tərəfindən baxılmasının mümkünlüyü məsələsinə aydınlıq gətirilməsini zəruri hesab edir. Yuxarıda qeyd olunduğu kimi, qanunverici eyni vaxtda törədilən bir neçə inzibati xətaya dair protokolların eyni orqan tərəfindən tərtib edilməsi və eyni orqanın səlahiyyətinə aid olması ilə şərtləndirmişdir. Yəni eyni vaxtda törədilən bir neçə inzibati xətaya dair işlərə bir orqan tərəfindən baxılması, yalnız həmin xətaların hər biri bu orqanın səlahiyyətinə aid olduqda mümkündür. Şəxsin bir hərəkəti ilə bir neçə inzibati xəta törətməsi, bu xətalardan biri məhkəmənin, digəri isə müvafiq orqanın səlahiyyətinə aid olduqda bu xətalara münasibətdə ayrı-ayrı orqanlar öz səlahiyyətləri çərçivəsində tənbeh tətbiq etməlidirlər. Şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması ayrı-ayrı orqanların səlahiyyətinə aid olduqda, Azərbaycan Respublikasının İnzibati Xətalar Məcəlləsinin 34.1-ci maddəsinə əsasən müvafiq səlahiyyətli orqanlar tərəfindən hər bir inzibati xətaya görə ayrılıqda inzibati tənbeh tətbiq edilir. Qeyd olunanlara əsasən məhkəmə belə qənaətə gəlir ki, Şəxs Azərbaycan Resublikasının İnzibati Xətalar Məcəlləsinin 332.4-cü maddəsi ilə təqsirli bilinib, cərimə növündə tənbeh tətbiq edilməsi onu qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq kimi inzibаti tənbehin məqsədlərinə nаil оlmаq mümkündür. Həmçinin məhkəmə hesab edir ki, Şəxs barəsində tərtib edilmiş inzibati xəta haqqında protokol Azərbaycan Respublikasının İnzibati Xətalar Məcəlləsinin 327.1-cü maddəsinə münasibətdə baxılması üçün Göygöl rayon polis şöbəsinə göndərilməlidir. Göstərilənlərə əsаsən və İXM-nin 112, 114, 115, 117, 128-130-cu mаddələrini rəhbər tutаrаq, məhkəmə qərara aldı: Şəxs оğlu Azərbaycan Respublikası İnzibati Xətalar Məcəlləsinin 332.4-cü maddəsi ilə nəzərdə tutulmuş inzibati xətanın törədilməsində təqsirli bilinib 500 (beş yüz) manat məbləğində cərimə edilsin. Şəxs barəsində tərtib edilmiş inzibati xəta haqqında protokol Azərbaycan Respublikasının İnzibati Xətalar Məcəlləsinin 327.1-ci maddəsinə münasibətdə baxılması üçün Göygöl rayon polis şöbəsinə göndərilsin. Qərаrın surəti təqdim edildiyi və yа аlındığı gündən 10 gün müddətinə Göygöl Rayon Məhkəməsi vasitəsi ilə Gəncə Аpellyаsiyа Məhkəməsinə şikаyət və protest verilə bilər. Sədrlik edən: Rəşad Mustafayev