Göygöl Rayon Məhkəməsi Qərar — İş №3(066)-178/2023

Azərbaycan Respublikası adından QƏRAR Göygöl rayonu İş № 3(066)-178/2023 26.04.2023 GÖYGÖL RAYON MƏHKƏMƏSİ Hakim Abbasov Qələmdar Ələmdar oğlunun sədrliyi, Məhkəmə iclas katibi Məhərrəmov Sadiq Yaşar oğlunun katibliyi ilə, xx.xx.1991-ci ildə Xanlar rayonunda anadan olmuş, Azərbaycan Respublikasının vətəndaşı, Göygöl rayonu Haça Qaya kəndində qeydiyyatda olan və həmin ünvanda yaşayan Şəxs Elburus oğlunun Azərbaycan Respublikası İXM-nin 529.3-cü maddəsində nəzərdə tutulmuş inzibati xəta törətməsinə dair materiala 26 aprel 2023-ci il tarixdə Göygöl rayon məhkəməsinin binasında, açıq məhkəmə iclasında baxaraq, məhkəmə M Ü Ə Y Y Ə N E T D İ: Azərbaycan Respublikası Daxili İşlər Nazirliyi Gəncə şəhəri DYPŞ İdarəsindən daxil olmuş İXP ******* nömrəli, xx.xx.2023-cü il tarixli inzibati xəta haqqında protokola əsasən Şəxs Elburus oğlu xx.xx.2022-ci il tarixdə «VAZ 2121 Minik» markalı, **-BE-*** dövlət qeydiyyat nişanlı avtomobili idarə edərkən «Yol hərəkəti haqqında» qanunun tələblərini pozduğuna görə barəsində Azərbaycan Respublikası İnzibati Xətalar Məcəlləsinin 333.1-ci və 332.1-ci maddələri ilə inzibati xəta haqqında protokol tərtib edilərək 400 (dörd yüz) manat miqdarında cərimə olunması barədə TP ******* nömrəli qərar çıxarılmışdır. Lakin, Şəxs Elburus oğlu barəsində qəbul edilmiş qərarın qanuni qüvvəyə mindiyi gündən cəriməni 3 ay müddətində qanunla müəyyən edilmiş əsaslar olmadan ödəməmişdir. Bununla da, Şəxs Elburus oğlu Azərbaycan Respublikası İXM-nin 529.3-cü maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs Elburus oğluna məhkəmə iclasının vaxtı və yeri barədə lazımi qaydada xəbərdarlıq edilməsinə baxmayaraq, o məhkəməyə gəlməmişdir. Məhkəmə Azərbaycan Respublikası İXM-nin 61.3-cü maddəsinə əsasən işə onun iştirakı olmadan baxılmasını mümkün hesab edir. Azərbaycan Respublikası İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə iş materiallarını araşdırıb, iş üzrə toplanmış sübutlara hüquqi qiymət verərək hesab edir ki, Şəxs Elburus oğlunun Azərbaycan Respublikası İXM-nin 529.3-cü maddəsində nəzərdə tutulmuş xətanı törətməkdə təqsiri tam sübuta yetirilir. Belə ki, Azərbaycan Respublikası Daxili İşlər Nazirliyi Gəncə şəhəri DYPŞ tərəfindən tərtib edilmiş protokola əsasən Şəxs Elburus oğlunun inzibati xətanın törətməsi faktı tam sübuta yetirilir və bu səbəbdən onun barəsində Azərbaycan Respublikası İXMnin 529.3-cü maddəsinin sanksiyası həddində, yəni nəqliyyat vasitələrini idarə etmək hüququnun məhdudlaşdırılması növündə inzibati cəza təyin edilməlidir. Göstərilənlərə əsasən və Azərbaycan Respublikası İXM-nin 114, 115-117-ci maddəsini rəhbər tutaraq, məhkəmə Q Ə R A R A A L D İ: Şəxs Elburus oğlu Azərbaycan Respublikası İXM-nin 529.3-cü maddəsində nəzərdə tutulmuş inzibati xətanı törətməkdə təqsirli bilinib, nəqliyyat vasitələrini idarə etmək hüququ 06 (altı) ay müddətinə məhdudlaşdırılsın. Qərardan 10 (on) gün müddətində Göygöl rayon məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Hakim:Qələmdar Abbasov İş № 3(066)-178/2023 MƏHKƏMƏ BAXİŞİ İCLASİNİN PROTOKOLU 26 aprel 2023-ci il Göygöl şəhərində Göygöl Rayon Məhkəməsi Hakim Abbasov Qələmdar Ələmdar oğlunun sədrliyi, Məhərrəmov Sadiq Yaşar oğlunun katibliyi ilə, Sədrlik edən məhkəmə iclasını açaraq Şəxs Elburus oğlunun Azərbaycan Respublikasının İnzibati Xətalar Məcəlləsinin 529.3-cü maddəsi ilə xəta törətməsinə dair işə baxılmasını elan edir. İclas saat 14:50–də başlandı Sədrlik edən məhkəmə iclasını açır və hansı inzibati xəta haqqında işə baxılmasını elan edir. Məhkəmə iclas katibi məruzə edərək bildirir ki, barəsində inzibati xəta haqqında iş üzrə icraat aparılan şəxs Şəxs Elburus oğluna məhkəmə iclasının vaxtı və yeri barədə rəsmi məlumat verilsə də, məhkəməyə gəlməmiş və gəlməməsinin səbəbləri barədə məlumat verməmişdir. Məhkəmə yerində qısa müşavirə edərək Q Ə R A R A A L D İ: Azərbaycan Respublikası İnzibati Xətalar Məcəlləsinin 61.3-cü maddəsinə əsasən, işə barəsində inzibati xəta haqqında iş üzrə icraat aparılan şəxsin iştirakı olmadan baxılması mümkün hesab edilsin. Sədrlik edən məruzə edərək bildirir ki, Azərbaycan Respublikası Daxili İşlər Nazirliyi Gəncə şəhəri DYPŞ İdarəsindən daxil olmuş İXP ******* nömrəli, xx.xx.2023-cü il tarixli inzibati xəta haqqında protokola əsasən Şəxs Elburus oğlu xx.xx.2022-ci il tarixdə «VAZ 2121 Minik» markalı, **-BE-*** dövlət qeydiyyat nişanlı avtomobili idarə edərkən «Yol hərəkəti haqqında» qanunun tələblərini pozduğuna görə barəsində Azərbaycan Respublikası İnzibati Xətalar Məcəlləsinin 333.1-ci və 332.1-ci maddələri ilə inzibati xəta haqqında protokol tərtib edilərək 400 (dörd yüz) manat miqdarında cərimə olunması barədə TP ******* nömrəli qərar çıxarılmışdır. Lakin, Şəxs Elburus oğlu barəsində qəbul edilmiş qərarın qanuni qüvvəyə mindiyi gündən cəriməni 3 ay müddətində qanunla müəyyən edilmiş əsaslar olmadan ödəməmişdir. Məhkəmə müşavirə otağına gedir, qayıtdıqdan sonra qərarı elan edir, qərardan şikayət verilmə qaydasını və müddətini izah edir. Məhkəmə iclası bağlı elan olunur. AZƏRBAYCAN RESPUBLİKASİ GÖYGÖL RAYON MƏHKƏMƏSİ AZ 2500, Göygöl şəhəri, S.Vurğun küçəsi 45A Tel: (02220) 5-23-84 Faks: (02220) 5-23-84 İş № 3(066)-178/2023 26 aprel 2023-cü il Göygöl rayon Polis İdarəsinə Göygöl şəh.,A.Hacıyev küç.,93 Şəxs Elburus oğluna Göygöl rayonu Haça Qaya kəndinə Göygöl rayon məhkəməsinin 3(066)-178/2023 nömrəli, 26 aprel 2023-ci il tarixli qərarının surəti məlumat üçün Sizə göndərilir. Qoşma: qərarın surəti «01» vərəqə. Hakim: Qələmdar Abbasov AZƏRBAYCAN RESPUBLİKASİ GÖYGÖL RAYON MƏHKƏMƏSİ AZ 2500, Göygöl şəhəri, S.Vurğun küçəsi 45A Tel: (02220) 5-23-84 Faks: (02220) 5-23-84 İş № 3(066)-178/2023 08 may 2023-cü il Gəncə şəhəri üzrə İcra İdarəsinə Şəxs Elburus oğlunun barəsində olan Göygöl rayon məhkəməsinin 3(066)- 178/2023 nömrəli, 26 aprel 2023-cü il tarixli qərarının surəti sürücülük hüququndan məhdudlaşdırılmaya aid hissədə icra olunması üçün Sizə göndərilir. Qeyd: Şəxs Elburus oğlunun sürücülük vəsiqəsi materiala əlavə edilməmişdir. Qoşma: Qərarın surəti « » vərəqə Hakim: Qələmdar Abbasov