Göygöl Rayon Məhkəməsi Qərar — İş №3(066)-274/2024

Azərbaycan Respublikası adından QƏRAR Göygöl rayonu İş № 3(066)-274/2024 14.08.2024 GÖYGÖL RAYON MƏHKƏMƏSİ Göygöl Rayon Məhkəməsinin hakimi Məmmədov Mübariz İsfəndiyar oğlunun sədrliyi, Qənizadə İlham İbadət oğlunun katibliyi, barəsində inzibati tənbeh etmə qərar çıxarılmış X1 iştirakı ilə barəsində inzibati tənbeh etmə qərar çıxarılmış X1 Gəncə şəhər X5 Şöbəsinin Yol patrul xidməti inspektoru polis kiçik leytenantı X3 tərəfindən qəbul edilmiş 23 may 2024-cü il tarixli, TP ******* saylı inzibati tənbeh vermə haqqında qərarının ləğv edilməsi barədə şikayətə Göygöl Rayon Məhkəməsinin inzibati binasında açıq məhkəmə iclasında baxaraq Məhkəmə Müəyyən etdi: Azərbaycan Respublikası Daxili İşlər Nazirliyi Gəncə şəhər X5 Şöbəsinin Yol patrul xidməti inspektoru polis kiçik leytenantı X3 tərəfindən qəbul edilmiş 23 may 2024-cü il tarixli, TP ******* saylı inzibati tənbeh vermə haqqında qərara əsasən Göygöl rayonu Cümşüdlü kənd sakini X2 04 may 2024-cü il tarixdə saat 12:10-də Gəncə şəhər 28 may küçəsində ərazisində idarə etdiyi “QAZ 3302 YÜK” markalı **-BX-*** dövlət qeydiyyatlı avtomobillə hərəkətdə olarkən Azərbaycan Respublikası İnzibati Xətalar Məcəlləsinin (İXM-nin) 327.1-ci maddəsində nəzərdə tutulan inzibati xətanı törətmişdir. Ona görə də, o, Azərbaycan Respublikası İnzibati Xətalar Məcəlləsinin (İXM-nin) 327.1-ci maddəsi ilə təqsirli bilinib 40 (qırx) manat məbləğində cərimə olunmaqla inzibati qaydada tənbeh edilmişdir. Məhkəmə baxış iclasında iştirak edən barəsində inzibati tənbeh vermə haqqında qərar çıxarılmış X2 məhkəmə iclasında göstərdi ki, o, 04 may 2024-cü il tarixdə saat 12:10-də Gəncə şəhər 28 may küçəsində ərazisində idarə etdiyi QAZ 3302 YÜK” markalı **-BX-*** dövlət qeydiyyatlı avtomobillə hərəkətdə olarkən heç bir qayda pozuntusuna yol vermədən “Viano MERSEDES” markalı avtomobili keçmişdir. Bu zaman “Viano MERSEDES” markalı avtomobilin sürücüsü avtomobili arxaya verərkən onunidarə etdiyi QAZ 3302 YÜK” markalı **-BX-*** dövlət qeydiyyatlı avtomobilin güzgüsünü sürtmüşdür. Gəncə şəhər X5 Şöbəsinin əməkdaşı tərəfindən saxlanılmışdır. Onun barəsində Azərbaycan Respublikası İnzibati Xətalar Məcəlləsinin (İXM-nin) 327.1-ci maddəsində nəzərdə tutulan inzibati xətanı törətməsinə dair inzibati protokol tərtib edilmiş, həmin protokol əsasında da o, Gəncə şəhər X5 Şöbəsinin Yol patrul xidməti inspektoru polis kiçik leytenantı X3 tərəfindən qəbul edilmiş 23 may 2024-cü il tarixli, TP ******* saylı inzibati tənbeh vermə haqqında qərara əsasən o, 40 (qırx) manat məbləğində cərimə olunmaqla inzibati qaydada tənbeh edilmişdir. Hesab edir ki, həmin qərar qanunsuzdur. Ona görə də qeyd edilən qərarın ləğv edilməsi barədə qərar çıxarılmasını xahiş etdi. Azərbaycan Respublikası İXM-nin 129.1.3-cü maddəsində əsasən inzibati xəta haqqında iş üzrə qərardan şikayət səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Məhkəmə iş materiallarını nəzərdən keçirərək hesab edir ki, şikayət təmin edilməməlidir. Məhkəmə gəldiyi nəticəni aşağıda qeyd olunanlarla əsaslandırır. Belə ki, iş materiallarına əlavə olunmuş şəxsiyyət vəsiqəsinin və sürücülük vəsiqəsinin surətindən məlum olur ki, X2 05 iyul 1994-cü il tarixdə anadan olmuşdur. İş materiallarına əlavə olunmuş Azərbaycan Respublikası Daxili İşlər Nazirliyi Gəncə şəhər X5 Şöbəsinin Yol patrul xidməti inspektoru polis kiçik leytenantı X3 tərəfindən qəbul edilmiş 23 may 2024-cü il tarixli, TP ******* saylı inzibati tənbeh vermə haqqında qərarından məlum olur ki, X2 04 may 2024-cü il tarixdə saat 12:10-də Gəncə şəhər 28 may küçəsində ərazisində idarə etdiyi QAZ 3302 YÜK” markalı **-BX-*** dövlət qeydiyyatlı avtomobillə hərəkətdə olarkən Azərbaycan Respublikası İnzibati Xətalar Məcəlləsinin (İXM-nin) 327.1-ci maddəsində nəzərdə tutulan inzibati xətanı törətmişdir və buna görə də o, 40 (qırx) manat məbləğində cərimə edilmişdir. Bununla bağlı məhkəmə qeyd edir ki, Azərbaycan Respublikası İXM-nin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri İnzibati Xətalar Məcəlləsində nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Azərbaycan Respublikası İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 13-cü maddəsinə əsasən inzibati xəta törətmiş şəxs öz əməlinin (hərəkətinin və ya hərəkətsizliyinin) hüquqazidd xarakterini dərk etmiş, onun zərərli nəticələrini qabaqcadan görmüş və bunları arzu etmişdirsə, yaxud belə nəticələrin baş verməsinə şüurlu surətdə yol vermişdirsə, bu xəta qəsdən törədilmiş xəta hesab olunur. Azərbaycan Respublikası İnzibati Xətalar Məcəlləsinin 342.2.2-ci maddəsinə əsasən nəqliyyat vasitələrinin sürücüləri tərəfindən nəqliyyat vasitələrinin texniki vəziyyətinə dair tələblərin pozulmasına, yəni normativ tələblər pozulmaqla, avadanlığın quraşdırılmasına və ya dəyişdirilməsinə görə- yüz əlli manat məbləğində cərimə edilir. Azərbaycan Respublikası İnzibati Xətalar Məcəlləsinin 342.2.4-cü maddəsinə əsasən nəqliyyat vasitələrinin sürücüləri tərəfindən nəqliyyat vasitələrinin texniki vəziyyətinə dair tələblərin pozulmasına, yəni nəqliyyat vasitəsinin ban şüşələrinə qanunla tətbiqinə icazə verilməyən örtüklərin çəkilməsinə görə- yüz əlli manat məbləğində cərimə edilir. Azərbaycan Respublikası İnzibati Xətalar Məcəlləsinin 344-cü maddəsinə əsasən “Yol hərəkəti haqqında” Azərbaycan Respublikasının Qanunu ilə müəyyən edilmiş qaydada tibbi müayinədən keçməyən sürücülər tərəfindən nəqliyyat vasitələrinin idarə edilməsinə görə- otuz manat məbləğində cərimə edilir. Beləliklə məhkəmə iclasında aydın oldu ki, X2 04 may 2024-cü il tarixdə saat 12:10də Gəncə şəhər 28 may küçəsində ərazisində idarə etdiyi QAZ 3302 YÜK” markalı **-BX- *** dövlət qeydiyyatlı avtomobillə hərəkətdə olarkən Azərbaycan Respublikası İnzibati Xətalar Məcəlləsinin (İXM-nin) 327.1-ci maddəsində nəzərdə tutulan inzibati xətanı törətmişdir. X2 heç bir qayda pozuntusuna yol vermədən “Viano MERSEDES” markalı avtomobili keçməsini bildirmiş olsada həmin halları təsdiq edən hər hansı bir subutu məhkəməyə təqdim etməmişdir. Azərbaycan Respublikası İnzibati Xətalar Məcəlləsinin 4-cü maddəsinə əsasən ədalətlilik inzibati xətalar qanunvericiliyinin əsas prinsiplərindən biridir. Həmin Məcəllənin 6.1-ci maddəsinə əsasən, inzibati xətalara görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Yuxarıda göstəilənlərə əsasən və Azərbaycan Respublikası İXM-nin 133-137-ci maddələrini rəhbər tutaraq Məhkəmə qərara aldı : Barəsində inzibati tənbeh etmə qərar çıxarılmış X1 Gəncə şəhər X5 Şöbəsinin Yol patrul xidməti inspektoru polis kiçik leytenantı X3 tərəfindən qəbul edilmiş 23 may 2024-cü il tarixli, TP ******* saylı inzibati tənbeh vermə haqqında qərarından verdiyi şikayət təmin edilməsin. Qərаrın surəti təqdim edildiyi və yа аlındığı gündən 10 (оn) gün müddətində “Elektron məhkəmə” informasiya sistemində yaradılmış elektron kabinetə yerləşdirilməklə Gəncə Аpellyаsiyа Məhkəməsinə аpellyаsiyа şikаyəti verilə bilər. Hakim:Mübariz Məmmədov