Göygöl Rayon Məhkəməsi Qərar — İş №3(066)-288/2025

Azərbaycan Respublikası adından QƏRAR Göygöl rayonu İş № 3(066)-288/2025 28.07.2025 GÖYGÖL RAYON MƏHKƏMƏSİ Hakim Hüseynzadə Leyla Vəliyyəddin qızının sədrliyi ilə, X5 iclas katibliyi, şikayət vermiş şəxs X2 və Göygöl Rayonu Yol Patrul Xidmətinin inspektoru polis baş serjantı Nümayəndə iştirakı ilə, X2 barəsində tərtib edilmiş xx.xx.2025-ci il tarixli TP ******* nömrəli inzibati tənbehvermə haqqında qərardan verilmiş şikayətə açıq məhkəmə iclasında baxaraq, müəyyən etdi: Göygöl Rayonu Yol Patrul Xidmətinin inspektoru polis baş serjantı Nümayəndə tərəfindən qəbul edilmiş xx.xx.2025-ci il tarixli TP ******* nömrəli qərarla Nümayəndə “VAZ 2107” minik markalı, **-BK-*** dövlət qeydiyyat nişanlı avtomobili idarə edərkən “Yol hərəkəti Haqqında” Azərbaycan Respublikası Qanununun tələbini pozduğuna görə barəsində xx.xx.2025-ci il tarixli, TP ******* nömrəli qərarla Azərbaycan Respublikasının İXM-in 327.2-ci maddəsinə əsasən 100 manat miqdarında cərimə olunmuşdur. X1 Rayon Məhkəməsinə şikayət ilə müraciət edərək barəsində tərtib edilmiş xx.xx.2025-ci il tarixli TP ******* nömrəli inzibati tənbehvermə haqqında qərarın ləğv edilməsini xahiş etmişdir. Şikayət onunla əsaslandırılmışdır ki, barəsində tərtib edilmiş İnzibati Tənbeh vermə haqqında xx.xx.2025-ci il tarixli, TP ******* nömrəli Qərar tam əsassız və qanunsuzdur. Belə ki, İnzibati Xətalar Məcəlləsinin (bundan sonra İXM ) 327.2-ci maddəsi ilə nəzərdə tutulmuş yolayrıcını keçmə qaydalarının pozulmasına görə inzibati xətanı törətməkdə təqsirli bilinərək yüz manat məbləğində cərimə edilmişdir. Hesab etmişdir ki, İnzibati Tənbeh vermə haqqında xx.xx.2025-ci il tarixli, TP ******* nömrəli Qərar ləğv edilməlidir. İdarə etdiyi avtomobilə heç bir xüsusi texniki vasitələrin köməyi ilə cərimə tətbiq edilməmişdir. O heç bir yolayrıcını keçmə qaydalarını pozmamışdır. Heç bir təqsiri olmadan ona tətbiq edilən bu cəriməni əsassız hesab etmişdir. Qərarda onun qeyd olunan qaydanı pozması nə ilə sübut olunur? Hansısa yol polis əməkdaşının öz “planını” doldurmaq üçün heç bir məlumat, xəbərdarlıq, izah və s. etmədən “keyfinə görə” cərimə yazmağı nə qədər düzgündür? Məhkəmə iclasında iştirak edən şikayət verən X6 izahatında göstərdi ki, o, halhazırda Azərbaycan Respublikası Kənd Təsərrüfatı Nazirliyinin Heyvandarlıq X7 elmi işçi vəzifəsində işləməklə 543 manat məbləğində əmək haqqı alır. Hadisə baş verən günü ona məxsus “VAZ 2107” minik markalı avtomobillə X12 Mərkəzinə “elmi tədqiqat”la bağlı nümunə aparan zaman Göygöl şəhəri Heydər Əliyev prospektində nəqliyyat vasitəsi ilə dönən zaman polis əməkdaşı tərəfindən saxlanılaraq manevr qaydasını pozduğuna görə 100 manat məbləğində cərimə olunduğu bildirilmişdir. Halbuki həmin ərazidə hər hansı yol nişanı göstəricisi olmamışdır. Əlavə olaraq bildirdi ki, o, hər zaman qaydalara riayət etməklə nəqliyyat vasitəsini ehtiyatla idarə etmişdir. Bundan əvvəl də mütəmadi olaraq “VAZ 2107” minik markalı avtomobili ilə işə gedib gələn zaman səbəbsiz yerə polis əməkdaşları tərəfindən dəfələrlə saxlanılmışdır. Hazırda da təkrar saxlanılaraq səbəbsiz yerə 100 manat məbləğində cərimə edilmişdir. Polis əməkdaşı tərəfindən əsas yolda hərəkət edən nəqliyyat vasitəsini gözləmədən həmin yola çıxdığı qeyd olunsa da, o, nəqliyyat vasitəsilə yol ayırıcında dayanaraq əsas yolda hərəkətdə olan nəqliyyat vasitələrini gözlədikdən sonra həmin yola çıxmışdır. Göstərilənləri nəzərə alaraq barəsində çıxarılmış inzibati tənbeh vermə haqqında qərarın ləğv edilməsini xahiş etdi. Məhkəmə iclasında iştirak edən Göygöl Rayonu Yol Patrul Xidmətinin inspektoru polis baş serjantı Nümayəndə izahatında göstərdi ki, X1 şəhəri Heydər Əliyev prospektində nəqliyyat vasitəsilə hərəkətdə olan zaman yol ayırıcı keçmə qaydalarını pozduğuna görə İnzibati Xətalar Məcəlləsinin 327.2-ci maddəsinə əsasən inzibati xətanı törətmiş şəxsin barəsində 100 manat məbləğində cərimə tətbiq edilməsi qərara alınmışdır. Həmin ərazidə X2 hərəkətdə olduğu yol istiqamətində 2.5 yazısı olan “dayanmadan keçmə qadağandır” işarəsi olmasına baxmayaraq Əbdüləzimov Yusif həmin yol nişanı işarəsinin tələblərinə riayət etmədən yol ayrıcını keçməklə yol hərəkəti qaydalarını pozmuşdur. Belə ki, inzibati xətanı törətmiş şəxs əsas yolda hərəkətdə olan nəqliyyat vasitələrini gözləmədən əsas yola çıxaraq onların idarə etdikləri nəqliyyat vasitəsinin önündən keçmiş, onların nəqliyyat vasitəsini ani saxlamalarına səbəb olmuşdur. Odur ki, Əbdüləzimov Yusif qeyd olunan inzibati xətanı törətməsinə baxmayaraq barəsində tətbiq olunmuş inzibati cəriməni ödəməkdən yayınmışdır. Məhkəmə araşdırması zamanı tədqiq edilmiş iş materiallarında olan: xx.xx.2025-ci il tarixli inzibati təhbeh vermə haqqında qərardan görünür ki, xx.xx.2025-ci il tarixdə “VAZ 2107” minik markalı, **-BK-*** dövlət qeydiyyat nişanlı avtomobili idarə edərkən “Yol hərəkəti Haqqında” Azərbaycan Respublikası Qanununun tələbini pozduğuna görə barəsində xx.xx.2025-ci il tarixli, TP ******* nömrəli qərarla Azərbaycan Respublikasının İXM-in 327.2-ci maddəsinə əsasən 100 manat miqdarında cərimə olunmuşdur. Nəqliyyat vasitəsinin qeydiyyatı şəhadətnaməsinin surətindən görünür ki, **-BK-*** **-BK-*** dövlət qeydiyyat nişanlı nəqliyyat vasitəsi X3 icraatındadır. BC140937 nömrəli sürücülük vəsiqəsinin surətindən görünür ki, X4 xx.xx.2024-cü il tarixdən xx.xx.2034-cü il tarixədək B1, B, C1, C kateqoriya üzrə nəqliyyat vasitələrinin idarə edilməsi hüququ verilmişdir. Məhkəmə tərəflərin izahatını dinləyib iş materiallarını araşdıraraq hesab edir ki, şikayət əsassız olduğuna görə təmin olunmamalıdır. Belə ki, Azərbaycan Respublikası İnzibati Xətalar Məcəlləsinin: 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. 99-cu maddəsinə əsasən inzibati xəta hadisəsinin mövcudluğunu göstərən kifayət qədər halların səlahiyyətli vəzifəli şəxs tərəfindən bilavasitə və ya xüsusi texniki vasitələrin köməyi, eləcə də müvafiq icra hakimiyyəti orqanının müəyyən etdiyi orqanın (qurumun) informasiya sistemi, habelə digər dövlət informasiya sistemləri (ehtiyatları) vasitəsi ilə aşkar edilməsi; dövlət orqanlarından (qurumlarından) və ya bələdiyyələrdən məlumatların daxil olması; fiziki və ya hüquqi şəxslər tərəfindən təqdim edilən, yaxud kütləvi informasiya vasitələrində dərc olunmuş məlumatlar inzibati xəta haqqında iş üzrə icraata başlamağa səbəbdir. 99.2.-ci maddəsinə əsasən məlumatlara inzibati xəta haqqında iş üzrə icraata başlamaq səlahiyyəti olan vəzifəli şəxs tərəfindən baxılır. Həmin məlumatlarda inzibati xətanın əlamətlərinin olması və inzibati xəta haqqında iş üzrə icraatı rədd edən halların olmaması inzibati xəta haqqında işin başlanmasına əsasdır. 99.3.-cü maddəsinə əsasən Bu Məcəllənin 99.1-ci maddəsində göstərilən səbəblərdən biri və bu Məcəllənin 99.2-ci maddəsində göstərilən kifayət qədər əsaslar olduqda, səlahiyyətli vəzifəli şəxs tərəfindən inzibati xəta haqqında iş üzrə icraat başlanılır. 327.2–ci maddəsinə əsasən svetoforun və ya nizamlayıcının qadağanedici işarəsi verilərkən hərəkətin davam etdirilməsinə, 3.1 “Giriş qadağandır” yol nişanının tələblərinin və ya sərnişin daşıma, əks istiqamətli hərəkət zolağına çıxmaqla ötmə və ya manevr etmə, yolayrıcını keçmə qaydalarının pozulmasına, ümumi istifadədə olan nəqliyyat vasitələrinin, yaxud adamlar daşınan yük avtomobillərinin sərnişinlərlə yanacaqdoldurma məntəqəsinə daxil olmasına, 1.1, 1.3 və 1.11 üfüqi nişanlanma xətlərinin tələblərinə riayət etməyərək sola və ya geriyə dönməyə, yaxud maneəni kənardan keçməyə görə-yüz manat məbləğində cərimə edilir. Yol hərəkəti haqqında Qanunun 36-cı maddəsinə əsasən: İ. Yol hərəkətinin iştirakçıları: 1) yol hərəkəti Qaydalarına riayət etməli, bu Qanunun yol hərəkətinin təhlükəsizliyi məsələlərinə dair tələblərini bilməli və yerinə yetirməlidirlər; 2) yol hərəkətinin nizama salınmasında istifadə olunan nizamlayıcının və svetoforların siqnallarına, yol nişanlarına, yolun nişanlanmasına, yol işlərində istifadə olunan səs və işıq siqnallarına, bəzi nəqliyyat vasitələrinin fərqləndirici nişanlarına və nəqliyyat vasitəsi sürücülərinin siqnallarına tabe olmalıdırlar; Yol hərəkəti haqqında Qanunun 51-ci maddəsinə əsasən: V. Ötmə: 1) nizamlanan yolayrıclarında — əks istiqamətli hərəkət zolağına keçməklə və nizamlanmayan yolayrıclarında — baş yol olmayan yolla hərəkət etdikdə (hərəkətin dairəvi olduğu yolayrıclarında ötmə, yanqoşqusu olmayan ikitəkərli nəqliyyat vasitələrini ötmə və icazə verilmiş sağdan ötmə istisna edilməklə); 2) piyada keçidlərində — piyadalar olduqda; 3) dəmiryol keçidlərində və onlara 100 metrdən az qaldıqda; 4) ötən və ya yanından keçən nəqliyyat vasitəsini; 5) yoxuşun axırında və yolun məhdudiyyətli görünüşlü digər sahələrində — əks istiqamətli hərəkət zolağına çıxmaqla; 6) tunellərdə qadağandır. 69-cu maddəsinə əsasən: Vİİ. Üfiqi nişanlanma xəttinin xüsusiyyəti: 1) 1.1—1.3 xətlərini kəsib keçmək qadağandır; 2) nəqliyyat vasitəsini yolun çiynində dayandırmaq üçün hərəkət hissəsinin kənarını göstərən və sürücüdən sağda yerləşən 1.1 və 1.2 xətlərini kəsib keçməyə yol verilir; 3) 1.5—1.8 xətlərini istənilən tərəfdən kəsib keçməyə icazə verilir; 4) qarşılıqlı hərəkət svetoforlar olmadıqda və ya söndürülmüş olduqda, 1.9 xətti sürücüdən sağdadırsa, onu kəsib keçməyə icazə verilir, qarşılıqlı hərəkət svetoforları yanarkən bir istiqamətdə hərəkətə icazə verilən zolaqları bir-birindən ayıran 1.9 nişanlama xəttini istənilən tərəfdən kəsib keçmək olar. Qarşılıqlı hərəkət svetoforları söndürüldükdə sürücü dərhal 1.9 nişanlanma xəttindən sağ tərəfə yerdəyişmə etməlidir. Qarşılıqlı hərəkət svetoforları söndürülmüş olduqda əks istiqamətli nəqliyyat axınlarını ayıran 1.9 xəttini kəsib keçmək qadağandır; 5) 1.11 xəttini qırıq xətt tərəfdən, habelə yalnız ötməni və ya yandan keçməni başa çatdırdıqdan sonra bütöv xətt tərəfdən kəsib keçməyə icazə verilir. Yeri dəyişdirilə bilən dayaqlarda qurulmuş müvəqqəti yol nişanlarının və nişanlanma xətlərinin mənaları birbirinə zidd gəldikdə, sürücülər yol nişanlarını əsas tutmalıdırlar; 6) 1.25 nişanlanması sarı haşiyə daxilində xətlərdən ibarət xanalar şəklində tətbiq olunur və bu Qanunun 75-ci maddəsinin İİ hissəsində nəzərdə tutulan halda sürücülərə yolayrıcında daxil olmanın qadağan edildiyi hissəni (kəsişmə yerini) göstərir. Məhkəmə araşdırması zamanı təqdim edilmiş diskdən də məlum olur ki, X6 yol ayrıcında gözləmədən nəqliyyat vasitəsilə əsas yolda hərəkətdə olan inzibati xəta haqqında protokolu tərtib etmiş polis əməkdaşının idarə etdiyi nəqliyyat vasitəsinin önündən keçmiş və əsas yolda hərəkətdə olan həmin nəqliyyat vasitəsinin ani əyləc sıxmasına verməsinə səbəb olmuşdur. Məhkəmə şikayətin dəlilləri ilə əlaqədar qeyd edir ki, məhkəmə araşdırması ilə müəyyən edilmişdir ki, xx.xx.2025-ci il tarixdə “VAZ 2107” minik markalı, **-BK-*** dövlət qeydiyyat nişanlı avtomobili idarə edərkən “Yol hərəkəti Haqqında” Azərbaycan Respublikası Qanununun tələbini pozduğuna görə barəsində xx.xx.2025-ci il tarixli, TP ******* nömrəli qərarla Azərbaycan Respublikasının İXM-in 327.2-ci maddəsinə əsasən 100 manat miqdarında cərimə olunmuşdur. Məhkəmə hesab edir ki, inzibati xəta hadisəsinin mövcudluğunu göstərən kifayət qədər hallar xüsusi texniki vasitələrin köməyi ilə səlahiyyətli vəzifəli şəxs tərəfindən aşkar edilmiş və məhkəmə iclasında öz təsdiqini tapmışdır. Beləliklə, iş üzrə araşdırılmış sübutlarla barəsində inzibati xəta haqqında iş üzrə icraat aparılan şəxs X2 İXM-in 327.2–ci maddəsində nəzərdə tutulmuş inzibati xətanı törətməsində təqsiri tam sübuta yetdiyindən məhkəmə hesab edir ki, X2 şikayəti əsassız olduğundan təmin edilməməli və Göygöl Rayonu Yol Patrul Xidmətinin inspektoru polis baş serjantı Nümayəndə tərəfindən qəbul edilmiş xx.xx.2025-ci il tarixli, TP ******* saylı inzibati tənbeh vermə haqqında qərar dəyişdirilmədən saxlanılmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 115 və 134-cü maddələrini rəhbər tutaraq, məhkəmə q ə r a r a a l d ı: X2 Azərbaycan Respublikası İnzibati Xətalar Məcəlləsinin 327.2–ci maddəsi ilə təqsirli bilinərək inzibati tənbeh edilməsinə dair Göygöl Rayonu Yol Patrul Xidmətinin inspektoru polis baş serjantı Nümayəndə tərəfindən qəbul edilmiş xx.xx.2025-ci il tarixli, TP ******* saylı qərardan barəsində qərar qəbul edilmiş şəxs X6 tərəfindən verilmiş şikayət təmin edilməsin. Qərarın surəti rəsmi qaydada verildiyi vaxtdan 10 gün müddətində Göygöl Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti və ya protest verilə bilər. Sədrlik edən: Leyla Hüseynzadə