Göygöl Rayon Məhkəməsi Qərar — İş №3(066)-312/2023

Azərbaycan Respublikası adından QƏRAR Göygöl rayonu İş № 3(066)-312/2023 25.07.2023 GÖYGÖL RAYON MƏHKƏMƏSİ Hakim Abbasov Qələmdar Ələmdar oğlunun sədrliyi, Məhkəmə iclas katibi Məhərrəmov Sadiq Yaşar oğlunun katibliyi, Barəsində inzibati xəta haqqında iş üzrə icraat aparılan şəxs Şəxs, Göygöl rayon Yol patrul xidməti inspektoru X2 iştirakları ilə, xx.xx.1976-cı il tarixdə Kəlbəcər rayonunda anadan olmuş, Azərbaycan Respublikası vətəndaşı, Kəlbəcər rayonu Lev kəndində qeydiyyatda olan Göygöl şəhəri 2 nömrəli İnternat 130 mənzilli binada yaşayan Şəxs Azərbaycan Respublikası İnzibati Xətalar Məcəlləsinin (bundan sonra - Azərbaycan Respublikası İXM) 329.3-cü və 333.1-ci maddələrində nəzərdə tutulmuş inzibati xəta törətməsinə dair materiala 25 iyul 2023-cü il tarixdə, Göygöl Rayon Məhkəməsinin inzibati binasında açıq məhkəmə iclasında baxaraq M Ü Ə Y Y Ə N E T D İ: Şəxs barəsində Azərbaycan Respublikası İnzibati Xətalar Məcəlləsinin (bundan sonra- Azərbaycan Respublikası İXM) 329.3-cü və 333.1-ci maddələri ilə İXP ******* saylı inzibati xəta haqqında protokol tərtib edilərək xx.xx.2023-cü il tarixli, 3-13-77/2-12291/23 saylı Azərbaycan Respublikası DİN Göygöl rayon Polis Şöbəsinin məktubu ilə baxılması üçün məhkəməyə göndərilmişdir. Göygöl rayon Polis Şöbəsindən daxil olmuş inzibati xəta haqqında materiala əsasən Şəxs xx.xx.2023-cü il tarixdə saat 12:13 radələrində idarət etdiyi «Vaz 21214 Minik» markalı, **-VR-*** dövlət qeydiyyat nişanlı avtomobili idarə edərkən işıq cihazlarından düzgün istifadə etməməyə görə Göygöl rayon X7 Patrul Xidmətinin əməkdaşları tərəfindən saxlanılmış yoxlama zamanı sürücü Şəxs avtomobili sərxoş halda idarə etməsi məlum olmuşdur. Bununla da, Şəxs Azərbaycan Respublikası İXM-nin 329.3-cü və 333.1-ci maddələrində nəzərdə tutulmuş inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında Azərbaycan Respublikası İXM-nin 333.1-ci maddəsində nəzərdə tutulmuş inzibati xətanı törətməkdə özünü təqsirli bilməyərək xx.xx.2023-cü il tarixdə Kəlbəcər rayonuna getdiyini, polis əmakdaşları saxlayıb test edib içkili olduğunu dediklərini, o polis əmakdaşları ilə razılaşmayaraq yenidən həkimdən keçdiyini və içkili olmadığı barədə sənəd aldığını bildirərək işə xitam verilməsini xahiş etdi. İnzibati xəta haqqında protokol tərtib etmiş Göygöl rayon Yol patrul xidməti inspektoru X1 xəta haqqında protokol müdafiə edərək bildirmişdir ki xx.xx.2023-cü il tarixdə saat 12:13 radələrində «Vaz 21214 Minik» markalı, **-VR-*** dövlət qeydiyyat nişanlı avtomobili idarə edərkən işıq cihazlarından düzgün istifadə etməməyə görə Əliyev X4 rayon X7 Patrul Xidmətinin əməkdaşları tərəfindən saxlanılmış sürücü Şəxs alkotesterlə yoxlandıqda avtomobili sərxoş halda idarə etməsi məlum olmuş, həkim çağrıldıqda həkimdən imtina etdiyini bildirdi. Məhkəmə iş materiallarını araşdırıb, iş üzrə toplanmış sübutlara hüquqi qiymət verərək hesab edir ki, Şəxs Azərbaycan Respublikası İXM-nin 333.1-ci maddəsində nəzərdə tutulmuş xətanı törətməkdə təqsiri inzibati protokolla, protokola əlavə edilmiş Şəxs sərxoşluğunun müayinəsi ilə bağlı alkotestrin qəbzindən və digər sənədlərlə tam sübuta yetirilir. Belə ki, iş materiallarında olan İXP ******* nömrəli, xx.xx.2023-cü il tarixli inzibati xəta haqqında protokoldan görünür ki, Şəxs xx.xx.2023-cü il tarixdə idarə etdiyi Vaz 21214 Minik» markalı, **-VR-*** nömrəli avtomaşını idarə edərkən Azərbaycan Respublikası İXMnin 329.3-cü və 333.1-ci maddələrində nəzərdə tutulmuş xətanı törətməşdir. Azərbaycan Respublikası İXM-nin 333.1-ci maddəsinə əsasən, nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə - dörd yüz manat məbləğində cərimə edilir və ya nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Azərbaycan Respublikası İXM-nin 329.3-cü maddəsinə əsasən İşıq cihazlarından və səs siqnallarından istifadə qaydalarını pozmağa görə 30 (otuz) manat məbləğində cərimə edilir. Azərbaycan Respublikası İXM-nin 12.1-ci maddəsinə əsasən bu məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-nin 76.1-ci maddəsinə əsasən, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Azərbaycan Respublikası İXM-nin 34.1-ci maddəsində göstərilir ki, bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Həmin Məcəllənin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Həmin Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Beləliklə Göygöl rayon Polis Şöbəsinin DYPB tərəfindən tərtib edilmiş inzibati protokola və digər sənədlərə əsasən Şəxs inzibati xətanı törətməsi faktı tam sübuta yetirilir və bu səbəbdən onun barəsində daha ciddi inzibati xətaya görə Azərbaycan Respublikası İXM-nin 333.1-ci maddəsinin maddəsinin sanksiyası həddində, yəni nəqliyyat vasitələrini idarə etmək hüququnun məhdudlaşdırılması növündə inzibati cəza təyin edilməlidir. Göstərilənlərə əsasən və Azərbaycan Respublikası İXM-nin 22, 30, 31, 106-119, 128-130-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İXM-nin 333.1-ci maddəsində nəzərdə tutulmuş inzibati xəta törətməkdə təqsirli bilinib 8 (səkkiz) ay müddətinə nəqliyyat vasitələrini idarə etmək hüququ məhdudlaşdırılsın Qərarın surəti təqdim edildiyi və ya alındığı gündən 10 (on) gün müddətində Göygöl Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti və ya apellyasiya protesti verilə bilər. Hakim: Qələmdar Abbasov AZƏRBAYCAN RESPUBLİKASİ GÖYGÖL RAYON MƏHKƏMƏSİ AZ 2500, Göygöl şəhəri, S.Vurğun küçəsi 45A Tel: (02220) 5-23-84 Faks: (02220) 5-23-84 İş № 3(066)-312/2023 25 iyul 2023-cü il Şəxs Göygöl şəhəri 2 nömrəli İnternat 130 mənzilli bina Göygöl rayon Polis Şöbəsinin DYPB-nə Göygöl şhəhəri A.Hacıyev küçəsi 93 Göygöl rayon məhkəməsinin 3(066)-312/2023 nömrəli, 25 iyul 2023-cü il tarixli qərarının surəti məlumat üçün Sizə göndərilir. Qoşma : qərarın surəti « » vərəqədə. Hakim:Qələmdar Abbasov AZƏRBAYCAN RESPUBLİKASİ GÖYGÖL RAYON MƏHKƏMƏSİ AZ 2500, Göygöl şəhəri, S.Vurğun küçəsi 45A Tel: (02220) 5-23-84 Faks: (02220) 5-23-84 İş № 3(066)-312/2023 27 iyul 2023-cü il Gəncə şəhəri üzrə İcra İdarəsinə Şəxs barəsində olan Göygöl rayon məhkəməsinin 3(066)-312/2023 nömrəli, 25 iyul 2023-cü il tarixli qərarının surəti sürücülük hüququndan məhdudlaşdırılmaya aid hissədə icra olunması üçün Sizə göndərilir. Qeyd: Şəxs sürücülük vəsiqəsi materiala əlavə edilmişdir. Qoşma: Qərarın surəti sürücülük vəsiqəsi « » vərəqə Hakim: Qələmdar Abbasov