Göygöl Rayon Məhkəməsi Qərar — İş №3(066)-341/2023

Azərbaycan Respublikası adından QƏRAR Göygöl rayonu İş № 3(066)-341/2023 01.08.2023 GÖYGÖL RAYON MƏHKƏMƏSİ Göygöl Rayon Məhkəməsinin hakimi Kərimov Əyyub Vaqif oğlunun sədrliyi, X1 iclas katibliyi, protokol tərtib etmiş şəxs Göygöl rayon polis şöbəsinin İTB-nin polis sahə rəisi X3 və barəsində inzibati xəta haqqında iş üzrə icraat aparılan şəxs Şəxs iştirаkı ilə, xx.xx.1958-ci il tarixdə Kəlbəcər rayonunun Bağlıpəyə kəndində doğulmuş, Azərbaycan Respublikasının vətəndaşı, evli, ali təhsilli, işləməyən, Kəlbəcər rayonunun Bağlıpəyə kəndində qeydiyyatda olan və Göygöl şəhərim A.Hacıyev küçəsi ev 30-da yaşayan Şəxs (AZE 0*******) Azərbaycan Respublikasının İnzibati Xətalar Məcəlləsinin 590.1-ci maddəsində müəyyən olunmuş inzibati xəta törətməsinə dair Göygöl rayon polis şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M ü ə y y ə n e t d i: Şəxs Azərbaycan Respublikasının İnzibati Xətalar Məcəlləsinin (bundan sonra İXM-in) 590.1-ci mаddəsi ilə nəzərdə tutulmuş inzibаti xətаnı törətməkdə təqsirli bilinərək barəsində Göygöl rayon polis şöbəsində (bundan sonra Göygöl RPŞ) 01 avqust 2023-cü il tarixdə MN № ******* nömrəli inzibati xəta haqqında prоtоkоl tərtib оlunmuşdur ona görə ki, o, xx.xx.2023-cü il tarixdə “TOZ” markalı, 16 kalibrli, tək lüləli, 024580 nömrəli ov silahını oğlu Yusif Bağırova verməsi nəticəsində mülkü ov silahının saxlanması qaydalarını pozmuşdur. Məhkəmə iclasında protokol tərtib etmiş şəxs Göygöl rayon polis şöbəsinin İTB-nin polis sahə rəisi X3 çıxış edərək bildirdi ki, xx.xx.2023-cü il tarixdə, saat 13 radələrində X2 yaşadığı evdə olan “TOZ” markalı, 16 kalibrli, tək lüləli, 024580 nömrəli ov silahını götürərək yaşadığı evin qarşısında olan sahibsiz itə atəş açaraq iti yaralamışdır. Həmin ov silahı 3-13/093 nömrəli şəhadətnamə ilə Yusif Bağırovun atası Şəxs məxsusdur. Həmin hadisə ilə əlaqədar yığılmış material üzrə cinayət işinin başlanması rədd edilmiş, bundan sonra Şəxs barəsində inzibati xəta haqqında protokol tərtib olunaraq baxılması üçün aidiyyəti üzrə Göygöl Rayon Məhkəməsinə göndərilmişdir. Odur ki, məhkəmədən qanuni qərar qəbul edilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək göstərdi ki, TOZ” markalı, 16 kalibrli, tək lüləli, 024580 nömrəli ov silahı ona məxsusdur. O, həmin silahı ona verilmiş xüsusi razılıq əasasında evində, saxlanc yerində saxlamışdır. Oğlan ondan icazəsiz və xəbərsiz silahı saxlanc yerindən götürmüşdür. Xüsusilə qeyd edir ki, oğlu onunla bərabər bir evdə yaşayır və o, həmin evdə sərbəst hərəkət edir. Odur ki, məhkəmədən barəsində olan inzibati xəta haqqında materialın icraatına xitam verilməsini xahiş etdi. Məhkəmə tərəfləri dinləyib, iş materiallarını araşdırıb hesаb edir ki, Şəxs barədə İXMnin 590.1-ci mаddəsi ilə başlanılmış inzibati xəta haqqında işin icraatına xitam verilməlidir. Belə ki, inzibаti işin mаteriаllarına əlаvə edilmiş və məhkəmə iclasında tədqiq edilmiş: Göygöl rayon polis şöbəsinin təhqiqat bölməsinin baş təhqiqatçısı, polis kapitanı Anar Məmmədovun tərəfindən qəbul edilmiş xx.xx.2023-cü il tarixli “cinayət işi başlanmasının rədd edilməsi” haqqında qərarın surətindən görünür ki, Şəxs xx.xx.2023-cü il tarixdə saat 13 radələrində mülküyyətində olan “TOZ” markalı, 16 kalibrli, tək lüləli, 024580 nömrəli ov silahını oğlu Yusif Bağırova verməsi nəticəsində mülkü ov silahının saxlanması qaydalarını pozmuşdur. Şəxs barəsində toplanmış material üzrə cinayət işi başlanması rədd edilmiş, şəxs barəsində İXM-in 590.1-ci maddəsi ilə inzibati qaydada tədbir görülməsi üçün qərarın surəti Göygöl RPŞ-nin İTB-yə göndərilmişdir. Göygöl RPŞ İTB-nin polis sahə rəisi X3 tərəfindən tərtib edilmiş xx.xx.2023-cü il tarixli, MN № ******* nömrəli protokoldan görünür ki, vət. Şəxs xx.xx.2023-cü il tarixdə saat 13 radələrində mülküyyətində olan “TOZ” markalı, 16 kalibrli, tək lüləli, 024580 nömrəli ov silahını oğlu Yusif Bağırova verməsi nəticəsində mülkü ov silahının saxlanması qaydalarını pozmuşdur. İXM-nin 590.1-ci maddəsinə əsasən, müvafiq icra hakimiyyəti orqanından xüsusi icazə almış şəxslər tərəfindən mülki silahın və ya onun üçün döyüş sursatının saxlanılması, daşınması və ya satılması qaydalarının pozulmasına görə-silah və döyüş sursatı müsadirə edilməklə və ya edilməməklə əlli manatdan yetmiş manatadək məbləğdə cərimə edilir. Məhkəmə iclasında tədqiq edilmiş sübutlarla müəyyən edilmişdir ki, barəsində inzibati xəta haqqında iş üzrə protokol tərtib edilmiş şəxs Şəxs xx.xx.2023-cü il tarixdə mülkü ov silahının saxlanması qaydalarını pozması göstərilmiş və ona görə də Şəxs barəsində 590.1-ci maddəsində nəzərdə tutulan inzibati xətanı törətməsi ilə bağlı protokol tərtib olunmuşdur. Məhkəmə hesab edir ki, Şəxs əməlində İXM-nin 590.1-ci maddəsinin tərkibinin olması qənaətinə gəlmək olmur. Belə ki, barəsində inzibati xəta haqqında iş üzrə protokol tərtib edilmiş şəxs Şəxs silahı xüsusi icazə (razılıq) əsasında evində, eyni zamanda saxlanc yerində saxlamışdır. İşdə bunun əksini təkzib edən heç bir akt və ya sənəd yoxdur. Bundan başqa, barəsində inzibati icraat aparılan şəxsin silahı şəxsən və bilə-istəyə kiməsə verməsi barədə iş materiallarında heç bir sübut yoxdur. Məhkəmə xüsusilə qeyd edir ki, silahı icazəsiz əldə edən şəxs barəsində inzibati icraat aparılan şəxsinin doğma oğludur və o, Şəxs ilə eyni evdə yaşayır. Məhkəmə eyni zamanda vurğulayır ki, oğlu barəsində inzibati icraat aparılan şəxslə birlikdə yaşadığından evdən kiminsə razılığı olmadan, tam olaraq istifadə edir və Şəxs silahı hər nəqədər saxlanc yerində saxlasa da, Yusif eyni evdə yaşadığından həmin silahı atasından xəbərsiz və icazəsiz götürəndə Şəxs bundan məlumatsız ola bilərdi. Məhkəmə eyni zamanda qeyd edir ki, barəsində inzibati icraat aparılan şəxs və ya bir başqası qanuni razılıq əsasında evində silah saxlasa da, evdə olmayan zaman həmin silahı özü ilə götürmək məcburiyyətində deyildir, ondan icazəsiz və onunla birlikdə yaşayan şəxslərin həmin silahı xəbərsiz götürməsi barəsində inzibati icraat aparılan şəxsin məsuliyyətinə səbəb olmamalıdır. Beləliklə, barəsində inzibati icraat aparılan şəxsin silahı saxlama qaydasını pozması, Yusif Bağırova verməsi inzibati işin materialları və məhkəmə iclasında verilən izahatlarla sübut olunmur. Belə ki, Azərbaycan Respublikasının Konstitusiyasının 63-cü maddəsinə əsasən, hər kəsin təqsirsizlik prezumpsiyası hüququ vardır. Cinayətin törədilməsində təqsirləndirilən hər bir şəxs, onun təqsiri qanunla nəzərdə tutulan qaydada sübuta yetirilməyibsə və bu barədə məhkəmənin qanuni qüvvəyə minmiş hökmü yoxdursa, təqsirsiz sayılır. Şəxsin təqsirli olduğuna əsaslı şübhələr varsa, onun təqsirli bilinməsinə yol verilmir. Cinayətin törədilməsində təqsirləndirilən şəxs özünün təqsirsizliyini sübuta yetirməyə borclu deyildir. Ədalət mühakiməsi həyata keçirilərkən qanunu pozmaqla əldə edilmiş sübutlardan istifadə oluna bilməz. Məhkəmənin hökmü olmasa, kimsə cinayətdə təqsirli sayıla bilməz. İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-nin 12-ci mаddəsində göstərilmişdir ki, bu Məcəllə ilə qоrunаn ictimаi münаsibətlərə qəsd edən, hüquqаzidd оlаn, təqsirli sаyılаn (qəsdən və ehtiyаtsızlıq üzündən törədilən) və inzibаti məsuliyyətə səbəb оlаn əməl (hərəkət və yа hərəkətsizlik) inzibаti xətа hesаb оlunur. İXM-nin 8-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Avropa İnsan Hüquqları Məhkəməsinin qeyd edir ki, məhkəmə sübutları qiymətləndirən zaman “əsaslı şübhələr yaratmayan” sübut standartını əsas kimi götürür. Belə sübut kifayət qədər güclü, aydın və ziddiyyət təşkil etməyən mülahizələrdən və ya faktların eyni dərəcədə təkzib olunmayan ehtimallarından irəli gələ bilər (digər qərarlarla yanaşı bax: “Avşar Türkiyəyə qarşı” Avşar v. Turkey, no. 25657/94, § 282, ECHR.) Həmçinin, “Berbera, Messege və Habordo İspaniyaya qarşı” işində Avropa məhkəməsi qeyd etmişdir ki, təqsirləndirilən şəxsin təqsirliliyi barədə məhkəmənin nəticəsi həm yetərlilik, həm də inandırıcılıq tələblərinə uyğun olmalı, onun əsasını isə yalnız elə sübutlar təşkil etməlidir ki, hansı ki, qanuna müvafiq yəni, qanuni yolla əldə olunmuşdur. Həmçinin vurğulanmışdır ki, məhkəmə üzvləri öz vəzifələrini həyata keçirərkən prosesə əvvəlcədən təqsirləndirilən şəxsin onun təqsirləndirildiyi əməli törətməsi fikri ilə başlamamalıdır və hər hansı şübhə onun xeyrinə həll olunmalıdır. «Mаhmudov Rusiyа Federаsiyаsınа qаrşı» iş üzrə 26 iyul 2007-ci il tаrixli qərаrındа İnsаn Hаqlаrı üzrə Avropа Məhkəməsi qeyd etmişdir ki, Konvensiyа аrаşdırmаlаrındа sübutlаrı qiymətləndirərkən, bir qаydа olаrаq sübut etmək yükü təkzib edənin deyl, iddiа edənin üzərinə düşür (аffirmаnti, non negаnti insumbit probаtion) prinsipi rəhbər tutulur. Sübut kifаyət qədər güclü, аydın və bir-birinə uyğun qənаətlərin həm mövcudluğundаn, həmçinin təkzib olunmаz oxşаr fаkt ehtimаllаrındаn irəli gəlir. Göründüyü kimi Şəxs təqsiri bu Məcəllədə nəzərdə tutulmuş qaydada sübuta yetirilməmiş, onun təqsirli olması inzibati xəta haqqında iş üzrə icraata baxmış hakimin qüvvəyə minmiş qərarı ilə müəyyən edilməmişdir. İnzibati məsuliyyətə cəlb olunmuş şəxsin təqsirini sübut etməyə borclu olan orqan isə onun təqsirli olmasını mötəbər sübutlarla sübuta yetirə bilməmişdir. Belə olan halda Şəxs təqsirli olması barədə şübhələr onun xeyrinə həll edilməlidir. Beləliklə, məhkəmə hesab edir ki, Şəxs əməlində məhz İXM-nin 590.1-ci maddəsinin tərkibi yoxdur. İXM-nin 53.1-ci maddəsinə əsasən, aşağıdakı hallarda inzibati xətalar haqqında işlər üzrə icraat başlanıla bilməz, başlanmış icraata isə xitam verilir: 53.1.1. inzibati xəta hadisəsi olmadıqda; 53.1.2. inzibati xəta tərkibi olmadıqda; Həmin Məcəllənin 53.2-ci maddəsinə əsasən, hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. Həmin Məcəllənin 114.1.4-cü maddəsinə əsasən, inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 114.2.1-ci maddəsinə əsasən, inzibati xəta haqqında iş üzrə icraata xitam verilməsi haqqında qərar bu Məcəllənin 53-cü maddəsində nəzərdə tutulan hallardan biri mövcud olduqda çıxarılır. Beləliklə, məhkəmə iş materiallarını işdə olan sübutlarla qarşılıqlı əlaqədə araşdırıb, təhlil edərək öz daxili inamına əsasən qiymətləndirib hesab edir ki, barəsində inzibati xəta haqqında iş üzrə icraat aparılan Şəxs əməlində inzibati xəta tərkibini olmamasına görə iş üzrə icraata xitam verməlidir Göstərilənlərə əsаsən və İXM-nin 112, 114, 115, 117, 128-130-cu mаddələrini rəhbər tutаrаq, məhkəmə Q ə r a r a a l d ı: Şəxs barəsində Azərbaycan Respublikasının İnzibati Xətalar Məcəlləsinin 590.1-ci mаddəsi ilə başlanılmış inzibati xəta haqqında iş üzrə icraata xitam verilsin. Qərаrın surəti təqdim edildiyi və yа аlındığı gündən 10 (оn) gün müddətində Gəncə Аpelyаsiyа Məhkəməsinə аpellyаsiyа şikаyəti və yа prоtesti verilə bilər. Hаkim: Əyyub Kərimov AZƏRBAYCAN RESPUBLİKASİ GÖYGÖL RAYON MƏHKƏMƏSİ _______________________________________________________________________ _____ Poçt indeksi: AZ 2500, Tel: (02220) 5-23-84; Faks: 5-39-92 Ünvan: Göygöl şəhəri,S.Vurğun küç.,45A Elektron poçtu:Elektron ünvan İş № 3(066)-341/2023 «01» avqust 2023-cü il Göygöl rayon polis şöbəsinə Göygöl şəhəri, A.Hacıyev küçəsi, 93 Şəxs Göygöl şəhəri A.Hacıyev küçəsi, ev 60 Göygöl Rayon Məhkəməsinin 01 avqust 2023-cü il tarixli, 3(066)-341/2023 nömrəli qərarının surəti məlumat üçün Sizə göndərilir. Qoşma: qərarın surəti “ 04” səhifə. Hörmətlə, hakim: Əyyub Kərimov